Arranobox proiektuak enpresak laguntzen ditu barne informazioaren bilaketa errazten, denbora tartea erdira murriztuz
2019. urtearen amaieran Laubor Technologies sortu zen, enpresei digitalizazio-arazoak modu eraginkorrean konpontzen laguntzeko, neurrira egindako konponbideekin, geroago produktu bihur daitezkeenak. Laudioko enpresa makinek ematen dituzten datuei balioa ematen espezializatuta dago, eta horrela datu horiek monetizatzea lortzen da.
Une honetan, Arranobox da bere proiektu nagusia, bilaketa-motor indartsua duen zerbitzari bat, hainbat lekutan barreiatutako informazioa indexatzeko eta informazio hori azkar bilatzeko aukera ematen duena. Proiektu hori Suitzako CERNen garatutako teknologian oinarrituta dago, Ikerketa Nuklearrerako Europako Erakundea eta munduko ikerketa zientifiko handienetarako zentro bat.
“Arranoboxek tresna erraz eta azkar bat eskaintzen dio erabiltzaileari, bilaketa-terminoekin lotutako informazio garrantzitsua aurkitzen laguntzen diona, bilaketa-denbora erdira murriztuz. Orain merkatu nazionalean eskaintzen hasi gara, eta gero nazioarteko merkaturatzea bilatuko dugu”, aurreratu du Jaime López Segundok, Laubor Technologieseko Marketin zuzendariak.
Eraldaketa digitalaren garrantzia
Arabako enpresaren jarduera 4.0 industrian oinarritzen da, eta industria-makinen datuak ateratzeko, prozesatzeko eta aztertzeko irtenbideak eskaintzen ditu bertan. IoT (Internet of things) ere lantzen du. “Edozer gauza konektatzen dugu Internetera, edozein gailuren datuen balioa atera ahal izateko. Datu erregistro bat edukitzea funtsezkoa da edozein enpresarentzat edozein prozesu hobetzeko”, Jaime López Segundok ziurtatzen duenez.
Eta, bere jardueraren hirugarren sektorea bezeroen eraldaketa digitala da. “Digitalizazioaren garrantzia ezagutzen duena, bere enpresan ezartzeko abian da. Baina konpainia batzuei bultzada txiki bat eman behar diegu, eta lagundu egin behar diegu pauso garrantzitsu hori nola eman behar duten ikus dezaten, laguntzen bidez”, nabarmendu du Marketing zuzendariak.
Lauborrek, gaur egun, hiru langile ditu, eta urtarrilean laugarren bat gehituko zaie. Bere aurreikuspenen arabera, 2023ko amaierarako, “lan-taldea 8 -ra handituko da”, azpimarratu du.
SPRI Taldearen helburuetako bat euskal enpresen eraldaketa digitala da. Besteak beste, Basque Industry 4.0, BDIH Konexio, Zibersegurtasun Industriala, Enpresa Digitala edo Inplantalariak laguntza-programen bidez bultzatzen du. Aurkitu hemen eskuragarri dauden laguntza guztiak.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.