ATE Mobilek mugikortasun-soluzioak eskaintzen dizkie 10.000 erabiltzaileri
ATE Mobilek mugikortasun-soluzioak eskaintzen dizkie 10.000 erabiltzaileri 20 urte bete dituenean Enpresak lau ataletan banatuta 13 app ditu: operazioak, logistika, salmentak eta pertsonak. Konpainia ATE Informáticaren negozio-dibisioa da eta erabiltzaile mugikorrentzat negozio arloko mugikortasuneko appak eta soluzioak ematea du helburu. Prozesu komertzialak, teknikoak, logistikoak eta fabrikaziokoak digitalizatzen ditu.
Bezeroen artean, LTZak, instalaziokoak eta muntaketakoak, komertzialak, merkantzia banatzen eta bidaltzen dutenak, merkantzien harrera egiten dutenak, garraio-zerbitzuak edo eremuan bertan zundaketak egiten dituztenak daude.
«Ia ahaztuta ditugu 2003an eskuragarri genituen teknologiak», dio Johann Vázquezek, telekomunikazioetako ingeniariak, hasiera-hasieratik ATE Mobileren bultzatzailea izan zenak eta gaur egun arduraduna denak. «Telefono mugikorrek deiak egiteko bakarrik balio zuten eta, asko jota, testu-mezuak bidaltzeko. Baina hala eta guztiz ere, gure bezeroentzako lehen soluzio mugikorrak diseinatzea eta horiek eskaintzea lortu genuen. Adibidez, Osakidetzako bisitak oroitarazteko sms bidezko lehen jakinarazpen-sistema ATEtik ezarri genuen. Oroitarazteko jakinarazpenen bolumena oso handia izan zen, eta aurreztutako kostuen bolumena sekulakoa. Horrek guztiak bestela hitzordu medikoa zutela ahaztuko zitzaiekeelako pazienteak ez bertaratzea minimizatu zuen. Bestalde, Java-MicroEdition teknologia berriarekin NOKIA 6600ak programatzen ausartzen lehenengoetakoak izan ginen gero gure bezero komertzialen ERPekin konektatzeko. Horri esker, bezeroen eta stockaren inguruko informazioa ateratzeko eta salmenta-eskariak jasotzeko gai izan ginen».
Hasierak zailak izan ziren. Soluzio horiek eskaintzen zuten balioa enpresei transmititzeko zailtasunak izan genituen. «Batzuetan, espazio-ontzitik jaitsi berriak ziren estralurtarrak bagina bezala begiratzen ziguten», kontatu digu Pío Galdosek, ATEko zuzendari komertzialak eta esperientzia horietan ere esku hartu zuenak. «Soluzio haiek enpresetako prozesu jakin batzuk kudeatzeko moduan disrupzio handia eragiten zuten. Izan ere, ordura arte, paperak eta eskuz egiten ziren lanek garrantzi handia zuten prozesu haietan. Baina, pixkanaka-pixkanaka, bidea hura zela eta atzera-bueltarik ez zegoela ulertzen joan ziren».
Teknologiaren ondorioz beste ikara batzuk ere iritsi ziren. Haietako bat izan zen, adibidez, Blackberryk jasandako erorketa. Izan ere, bere garaiko soluzio guztiak plataforma hartatik eraiki ziren eta hori guztia gainditu beharreko erronka izan zen. Horretarako, ezagutza eta soluzioak Androidera eta iOSera bideratzeko lan zorrotza egin behar izan zuten. Era berean, handik urte batzuetara, ATE Mobileren soluzio-katalogoko appak estandaritzatzeko asmo handiko prozesuari aurre egin behar izan zion enpresak. Aldi berean, gainera, Solmicro ERPrekin (Zucchettiren ERP soluzioa, 2005etik ATEn ezarritakoa) egindako integrazio naturala sendotu zuen merkatuko beste ERP batzuekiko integragarritasun bereizgarria galdu gabe.
Orain, enpresak egunero 50.000 eragiketa baino gehiago bideratzen ditu; 20.000 kontsulta inguru eta 27.000 jakinarazpen baino gehiago egunero. «Bidea zoragarria izan da, baina ez gara konformatzen», adierazi dute irmo Johannek eta Ignaciok. «Onena etortzear dagoela uste dugu; gainera, buruan hainbat ideia eta soluzio ditugu, eta epe laburrera begira horiek gauzatu nahiko genituzke. Horixe da lanerako eta bizitzarako gure filosofia; eta ez gara geratuko. Gainera, gure lankide diren enpresek etengabe proposatzen dizkigute erronkak eta horrek asko motibatzen gaitu. 20 urte igaro dira eta pentsatzen genuena baino askoz ere gehiago egin dugu, egia da, baina 20 urte barru, 2023. urte honetara atzera begiratzen dugunean, gauza bera esango dugula uste dugu».
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.