28 milioi euro ETE teknologikoak eta berritzaileak garatzeko
- 500 lanpostu sortuko dituen 100 milioi euroko inbertsio induzitua lortzea espero du
- 2000n abian jarri zenetik, GAUZATU Industriak 1.227 proiekturi lagundu die, 2.245 milioi euroko aribideko inbertsioa egin du eta 14.933 enplegu sortu ditu
Eusko Jaurlaritzak gaur goizean onartu du 28 milioi euro bideratzea oinarri teknologikoko eta/edo berritzaileko ETEak sortu eta garatzeko, GAUZATU Industria programaren bidez.
Programa honen helburua da enpresen hazkundea bultzatzea, finantzaketarako sarbidea erraztuta, eta dauden tresnen eta sortzen direnen kudeaketa koordinatua eta eraginkorra bermatzea. Gainera, aurten bidea emango du 100 milioi euroko inbertsio induzitua egiteko eta 500 enplegu sortzeko.
GAUZATU programa ekonomikoki eraginkorra da. Izan ere, programa abian jartzearen kostua mugatuta dago daukan kreditu-izaera inplizituagatik, eta nagusia itzuli egin behar da egikaritutako inbertsioen proportzioan.
Laguntza erreala honako hauei dagokie:
- Interesak ez ordaintzea.
- Finantza-erakundeekiko kreditu-lerroen liberazioa.
- Laguntza itzulgarri hauek lortzeko bermerik edo abalik behar ez izatea.
Programa hau oinarri teknologikoko eta/edo berritzaileko ETEak sustatzean datza, eta horrek inpaktua du EAEko garapen teknologikoan eta berrikuntzan. Hortaz, une honetan hain garrantzitsua den ehun ekonomikoaren produktibitatea hobekuntzen laguntzen du.
Era berean, proiektu horiei lagunduta, garapen teknologikoaren eta berrikuntzaren aldeko apustua egin nahi da, EAEko aberastasun ekonomikoa eta soziala sortzen laguntzeko.
Berrikuntzak aukera berdinak ematen ditu handiaren eta txikiaren artean, baita gutxi-asko garatutako zonen artean ere. Horrenbestez, parametro horiek indartu behar ditugu, eta oinarri teknologiko edo berritzailekotzat jotzen diren proiektu esklusiboetan zentratu eta horietara bideratu behar dugu ahalegina, betiere kontuan hartuta badirela eduki eta/edo filosofia desberdineko proiektuetarako laguntzak bideratzen dituzten programak.
Gobernuak, egungo krisian ere, enpresek lehiakor izaten jarrai dezaten du helburu, eta lehendik dauden lanpostuak finkatu eta ahalik eta enplegu gehien sortu nahi ditu.
2000n abian jarri zenetik 2019ra arte, 1.227 inbertsio-proiekturi eman zaie laguntza GAUZATU Industriaren esparruan. Denera, 2.245 milioi euroko inbertsioaz eta 14.933 lanpostu sortzeaz ari gara, enpresa onuradunek itzuli beharko dituzten 537 milioi euroko laguntza-bolumenarekin.
Programak emaitza onak ditu eta ETE-en beharrak asetzen ditu, finantza-erakundeekiko tresna alternatibotzat hartzen baita.
Programaren deskribapena
Lagundu beharreko proiektuak EAEren barruan kokatuko dira, gutxienez 120.000 euroko inbertsio onartura iritsi beharko dute eta, aldi berean, enpleguak 24 hilabetez mantentzea eta/edo sortzea ekarriko dute.
Dirulaguntza itzulgarriak dira, inbertsioekiko proportzionalak, eta gehienez 150.000 eurokoak sortzen den enplegu bakoitzeko, edo 100.000 eurokoak hasierako plantillari eusteko, eta urteko bost kuotatan itzuli beharko dira.
Laguntzen onuradun izan ahalko dira enpresa txiki eta ertainak (ETEak), erauzketako industrialak, eraldatzaileak, produktiboak eta zerbitzu teknikoetakoak (produktu-prozesuari lotutakoak) badira, aurrekoekin lotuta badaude eta oinarri teknologiko eta/edo berritzailekotzat jotzen badira, baita industria enpresetan (catBSC-n erregistratutakoetan) IT/OT (Information Technology / Operational Technology) inguruneetarako zibererasoen aurkako babes-sistemak bateratzea eta integratzea jarduera nagusi duten enpresak ere.
Era berean, sartu ahal izango dira Euskal Autonomia Erkidegoan kokatutako industria-taldeetako enpresak ere (industria-taldeetakotzat hartzen dira euren artean % 100eko akzio-partaidetza duten enpresa multzoak), hala eskatzen badute, eta, betiere, batera hartuta, ezaugarriak betetzen badituzte.
Halaber, aukera ematen zaie nekazaritzako elikagaien industrietako enpresei programa honen onuradun izan daitezen, baldin eta haien inbertsioak ez badira beste programa batzuen dirulaguntzen eta/edo bestelako laguntzen xede.
GAUZATU Industria laguntzetarako, Jaurlaritzak SPRI – Enpresa-garapenerako Euskal Agentzia eta Finantzen Euskal Institutua izendatu ditu erakunde laguntzaile. Laguntza hau eta beste batzuk eskatzeko epeak ezagutu nahi dituztenek SPRI Taldeko Newsletterrera harpidetu daitezke.
Lotutako albisteak
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
Mikel Jauregi: “Mundu mailan zabaltzen ari den ziurgabetasunaren aurrean, Euskaditik multilateralismoaren aldeko apustua egiten dugu”
"Euskadi herri esportatzailea da, beraz muga-zergek eragina izango dute gure esportazioetan. Baina eragin hori nahiko txikia izango da"
Euskadik eta Kataluniak indarrak batu dituzte Europar Batasunaren berrindustrializazio prozesuan
Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
Eusko Jaurlaritzak Euskal Finantza Aliantza sustatuko du, lankidetza publiko-pribatuak 4.000 milioi mobiliza ditzan Euskadiren eraldaketa ekonomiko eta industrialerako
Lehendakaria buru dela egin da, Bilbon, Eusko Jaurlaritzak eta bederatzi toki-erakundek “funtsak, tresnak eta finantza-ahalmenak batzeko” protokoloaren sinadura-ekitaldia. Finantzen Euskal Institutuarentzako 1.000 M€-ko zuzkidurarekin hasten da, haren inbertsio-ahalmena indartu dadin
Mikel Jauregi: “Eusko Jaurlaritzari dagokio Euskadiko enpresei segurtasuna eta ziurtasuna eskaintzea”
Sailburuak "enplegua eta aberastasuna sortzeko Euskadiko enpresek egiten duten lana" balioan jarri du, enpresari eta ekintzaileen figurari prestigioa emateko beharra aldarrikatuz
Elkargik tamaina bikoiztu du, enpresa txiki- ertainen finantza erakunde gisa finkatuaz
2024an, 1400 enpresa ingururi eman die laguntza, eta gaineratu egitean da ia 11.300 enpresetarako indarrean duen finantziazioari, zeintzuek 38.500 milioi euroko fakturazioa duten eta 250.000 enplegu baino gehiago ordezkatzen dituzten.