Argieskemak enpresei laguntzen die beren makinei eta instalazioei buruzko informazioa digitalizatzen
Informazioaren ezagutza eta erabilgarritasuna ezinbestekoak dira mantentze-lanetan eta matxurak konpontzerakoan
Argieskema konpainia bizkaitarra, egoitza Urduñan duena eta 2016an sortu zena, enpresetan makinen eta instalazioen inguruko informazioa digitalizatzeko xedearekin jarri zen martxan. Informazio hori langile guztientzako eskuragarri egon dadila lortzeak abantaila garrantzitsuak eskaintzen ditu, matxurak konpontzeari, mantentze-lanei edo instalazioen eta bere balizko aldaketen ezagutza propioa babesteari dagokionez. Elkarrizketa egin diogu Idoia Fernandez Komunikazio eta Administrazio arduradunari, eta Carlos Arranz Argieskemako arduradun teknikoari.
Zer zerbitzu mota eskaintzen dituzue Argieskeman?
Enpresa industrialetan makina eta instalazio elektrikoen inguruko informazioa digitalizatzeaz arduratzen gara. Makinek, denboran zehar, aldaketak izan ohi dituzte eta ez dira inon islatuta geratzen; han lan egiten duten pertsonek bakarrik ezagutzen dituzte. Langileek dute makinen berezitasunen inguruko ezagutza. Helburua informazio eskuragarri, nabigagarri eta egokigarria edukitzea da, tableta edo ordenagailu batetik erabili daitekeena; edozein pertsonak informazio horretara sartzeko aukera izan dezan eta, modu horretan, enpresaren ezagutza edozein langileri helarazi ahal izateko.
Eskaintzen dugun digitalizazioa ez da bakarrik dokumentuak eskaneatzean oinarritzen; EPLAN deituriko ingeniaritza-programa baten bidez, instalazioetan ‘in situ’ hartzen ditugun makinen dokumentazioa eta informazioa oinarri hartuta proiektu bat martxan jartzea da helburua.
Zein da digitalizazio-prozesu hori egiteko protokoloa?
Lehenik eta behin, enpresek duten aldez aurretiko informazioa ikusten dugu. Zenbaitek uste baino gehiago dituzte. Papereko eskuliburu handiak dira, instalazio horretako osagai bakoitzari buruzko eskema eta fitxa teknikoekin (beren hornitzaile edo sailtzaileek eman dizkietenak). Hainbeste informazio dago, non, askotan, langileek ez duten nahikoa denbora geratu eta begirada bat emateko. Gero, dokumentazio hori jaso eta aztertu ostean, hizpide dugun enpresara goaz eta errealitatearekin bat datorren ikusten dugu. Azkenik, informazio horrekin proiektu hori editatzen hasten gara berriro EPLAN programarekin.
Ohikoak al dira aldaketak makina eta instalazioetan?
Industrian aldaketak egin ohi dira makinetan segurtasun-gaiak direla eta, edo fabrikatu behar duten produktua bera aldatzen doalako. Askotan, osagaiak gehitzen dira gauza berriak egin ditzaten. Adibidez, beso robotiko bat gehitu ahal zaio eta abar. Makinaren eta geroago gehitu diren osagai desberdinen fitxak dituzte, baina ez daude elkartuta edo ezin da jakin nola komunikatzen diren beraien artean.
Zer garrantzia du enpresentzako honelako informazioaren digitalizazioak?
Bereziki garrantzitsua da mantentze-lanekin eta matxurekin loturiko gaietan. Askotan, instalazioekin gertatu ohi da matxura antzematen denetik diagnostikoa egiten denera arte denbora asko igaro ohi dela. Denbora-galtze horrek esan nahi du makinak geldirik daudela, ez dagoela ekoizpenik; langileak berak ere geldirik daude eta martxan jarri behar zaio matxuren zerbitzuari. Horrek kostu ekonomiko handiak ekartzen ditu. Informazio horren digitalizazioarekin, matxura lehenago antzeman ahalko litzateke.
Zerbitzu honen beste abantaila bat da makinaren automantentzea ezarri ahalko litzatekeela enpresako langileekin. Informazio eskuragarri eta erabilgarria badaukazu, langileek automantentze-lan horiek gauzatu ahalko lituzkete. 4.0 mantentze batez hitz egin ahalko genuke; bertan, langileek, ‘tabletak’ edo errealitate areagotuko betaurrekoak dituzte, makinaren edo instalazioaren inguruko informazioarekin.
Beste abantaila bat da bezeroari eskemak PDF formatuan izateko aukera eskaintzen diogula, beste dokumentazioaren mantentze-, kontsulta- edo kudeaketa-programa batzuetan sartu daitekeen artxibo bat.
Era berean, garrantzia handia izango luke etorkizuneko langileen prestakuntzarekin loturiko guztiarekin; ez da hala?
- eta 80. hamarkadetan martxan jarri ziren enpresa askok ezagutzaren transmisioarekin loturiko arazo larriak dituzte. Bizitza guztia instalazioetan eta makinetan lanean daramatzaten langileak daude eta badakite zer aldaketa egin diren, baina ezagutza hori ez dago inon jasota eta ahoz aho bakarrik transmititu daiteke. Onena informazio hori enpresan biltegiratuta uztea izango litzateke, langile guztientzako eskuragarri. Horrela, etorkizunean aldaketak egingo balira, artxibo digital horiek eguneratu ahalko litezke eta ezagutzaren transmisioan hutsunerik ez izatea bermatu ahalko litzateke.
Enpresek interesa al dute honelako zerbitzuetan?
Interesa dute, baina arazoa da oraintxe bertan 4.0 Industriarekin loturiko teknologia, irtenbide eta zerbitzu asko daudela eta nik uste ez dakitela zer aukeratu. Oraindik pixka bat galduta gaude eta ez dakigu nola asmatu 4.0 Industriaren arloan. Enpresek badakite aurrera egin behar dutela 4.0 Industriaranzko trantsizio honetan, baina dauden eskaintza guztien artean zaila da aukeratzea eta ez dakite zein den behar duten irtenbidea. Guk beti esaten diegu gure bezeroei lehentasuna helburuak bilatzea eta zer nahi duten jakitea dela. Helburuak definituta daudenean hasiko gara horiek erdiesteko teknologiarik aproposenen bila, baina lehentasuna da jakitea norantz goazen.
Zer beste jarduera burutzen dituzue Argieskeman?
EPLAN programan espezializatu gara eta diseinu elektrikoko negozio-ildo bat ireki dugu EPLANekin. Orain lan asko daukagu eta hazi nahi dugu, hortaz, gure helburua teknikariak egiten dugunaren inguruan prestatzea da, eta hori ez da erraza, gure arloa oso espezifikoa baita. Urduñan daukagun bulegoa mantentzen dugu, baina bulego handiago batera aldatu gara proiektuetan, negozio-ildoetan eta giza-taldean hazten jarraitu nahi dugulako.
Lotutako albisteak
Lantekek, software industrialean munduko liderrak, 36.000 bezero baino gehiago ditu dagoeneko
Arabako Parkean kokatuta dagoen enpresak 400 langile baino gehiago ditu, eta SPRI Taldearen zibersegurtasuneko programako laguntza bat jaso du
Lowerton, adimen artifizialarekin enpresak berritzea eskaintzen duen startupa
Bere teknologiak aukera ematen du lau hilabeteko lana eskatzen duten hobekuntzak bi egunetan bakarrik ezartzeko
Duplostock industria-irtenbide pertsonalizatuen diseinatzaile eta fabrikatzaile bihurtu da
Zuzendaritzan izandako aldaketaren ondoren, euskal enpresak eraldaketa digitalaren, efizientzia energetikoaren eta bere prozesuen automatizazioaren aldeko apustua egin du.
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
GM2k digitalizazioaren eta nazioartekotzearen aldeko apustua egin du, motorraren sektorearen hazkundea bultzatzeko
Motorzaleentzako ekipamenduaren banaketan espezializatutako enpresa arabarrak adimen artifizialean oinarritutako laguntzaile birtual bat garatu du, ereduaren araberako ordezko piezen bilaketa errazteko, eta Mediterraneo inguruko herrialdeetan hedatzen hasi da.
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.