200 adituk hartu dute parte Eibarren Interneteko edukien kudeaketari buruzko Europako ekitaldi nagusian
25 herrialde baino gehiagotako 200 aditu inguruk hartu dute parte urriaren 8ra bitarte Eibarren egiten ari diren Plone-Ploneconf konferentzian eta Interneteko edukien kudeaketari buruzko Europako ekitaldi nagusia da. Urtero egin ohi den konferentzia horren 20. edizioa izango da aurtengoa eta dozena bat erakunde eta enpresa ditu babesleen artean. Horietako batzuk dira hauek: SPRI Taldea, Gipuzkoako Foru Aldundia, Eibarko Udala, Udako Euskal Unibertsitatea eta RedTurtle, Jazkarta, CodeSyntax, Six feet up, eCityclic, Nuclia, Zest Software, KitConcept edo Starzel.
Plone edukiak kudeatzeko sistema da eta edozein webgune mota eraikitzeko erabil daiteke: atariak, webgune korporatiboak, kanpoko edo barneko webguneak, albisteak argitaratzeko tokiak (blogak barne), onlineko dendak (E-commerce), dokumentuen errepositorioa egitekoak eta elkarlanerako tresnak. Kode irekian oinarritutako garapena da.
PlonecConf 2004tik urtero (gehienetan urrian) toki ezberdin batean egiten den egitasmoa da. Tokio, Bukarest, Boston, San Frantzisko, Brasilia, Ferrara eta Bristol izan dira aurreko edizioetako topaguneak. Oraingoan, Eibarrera ekartzea lortu dute.
Topaketan GEstsoftware librearen teknologian adituak diren nazioarteko enpresa erreferenteak bildu diru. Teknologia horrek 2.000 garapen-ingeniari baino gehiago ditu mundu osoan, eta 57 herrialdetan ezartzen ari diren bostehun bat erakunde baino gehiagok osatzen duten ekosistema da. Halaber, milioika erabiltzailek erabiltzen dute egunero mundu osoan.
Programazio osoa
Konferentziaren programazioaren barruan, training-saioak edo prestakuntza-saioak egin dituzte urriaren 2an eta 3an, astelehenean eta asteartean. Egunean 8 orduko 4 tracketan banatu dituzte eta Udako Euskal Unibertsitatearen egoitzan izan dira (Markeskua Jauregia, Eibar). Saio horiek 8 nazionalitateko 11 prestatzaile profesional adituk eskaini dituzte (Alemania, Kanada, Suitza, AEB, Espainia, India, Errumania, Brasil …).
Hitzaldien, key noten, erabilera-kasuen eta abarren programazioa Coliseo Antzokiko 3 aretotan egin dute urriaren 4an, 5ean eta 6an, eta 45 hitzaldi eta ponentzia izan dira guztira garatzaileei eta Interneteko eduki-sortzaileei zuzenduta. Alemaniako Agentzia Aeroespazialak-DLR eta Belgika, Brasil edo Kataluniako administrazio publikoek hartu dute parte besteak beste, eta hitzaldi interesgarriak ere izan dira roboten erabilerari, Adimen Artifizialari edo Interneteko edukien kudeaketan bideoak erabiltzeari buruz.
Konferentziaren barruan dibulgazioari eta erabilera-kasuei buruzko tokiko saioa ere izan da, eta LMA Construction; ULMA Packaging; EKE, Euskal Kultur Erakundea; UEU, Udako Euskal Unibertsitatea, edo Copernicus Ingurumeneko Europako Agentziak (EEA) hartu dute parte.
Horrez gain, ohikoa den moduan, tokiko key noteak gehitu dituzte programazioan, hala nola Olatz Perez de Viñaspre (EHU, PhD in Language Analysis and Processing) edo Iñaki Maurtua (PhD in Industrial Engineering ) TEKNIKER Fundaziokoa.
Egun bakoitzeko arratsaldeko azken saioan, 17:30etik 18:30era bitartekoan, Lighning talks edo 5 minutuko hitzaldi azkarrak egin dituzte, eta parte-hartzaileek hitzartzeak egiteko aukera izan dute.
Azkenik, sprinten programazioa izan da larunbatean, 7an eta igandean, 8an, eta hainbat nazionalitatetako 40 garatzaile eta adituk hartu dute parte. Markeskua Jauregian egin da, UEU, Udako Euskal Unibertsitatearen egungo egoitzan.
DEBEGESAren, Euskal Kostaldeko Geoparkearen eta Eibarko Udalaren laguntzarekin, programa turistiko eta soziala garatu da, “social activities” atalean, eta bisitak egin dituzte hirira, arma-industriaren museora, flyschera eta Euskal Kostaldeko Geoparkera.
PLONECONF 2023 konferentziak izan duen inpaktu ekonomikoa milioi erdi euro baino gehiagokoa dela kalkulatzen dute, egonaldia, ostatua, mantenua, eta pertsona bakoitzaren gastuak (oroigarriak, kontsumoa…) barne. 200 parte-hartzaile izan dira aste osoan zehar eta prestakuntza-jarduerek eta sprintetan, negozioaren garapenean eta marketinean softwarea garatzeak izan duen inpaktua ere kontuan hartu behar da.
Lotutako albisteak
BeDIGITALek zazpigarren edizioa ospatuko du BECen, enpresa eta erakunde liderren partaidetzarekin
Ekainaren 3tik 5era izango da, +INDUSTRYren esparruan, herrialdeko Smart Manufacturing-ari eskainitako topagunerik handienean. SPRI Taldea erakusketarien artean dago, ‘Invest in the Basque Country’ programarekin.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Europako ordezkaritza bat etorri da Euskadira industria teknologiko kuantikoaren lider izateko bertako estrategia hobeto ezagutzeko
Finlandia, Grezia, Italia eta Espainiako ordezkariak izan dira Euskadin Europako QUANTUM+ proiektuan aurrera egiteko. GAIA klusterra da proiektuaren kideetako bat, eta helburu du teknologia kuantikoei buruzko ibilbide eta prestakuntza-plataforma bat garatzea goi-mailako hezkuntzako ikasleentzat, irakasleentzat eta enpresa teknologikoetako profesionalentzat
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.
% 64 egin dute gora Eusko Jaurlaritzak SPRIren bitartez antolatutako IKT arloko prestakuntzara joandakoek
Enpresa Digitala ekimena 3 lurraldeetako bost gune fisikotan eskaintzen da eta ireki den azkena Ezkerraldekoa izan da, Abantoko campusean
Irudi B2B: 7 urte marketin digital industriala aztertzen bere blogaren bidez
Bere blogaren helburua: ezagutza erabilgarria partekatzea, industriak kanal digitalaren potentziala ahalik eta gehien aprobetxa dezan.
Industria Digitaleko laguntzek zure negozioaren eraldaketa digitala lortzeko bidea irekiko dizute
Industria Digitala 2025 laguntza-programaren aurtengo edizioa martxoaren 18tik irekita, 7.5 milioi €-ko aurrekontuarekin. Euren negozioa digitalki eraldatu nahi duten enpresek urriaren 31era arte aurkez ditzakete euren eskaerak.
Enpresa industrialen eta industria adimendunean espezialistak diren enpresa digitalen arteko elkarlana erraztuko du SPRI Taldeak
Enpresen Networkinga 2025 - Smart Industry kongresuaren 8. edizioa egingo dute martxoaren 26an, Bilbon, eraldaketa digitalari laguntzeko
Logistikari buruz Euskadin egiten den kongresuaren hirugarren edizioa egingo dute BECen
Azoka da iparraldeko eremuan packagingaren, logistikaren eta garraioaren sektoreak biltzen dituen azoka bakarra
Segundu bakoitzak kontatzen du. Ziurtatu zure erreskatea ResQaRrekin
Erreskate-orria formatu digitalean: larrialdi ekipoak, erreskatea modu seguruan egin ahal izateko, behar diren ibilgailuko elementuei buruzko infomazio zehatza eta azkarra.