Amie Consulting, enpresa industrialak digitalizatzen espezializatutako ETEa
Amie Consulting enpresen digitalizazioan espezializatutako Donostiako aholkularitza industrialeko enpresa da. Konpainiak Toyotaren enpresa-eredu arrakastatsua aplikatzen du eta, bezeroentzako soluzioak diseinatzeaz gain, horiek aplikatzeko tresnak eskaintzen ditu.
Informazio hau “Zutaz mintzo gara” ekimenaren bidez sortu da. SPRI Taldeak Euskadiko enpresei haien proiektuak beren plataforma bidez ezagutarazteko aukera eskaintzen die.
Konpainia 2007an sortu zen enpresa industrialentzako aholkularitza-enpresa gisa. “Emaitzak hobetzeko deitzen digute, eta gai operatiboarekin lotutako laguntza ematen diegu. Gerente batek arazoak dituenean, alokairuan hartutako zuzendari moduko zerbait gara, eta gero ezarpenean laguntzen diegu. Zuzendaritzako lanak egiten ditugu, baina produktibitate-gaietan sartu beharra badago, higadura ekiditen dugu”, azaldu digute Jose Manuel Jauregui gerenteak eta Annie Narváezek, zuzendaritzako aholkulariak.
Amie Consultingek digitalizazioaren laguntzari esker negozioa garatu du. “Hasiera batean, datuak beti eskuz hartzen genituen eta horrek eraginkortasunik ezak sortzen zituen datuak prozesatzeko lanaren ondorioz. Hala, orain zazpi urte, kudeaketa arintzeko asmoz, lehen aplikazio informatikoa jarri genuen abian. Eta aurten makina industrialetako datuak jasotzen hasi gara; hau da, 4.0 industriaren inguruan”.
Enpresak sektore industrialarentzat egiten du lan eta, batez ere, neurri ertaineko enpresekin (40 langiletik aurrerakoekin), baina baita multinazionalekin ere. Horietako batzuk dira, adibidez, Cie Automotive edo Gestamp. Era askotako sektoreak dira.
Errentagarritasuna hobetzea
Eskaintzen duten zerbitzua honela laburbil daiteke: enpresen errentagarritasuna hobetzeko kudeaketa aurreratuko teknikak aplikatzen dituzte eta, gero, beharrezko tresnak eskaini. Hala, enpresaren kudeaketarekin lotutako plan estrategikoa prestatzen eta gero beheko mailetara bideratzen dute ezarritako helburuak lortzeko. “Batez ere, kostuak gutxitzea eskatzen digute eta gehienbat fabrikaziokoak. Produkzioa modu eraginkorragoan antolatzen dugu: Lean Manufacturing-a deitzen zaio horri. Orain istripu-arazoak dituen enpresa batekin lanean hasi eta horiek gutxitzeko plana prestatzen ari gara, adibidez.
Kalitatea hobetzea, akatsak gutxitzea edo bulegoko eta produkzioari laguntza emateko sailetako lan guztia antolatzea eskaintzen dute, sail komertzialaren eta salmenta-sailaren artean harreman arina lortu ahal izateko. “Eta 4.0 industrian ezagutzen ditugu jarduera digitalagoa izan dadin erabili beharreko metodoak. Hala, produktu akastunak dituen enpresa batean, kausak ikusi behar dituzu, eta gero produktu akastuna atera aurretik, identifikatu eta esku hartu”.
Bere elementu bereizgarrietako bat da Toyotaren enpresa-eredu arrakastatsua aplikatzea. Gerenteak 10 urte eman zituen kalitateko Europako lehen saria irabazi zuen Burgoseko enpresa batean lanean, eta “Toyotaren produkzio-sistema sortu zutenak, Shigeo Shingo eta Kyyoshi Suzaki, ezagutzeko zortea izan nuen. Haiek izan ziren hobetzeko aholkularitza eman zigutenak”.
Bere lana konpainiaren maila guztietara iristen da. “Guk eskuak zikinduko ditugu; zuzendaritzarekin plan estrategikoa egin dezakegu, baina langileekin batera egiten dugu lan, laneko jantzia soinean dugula”.
Amie Consultingek lau langile ditu eta urteko fakturazioa 300.000 euro ingurukoa da. I+Ga da bere negozioaren gakoa eta fakturazioaren % 40 inguru osatzen du. “Etengabe gaude edozein berritasunen aurrean adi. Merkatuaren zati handiena Euskadin dago, baina bezeroak Europako beste herrialde batzuetan ere baditu: Suedian eta Polonian, esate baterako.
Bere enpresa-arrakastaren erakusgarri dira Kataluniako enpresa baten eta energia berriztagarrien arloan lan egiten duen beste baten kasuak. Izan ere, lehen enpresak ez zuen irabazirik eta bi urteko epean “Ebitdaren % 20 zuen; bigarrenarekin, aldiz, urtarrilean hasi ginen lanean eta Taldearen mundu mailako operazioetako zuzendariak zoriondu egin gaitu lortutako emaitzak direla eta”.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.