AquaDat, uraren kudeaketa adimendunagoa lortzeko konponbideak
Euskal startup-ak analisi prediktiboa erabiltzen du uraren erabilpen eraginkor eta jasangarria lortzeko
AquaDat proiektuaren xedea da konponbide integralak eskaintzea, batik bat, enpresei eta erakunde publikoei uraren kudeaketa adimenduna lortzeko. Startup horrek aholkularitza teknologikoko zerbitzu bat garatu du, eta baita ere ura denbora errealean neurtzeko eta aztertzeko plataforma bat. Helburua da informazio baliagarria lortzea baliabide hidrikoa modu eraginkorragoan kudeatzeko ziklo osoan, bai instalazio industrialetan eta bai hiri-ingurunean.
“Prozesu osoan aztertzen dugu ura, ez bakarrik ikuspuntu teknikotik, baita ere kostu ekonomikoen eta ingurumeneko kostuen ikuspegitik” azaldu du Jorge García del Arcok, AquaDat enpresako zuzendari nagusiak, “enpresa edo erakunde bakoitzaren premietara ongien egokitzen diren konponbideak eskaintzen ditugu, horretarako erabiliz ingurumen-araudi guztiak betetzen dituzten eta ekonomikoki eraginkorrak diren tresnak”.
Startup-ak sortu duen lehen garapena AquaRadar da, sentsore bidezko neurketa-sistema bat, uraren kalitatea neurtzen duena prozesu industrial batean, hasi instalazioetan sartzen denetik eta ateratzen den arte. Tresna horrek uraren zikloko puntu kritiko guztiak neurtzen ditu. Eskuratzen duen informazioarekin bermatzen du ura kalitatezkoa dela eta araudi guztiak betetzen dituela, eta horrekin batera, kudeaketa hobetzeko moduak proposatzen ditu.
Enpresak dagoeneko probatu du konponbidea, eta une honetan bezero profil desberdinen arabera pertsonalizatzen ari da. “Konponbide honen bidez enpresa batek bere prozesu industrialean gertatzen den guztia ezagutuko du, eta gainera, lotura estua du Erantzukizun Sozial Korporatiboko planekin”, dio AquaDat enpresako zuzendari nagusiak, “administrazioei, berriz, bermatzen die araudia betetzen dela”.
AquaDat aukeratuetako bat izan da Bind 4.0 programaren 4. edizioan (Eusko Jaurlaritzako Ekonomi Garapen eta Azpiegitura Sailak SPRI Taldearen bitartez bultzatzen duen Industria Adimendunaren azeleragailu publiko-pribatua) parte hartzeko. Programa horri esker, AquaDat enpresak bere konponbide teknologikoa garatu eta aplikatu ahal izango du Coca-Cola multinazionalarekin elkarlanean eginiko prozesu baten bidez.
AquaDat 2016an sortu zen, Bizkaia International Startup Connection programaren lehen edizioan parte hartu ostean. Bizkaiko Foru Aldundiak bultzatutako ekimen horri esker, lantaldeak azelerazio-prozesu bat egin zuen CIC Boston-en. 2017an, proiektua finalistetako bat izan zen MIT Water Innovation Prize nazioarteko lehiaketan, eta 2019an lehen saria eskuratu zuen BIC Gipuzkoak antolatutako Galileo Masters lehiaketaren Euskadiko edizioan. AquaDat SPRI Taldeak bultzatutako Ekintzailetzaren Euskal Ekosistemako UpEuskadi plataformako kidea da.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.