Alerion, drone adimendunak muturreko kondizioetarako
Euskal startup-ak aireko robotak egiten ditu, teknologia aeroespazialean oinarrituta
Oier Peñagaricano eta Pablo Ghiglino sortzaile dituen Alerion enpresa espezializatuta dago nabigazio-teknologia propioa duten drone autonomo eta adimendunak egiten. Startup honek B-Venture topaketan parte hartu zuen; kongresu hori SPRI Taldeak lagundu zuen, eta ekintzaileei laguntzea zuen helburu. Jardunaldi horretan, halaber, plataforma hau aurkeztu zuten: UpEuskadi :–Euskadiko Ekintzaileen Ekosistema.
Alerion 2015ean sortu zen, Europako Espazio Agentziaren inkubagailuan (ESA Business Incubation Centre). Sortzaileak nabigazioko espazio-teknologiak garatzen ari zirelarik, aukera ikusi zuten beren proiektua erabilera ez-espazialetara transferitzeko; zehazki, droneen doitasuna hobetzeko. Emaitza aireko robot adimendun eta autonomo bat da, gai dena egiturak ezagutzeko eta datuak denbora errealean aztertzeko.
Alerionek garatzen dituen droneek laser bidezko nabigazio-sistema propio bat dute oinarritzat, zeina enpresak berak patentatu baitu. Teknologia honek aukera ematen du zaintza- eta monitorizazio-gailu gisa erabiltzeko, muturreko kondizioetan eta azpiegitura konplexuetan, iristea oso zaila den horietan. “Beste drone batzuek eskuz gidatuta edo GPS-puntuen bidez nabigatzen dute, baina gureek interesatzen zaien egitura identifikatzen dute eta haren arabera nabigatzen dute”, azaldu du Oier Peñagaricano ingeniaritza aeroespazialeko doktoreak, “eta horrek aukera ematen du asko gertura daitezen eta datu oso zehatzak eta kalitate hobeagokoak lor ditzaten”.
Alerionek garatutako teknologiaren beste elementu bereizgarrietako bat da droneek adimena dutela jasotako datuak aztertzeko. “Datuak dronean bertan prozesatuta, aukera dugu datuak denbora errealean jasotzeko, eta horiek zuzenean bidaltzen dira mantentze-lanez arduratzen diren enpresetara, erabakiak bizkorrago har ditzaten”, adierazi du Peñagaricanok.
Energiaren sektorean aritzen da batez ere enpresa, aerosorgailuen off shore ikuskapen-proiektuetan. Gaur egun, Iberoamerikako lankidetza-proiektu batean ere parte hartzen du, elektrizitate-dorreetan korrosioa detektatzeko, eta 2019an Europako proiektu bat abiaraziko du beso robotikodun droneak sortzeko, konponketak modu autonomoan detektatu eta egiteko gai izango direnak. Bestalde, etorkizun hurbilera begira, Gipuzkoako startup-aren helburua da nazioartean hedatzen hastea, batez ere Estatu Batuetako, Txinako eta Europako iparraldeko merkatuetan.
Iaz, 1,1 milioi euroko diru-laguntza jaso zuen Alerionek Horizonte 2020ren ETE Tresna programaren barruan. Gainera, irailean, EIC Innovator’s Summiten Green Energy kategoriako lehen saria jaso zuen. “Energia-sektoreko enpresa pribatuek osatzen zuten epaimahaia; beraz, guretzat aintzatespen garrantzitsua izan da, eta argi uzten du potentzial handia dugula”.
Lotutako albisteak
EBN 2025 kongresua BIC Bizkaia Ezkerraldean egingo da
Kongresua aukera paregabea izango da industria-energia trantsizioaren inguruan eztabaidatzeko, gure lurralde eta ekonomien etorkizunerako funtsezko gaia baita.
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.