Up Euskadi
Albisteak 22 apirila, 2024

Woza: “BIND aparteko plataforma da startupen hazkunderako eta ikusgarritasunerako”

BIND Govtech-en bidez, Wozak berrikuntza-proiektu bat egin zuen EVE sozietate publikoarekin, eta horrek barne-prozesuak, -estrategiak eta -metodologiak hobetzeko balio izan dio.
-
  • BIND GovTech-en 2. edizioan parte hartzeko deialdia datorren maiatzaren 2ra arte dago zabalik eta digitalizazioko 9 erronkari soluzioak emateko startupak bilatzea du helburu. 
  • 1. edizioan parte hartu ondoren Wozak soluzioetako bere taldea eta zorroa handitu ditu.

 

Woza, deeptech startupa, BIND GovTech-en 1. edizioan parte hartzeko hautatutako seietako bat izan zen. Ekimena Euskadiko sozietate publikoetan berrikuntza sustatzera bideratuta dago, startupekin lankidetzan arituz. Wozak bere proiektu pilotua garatzeko aukera izan zuen, Eusko Jaurlaritzako Energiaren Euskal Erakundearekin (EEE) lankidetzan.

BIND GovTech-en parte hartu eta urtebetera, Woza, 2021ean Bilbon sortutako startupa, deeptech enpresa gisa finkatu da, eta erronka globaletarako soluzioak sortzen ditu, besteak beste klima-aldaketarako, jasangarritasunerako eta arriskuen kudeaketarako. Sebastian Priolo bere CEOak eta sortzailekideak azaltzen duen bezala, “gure metodologia adimen artifizialaren (AA) kontzeptuan oinarritzen da, giza asmamenak bultzatuta”. Wozaren plataforma datu-bolumen handien eta ikasketa automatiko eta sakoneko teknika aurreratuen integrazioan oinarritzen da, enpresa, startup eta sozietate publikoei zuzendutako ereduak eta algoritmoak garatzeko.

BIND Govtech-en bidez, Wozak berrikuntza irekiko proiektu bat egin zuen EEE sozietate publikoarekin, emisioak iragartzeko eta mugikortasunaren ingurumen-inpaktua optimizatzeko gai izango diren ereduak sortzeko, Euskadiko mugikortasunari eta trafikoari buruzko datuak kontsumo-ereduekin lotuta. Esperientzia horrek erakunde publiko baten barruan datuen funtzionamenduari eta erabilerari buruzko ezagutza erreala eman zion Wozari, eta, ondoren, bere prozesuak, estrategiak eta barne-metodologiak hobetzeko balio izan dio. Gaur egun, Woza bere ekipoa handitzeko eta klima-arriskuak arintzeko eta hiri-plangintza optimizatzeko soluzio berriak garatzeko prozesuan dago.

 

Erakundeen eta startupen arteko loturak sortzeko eta berrikuntza bizkortzeko ekosistema

Hasieratik, BINDen helburu nagusietako bat startup berritzaileen eta erakunde finkatuen arteko lotura erraztea izan da. Orain, GovTech ekimenarekin, lotura hori sektore publikora zabaldu da, Euskadiko hainbat sozietate publikoren parte-hartzearekin. Zalantzarik gabe, hori da startup parte-hartzaileek nabarmendu beharreko abantaila nagusietako bat. Hori irizten dio behintzat Priolok, adieraztean “plataformaren izaera irekiak loturak sortzea errazten du eta startupek egindako lana ikusarazteko abantaila bat eskaintzen du”. Izan ere, BIND GovTech-en arrakasta-ereduak aukera ematen die sozietate publikoei digitalizazioko beren erronkak azaltzeko eta startupekin konektatzeko, haiei aurre egin diezaieten. “Erronken argitasunak eta definizioak nabarmen areagotzen ditu arrakasta izateko aukerak”, adierazi du CEO eta sortzailekideak.

Wozak plataformaren etengabeko bilakaera eta aberastea nabarmentzen du, aukera eta azterketa-kasu berriak txertatzen baititu: “BINDen parte hartzea esperientzia paregabea izan daiteke startupentzat, hazkunderako eta ikusgarritasunerako plataforma aparta eskainiz”, gaineratu du Priolok. Bestalde, sozietate publikoek azken aurrerapen teknologikoak deskubritzeko eta aplikatzeko aukera dute, beren barne-prozesuak azkartuz, Woza bezalako startupek eskaintzen duten arintasunari eta egikaritze-azkartasunari esker.

 

BIND GovTech-en 2. edizioa abian da

Berrikuntza irekiko plataformak, BINDek, GovTech ekimenaren bigarren deialdia egin berri du, maiatzaren 2ra arte irekia, zortzi urte baino gutxiagoko startup eta scaleupak bilatzeko, Euskadiko bederatzi sozietate publikoren erronkei erantzuteko gai diren soluzio berritzaileak dituztenak. Haien erronkak ezagutu eta zure soluzioa aurkeztu nahi baduzu, kontsultatu BINDen webgunean.

Programan parte hartzearen onura nagusien artean, honako hauek daude: proiektu bat ingurune erreal batean garatzeko eta merkaturatzeko aukera, teknologia gizarte publiko baten beharretara aplikatzeko aukera, sendotutako erakundeen erreferentzia eta esperientzia izatea, beren proiektua arintasunez garatzea eta startuperako irudia eta marka posizionatzea lortzea.

BIND berrikuntza irekiko plataformak hiru ekimen ditu gaur egun, eta horiekin jarraitzen du hazten eta arrakasta-kasu berriak batzen, startup, enpresa handi, ETE eta sozietate publikoen arteko lankidetzak bultzatuta. 2016an hasi ondoren, 330 proiektu baino gehiago babestu ditu 220 startup baino gehiagorekin lankidetzan.

Lotutako albisteak

Euskadiko  sei  startup  finalistak  izan  dira  ekintzailetza  berritzailea  saritzen  duen  Top101  Spain  errekonozimenduetan
09/10/2025 Ekintzailetza

Euskadiko sei startup finalistak izan dira ekintzailetza berritzailea saritzen duen Top101 Spain errekonozimenduetan

Ekimen honen bigarren edizioaren entrega-ekitaldia azaroaren 12an izango da Murtzian

Euskadi,  ekintzailetza-ekosistema  egonkorrenen  eta  baloratuenen  artean,  GEM  2024-2025  txostenaren  arabera
08/10/2025 Ekintzailetza

Euskadi, ekintzailetza-ekosistema egonkorrenen eta baloratuenen artean, GEM 2024-2025 txostenaren arabera

GEM proiektua munduko ekintzailetza-datuen iturri nagusia da, eta, horren bidez, Euskadiren egoera beste eskualde eta herrialdeen egoerarekin alderatu daiteke.

A4Radar  startupa  eta  Eralki  ETEa  elkarlanean  ari  dira  teknologia  disruptibo  batean,  Eusko  Jaurlaritzaren  BIND  SME  ekimenari  esker
06/10/2025 Up Euskadi

A4Radar startupa eta Eralki ETEa elkarlanean ari dira teknologia disruptibo batean, Eusko Jaurlaritzaren BIND SME ekimenari esker

BIND SME ekimenaren 5. edizioan parte hartzeko deialdia urriaren 20ra arte egongo da irekita.

Ekintzailetzaren  ekosistema  indartzeko  garaia  da  Erronka  2030  dirulaguntzekin
25/09/2025 Ekintzailetza

Ekintzailetzaren ekosistema indartzeko garaia da Erronka 2030 dirulaguntzekin

Erronka 2030 programaren helburua Euskadiko ekintzailetzaren ekosistema osatzen duten hainbat eragile eta erakundeen arteko harremanak eta loturak sustatzea da. Proiektu bakoitzeko 10.000€ko dirulaguntza eska dezake jardueren zentroa Euskadin duen edozein pertsonak edo enpresak.

TramoIAk  logistika  automatizatzeko  robot  kolaboratiboak  eskaintzen  ditu
22/09/2025 Ekintzailetza

TramoIAk logistika automatizatzeko robot kolaboratiboak eskaintzen ditu

Startupak teknologia aurreratuak konbinatzen ditu, tamaina aldakorreko paketeen logistikari soluzio robotiko bat emateko

‘CDL  Donostia-San  Sebastián  AI  for  Startups  2025’  deialdia,  irailaren  30era  arte  zabalik.
18/09/2025 Ekintzailetza

‘CDL Donostia-San Sebastián AI for Startups 2025’ deialdia, irailaren 30era arte zabalik.

Jarduerak berehala hasiko dira! Saio presentzialak Tandem - BIC Gipuzkoa eraikineko instalazioetan egingo dira.

Toribio  Echevarría  Sariek  35.  edizioa  betetzen  dute  aurten,  hainbat  berritzasunekin
15/09/2025 Ekintzailetza

Toribio Echevarría Sariek 35. edizioa betetzen dute aurten, hainbat berritzasunekin

Hautagaitzak aurkezteko epea urriaren 9ra arte dago zabalik

Habitakek  AA  teknologiaren  laguntzarekin  higiezinen  zerbitzuak  iraultzen  ditu
09/09/2025 Ekintzailetza

Habitakek AA teknologiaren laguntzarekin higiezinen zerbitzuak iraultzen ditu

Plataformak adimen artifiziala erabiltzen du jabeak, erosleak, agenteak eta sektoreko profesionalak konektatzeko.

Grunussek  energia  sortzeko,  transmititzeko  eta  biltegiratzeko  modua  eraldatzen  du
28/08/2025 Ekintzailetza

Grunussek energia sortzeko, transmititzeko eta biltegiratzeko modua eraldatzen du

Berrikuntzak bultzatutako ‘deeptech 'enpresa honek aurrerapen teknologiko eta ekologikoaren abangoardian kokatzen da

Ekintzailetza  berritzaile  onena  aitortzen  duten  Top101  Sarietarako  epea  zabalik  dago
29/07/2025 Ekintzailetza

Ekintzailetza berritzaile onena aitortzen duten Top101 Sarietarako epea zabalik dago

Hautagaitzak irailaren 23ra arte aurkez daitezke

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.