Veltiumek Fleet-at-home kaleratu du, enpresei zuzendutako ibilgailuen kargak kontrolatzeko tresna
Veltium Arabako Parke Teknologikoan kokatuta dagoen enpresa bat da, eta ibilgailu elektrikoak kargatzeko soluzioak garatzen, fabrikatzen eta merkaturatzen ditu. “Mugikortasun ekologiko, jasangarri eta ekonomikorako trantsizioan behar dituzten soluzio teknologikoak jendearen eskura jartzea da gure helburua”, adierazi dute Arabako enpresako arduradunek. Nahiz eta enpresa 2016. urtean sortu, 2019 arte ez zen hasi produktuak merkaturatzen.
Bere bezeroak automobilgintzaren sektorekoak dira (automobil-fabrikatzaileak, renting-ak, flota-kudeatzaileak…), eta baita eraikin eta energia sektorekoak ere. Besteak beste, Iberdrola, Naturgy, Emovili eta Repsol enpresei ematen die zerbitzua. Veltiumen jarduera Espainian eta Portugalen oinarritzen da batez ere, nahiz eta azken urteotan konpainia nazioartekotze-prozesu batean murgilduta dagoen, beste merkatu batzuetara hedatzeko xedearekin.
Veltium merkaturatu duen azken berrikuntzetako bat ibilgailu elektrikoen flotak dituzten enpresentzako bideratuta dago. “Arazo nagusia da ez dagoela tresna argi eta errazik enpresek langileen etxean egiten diren kargak kontrolatzeko, eta etxean kontsumitutako energia konpentsatzeko”, azaldu dute Veltiumetik. Kargak monitorizatzea eta datu horiek lortzea erronka zaila da enpresentzat; izan ere, kargagailu asko komunitate-garajeetan daude, eta ez dute koberturarik, ezta urruneko sarbide errazik ere.
Egoera ikusita, Arabako konpainiak ‘Fleet-at-home’ kaleratu du. Tresna honek bi zati ditu, enpresei datu guztiak zehatz-mehatz ezagutzeko aukera ematen diena. LITE kargagailuak etxean instalatzen dira eta kargei buruzko informazio guztia app baten bidez ezagutzeko aukera ematen dute. Eta, gainera, Dashboard LITE plataformaren bidez, konpainiak edozein gailutatik eskura dezake kargen informazio grafikoa eta kopurua. Horrez gain, aukera ematen du datuak eremu geografikoen arabera multzokatzeko edo daten edo kargagailu desberdinen arabera filtratzeko.
Veltiumek SPRI Taldearen laguntza jaso du Bind 4.0 eta Ekintzaile programen bidez. Etorkizunari begira, Arabako konpainiak ahalmen berriak dituzten gailuak ezartzen jarraitu nahi du, hala nola, erabiltzailea autotik identifikatzeko sistemak, ordaintzeko metodoak edo bi noranzkoko karga.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Mikel Jauregi: “deskarbonizazio adimentsuaren aldeko apustua egiten dugu, eta bide desberdinetatik hel gaitezke horretara”
Sailburuak adierazi duenez, Euskadi, azken hilabeteotan, ahalegintzen ari da bertako industriak eta bertan ezarri nahi diren enpresa-proiektu berriek eskatzen duten potentzia lortzen
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.