ADDIMAT, BDIH-rentzako lankide bikaina
Gaurdaino argitaratutako artikuluetan, SPRI Taldeak, BDIHren eskutik, berau osatzen duten nodoak aurkeztu ditu, haien jarduera-eremuak azalduz eta eskaintzen dituzten 4.0 teknologiak ezarriz eta erabiliz euskal industriari ekar diezazkioketen onurak azpimarratuz. Artikulu honetan beste agente bat aurkezten da, horren zeregina ezinbestekoa dena fabrikazio gehigarriaren ekosistema teknologikoa garatzeko, eta, aldi berean, osagarri ezin hobea dena BDIHak egiten dituen lanetarako: ADDIMAT.
ADDIMAT, Espainiako Fabrikazio Aditiboko eta 3D Teknologien Elkartea, 2014an sortu zen, fabrikazio gehigarriaren eta 3D teknologiaren garapenean eta sustapenean interesa duten eragile guztiak biltzeko asmoarekin, eta gaur egun, 92 kide ditu jada. BDIHren Fabrikazio Aditiboko nodoari dagozkion artikuluen seriean zehar azpimarratu den bezala, teknologia berri horiek, zalantzarik gabe, funtsezkoak izango dira produktu eta ekoizpen-prozesu berriak garatzeko, eta, horregatik, ezinbestekoa da sektore horretan jarduten duten enpresak ordezkatzen dituen elkarte baten rola.
ADDIMATen kudeaketa, AFM Clusterren talde profesionalean oinarritzen da. Elkarte multisektorial honek, 70 urte baino gehiagoko ibilbidea du, eta fabrikazio aurreratuko eta digitaleko teknologietan espezializatutako giza taldea du, nazioartekotzearen, teknologiaren, komunikazioaren eta pertsonen arloen arduraduna dena, eta Gipuzkoako Parke Zientifiko eta Teknologikoaren instalazioetan du egoitza.
ADDIMATek fabrikazio gehigarriaren balio-katea osatzen duten eragile guztiak biltzen ditu: 3Dko inprimaketa-ekipoen eta horien kontsumigarrien fabrikatzaileak, 3Dko inprimaketa-zerbitzuen hornitzaileak, ekoizpen propiorako 3Dko inprimaketa-teknologiaren erabiltzaileak eta abar, eta teknologia gehigarrien ezarpena sustatzea eta bultzatzea du helburu.
BDIH-rekin duen harremanari dagokionez, ADDIMAT-ek Fabrikazio Aditiboko nodoan parte hartzen du, nodoaren funtzioak osatuz; izan ere, azken horren jarduerak, industriari testatzeko eta esperimentatzeko zerbitzuen eskaintzan eta prestakuntza espezializatuan oinarritzen dira, eta ADDIMAT fabrikazio gehigarriko ekosistema kudeatzeaz, garatzeaz eta azeleratzeaz arduratzen da, haren funtzio nagusiak hauek izanez:
- Enpresen ahotsa instituzioei eta sektorearen garapenean lagun dezaketen veste erakunde laguntzaileei helaraztea.
- Sektoreari koherentzia eta kohesioa ematea, mezuak batuz eta sektorearen eta hura osatzen duten enpresen irudi indartsua eta berritzailea eraikitzen lagunduz.
- Industriari fabrikazio gehigarriko teknologiek ekar diezazkieketen abantailak helaraztea, eta enpresen arteko harremana erraztea eta sustatzea.
- Sektorearen garapen teknologikoa bultzatzea.
- Prestakuntza-eskaintza, sektore gehigarriaren beharretara egokitzea.
Adibide zehatz batzuk jartzearren, ADDIMAT, Espainiako fabrikazio gehigarriaren arloan erreferentziazko topaketa den ADDIT3D azokaren bultzatzailea izan zen. Gaur egun, ADDIMAT, hainbat sektoretan fabrikazio gehigarriko teknologien erabileran arrakasta-kasuak identifikatzen eta ezagutza hori zabaltzen ari da bere webgunearen bidez. Haren Youtube-ko kanalean eskuragarri dauden webinarrak ere arrakasta handia izaten ari dira.
Laburbilduz, ADDIMATek egiten dituen hedapen, networking eta ikusarazteko jarduerak, ezinbestekoak dira enpresek beren testatze- eta esperimentazio-ekintzak, BDIHaren Fabrikazio Aditiboko nodora bideratuko dituen ekosistema bat garatzeko. Eta alderantziz, teknologia horiek BDIHaren nodoaren bidez probatzen hasten diren enpresek, ADDIMATen beren negozioek aurrera egiteko baldintzak gaitzeko beharrezkoak diren zerbitzu guztiak ematen dituen elkarte bat dute.
Elkarte horri atxikitako erakundeen artean, fabrikazio gehigarriaren edo 3D inprimaketaren esparruan ezagutza eta esperientzia duten zentro teknologikoak eta prestakuntza-zentroak daude, bai nazionalak eta baita eskualdekoak, azken horietako batzuk BDIHko kideak ere izanez, hala nola, Lortek, CEIT, Gaiker, Ideko, IMH, Mondragon, UPV/EHU, Tecnalia, Cidetec, Tknika edo TEKNIKER. Garrantzitsua da aipatzea, IMH, AFM Clusterren hezkuntza-zentroa dela.
ADDIMATek edo haren edozein enpresa elkartuk eskain ditzakeen onurak eta zerbitzuak zehatzago ezagutzeko, haiekin harremanetan jar zaitezke haien komunikazio-kanal ugarietako edozeinen bidez, hala nola, buletineko harpidetzaren bidez, sektoreko azken berrien jakinaren gainean egoteko aukera ematen duena.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.