32 startup eta 33 enpresa traktorek 4.0 industriaren 44 proiektu berri bultzatuko dituzte BIND 4.0 programaren hirugarren edizioan
Eusko Jaurlaritzak, SPRI Taldeak eta Euskadiko enpresa nagusiek zuzendutako BIND 4.0 azelerazio-programaren hirugarren edizioa 2019ko urtarrilaren 11an hasiko da.
BIND 4.0 programan parte hartu duten 40 enpresa traktoreak era aktiboan parte hartu dute hautespen prozesuan, hautagai ziren 524 startup-ak aztertuz eta ebaluatuz eta haien interesekoak direnekin Programan garatu beharreko proiektuaren irismena eta baldintzak negoziatuz.
Programa arrakastatsu honen edizio berrian, nazioarteko erreferentziazko 33 enpresa traktorekin lan egingo duten 32 startup-ek parte hartuko dute.
Programaren 6 hilabeteetan, startup-ek eta enpresa traktoreek batera lan egingo dute 4.0 industriaren teknologia berrien 44 proiektu berrien garapenean.
Hirugarren edizio honetako berritasun gisa, Osasunaren Teknologien sektorearen sarrera gauzatuko da, Eusko Jaurlaritzak RIS3 Espezializazio Adimentsurako Estrategian ezarritako lehentasunekin bat eginik. Horrela, Euskadiko osasunaren sektoreko 8 enpresa traktorek 7 startup-ekin lan egingo dute 10 proiektu berritzaileen garapenean.
Azelerazio-programa BIC Enpresa eta Berrikuntza Zentroekin eta Foru Aldundiekin elkarlanean garatzen da eta Amazon Web Services, Microsoft eta Siemens bezalako laguntzaile handien babesa dauka.
Azeleratzaile publiko-pribatu arrakastatsua berrikuntza irekirako plataforma zabal eta sendoa da, startup-ak euskal industria ekosisteman garatzea sustatzen duena eta Euskadin ezarritako industria-enpresen eraldapen digitalean laguntzen duena.
Industria 4.0ren arloko startup-en euskal azeleratzaile publiko-pribatua den BIND 4.0 programaren hirugarren edizioak bere hautespen prozesua bukatu du. Horrela, enpresa laguntzaileek 64 herrialde ezberdinetako 524 hautagaietatik 44 proiektu garatzeko 32 startup hautatu dituzte guztira. Hautatutako proiektuak manufaktura aurreratuaren (23), energiaren (11) eta osasunaren (10) eremuetakoak dira. Nabarmengarria da aurten lehenengo aldiz programan parte hartzen duen osasunaren sektorean dagoen proiektu kopuru handia, Eusko Jaurlaritzak RIS3 Espezializazio Adimentsurako Estrategian ezarritako lehentasunekiko bateratzea gauzatzen direnak.
Proiektuen eremu teknologikoari dagokionez, desagregazioa ondorengo hau da: Internet of Things (11), Big Data (11), Manufaktura gehigarria (7), Zibersegurtasuna (6), Errealitate areagotua / Errealitate birtuala (3), Adimen artifiziala (2), Wearables (2), Infragorriaren espektroskopia (1) eta Energiaren birkarga (1).
Ekonomiaren Garapen eta Azpiegitura Sailak eta SPRI Taldeak sortutako eta kudeatutako programa honen edizio berri honetan hautatutako 32 startup-etatik, 19 Euskadikoak (% 59) eta 13 kanpokoak dira (% 41). Kanpokoetatik, 8 Estatuaren beste tokietatik datoz (Bartzelonako 2, Balentziako 2, Madrilgo 1, A Coruñako 1, Malagako 1 eta Asturiaseko 1) eta 5 atzerrikoak dira, Alemaniatik, Erresuma Batutik, Txekiar Errepublikatik, Indiatik eta Turkiatik etorritakoak.
Hautatutako startup zerrenda hau da: ADDILAN, ATELEI, BEAD TECHNOLOGIES, BIOSCAN RESEARCH, CTECHNANO, DIFFERENGIN, EAVE, BETTERGY, ENGIDI, FLYTHINGS, HDIV SECURITY, IDDO TECHNICAL SOLUTIONS, IMMERSIA, IOMED, JAKINCODE, LUDUS, NARU, NEOSENTEC, NEURON SOUNDWARE, NICEVERI SYSTEMS, OPENCLOUD FACTORY, ORETEK, OSASEN, PATIA, PERSEI VIVARIUM, SAMYLABS, TUMAKER, TYRIS SOFTWARE, VELTIUM, VIXION, WITRAC eta XABET.
Urtarrilaren 11an hasiko den hirugarren edizioan parte hartuko duten startup-ek proiektuko 40 industria-enpresetako 33rekin batera lan egingo dute: ABB, AERNNOVA, ALCOR, ARCELOR MITTAL, BATZ, BRIDGESTONE, BTI, CAF, CIE AUTOMOTIVE, CIKAUTXO, DANOBAT GROUP, EGILE, EUSKALTEL, FAES FARMA, FAGOR EDERLAN, GESTAMP GROUP, GRUPO ELECNOR, IBERDROLA, IMQ, KERALTY, MAIER, MERCEDES BENZ, MICHELIN, MONDRAGON BDC, ORONA, QUIRÓNSALUD, REPSOL – PETRONOR, RPK, SENER, SIDENOR, TUBACEX, ULMA eta VIUDA DE SAINZ.
BIND 4.0 programa
BIND 4.0 azelerazio-programa bat da eta 24 asteko iraupena du. Programa horretan parte hartzen duten startup-ek 150.000 €-ra arteko ordainsaria duen proiektu bat garatzeko aukera dute, industria-enpresa laguntzaileekin batera, eta, horretarako, laguntza-zerbitzuz eta jardueraz osatutako programa trinko bat dute eskura.
BIND 4.0 programak helburu bikoitza du: Startup-en ikuspegitik, edozein azeleratzailek eskaintzen dituen ohiko zerbitzuez baliatzeko aukeraz gain (lan-espazioak, prestakuntza, mentoring-a, diru-laguntzak, finantzaketa…), BIND 4.0 programak aukera ematen die programako enpresa laguntzaile batekin edo batzuekin lanean hasteko, betiere bezero-hornitzaile formatu batean, hau da, ordaindutako kontratu bidez.
Enpresa laguntzaileen ikuspegitik, programari esker, 4.0 industriaren esparruko munduko startup berritzaileenak ezagut ditzakete; hartara, haien talentua, teknologia edota soluzioak kontrata ditzakete eta, bide batez, enpresaren lehiakortasuna hobe dezakete.
Euskadi, ekintzailetza teknologiko eta aurreratuaren erreferente
BIND 4.0 Euskadi ekintzailetza aurreratuaren munduko mapan kokatzea helburu duen herri-apustu estrategiko bat da. Enpresa-garapenerako Euskal Agentziak (SPRI) programa hau garatzen du Eusko Jaurlaritzako Ekonomiaren Garapen eta Azpiegitura Sailarentzat, BIC Enpresa eta Berrikuntza Zentroen eta Foru Aldundien laguntzarekin. BIND 4.0 programa publiko-pribatua da eta horrek bereizten du beste startup azeleratzaile batzuengandik; gainera, maila goreneko industria-bezeroei startup-ak helaraztea bermatzen duen munduko lehen azeleratzailea da.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
ApplAI 2025 Kongresuak Adimen Artifizial Aplikatuaren erreferente gisa finkatu du Euskadi nazioartean
230 erakunde baino gehiagoko 500 pertsona bildu dira, eta Euskaditik berrikuntza teknologikoarekin konprometitutako komunitate aktiboa sendotu da
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.