Smowltech, onlineko azterketen segurtasuna bermatzen duen enpresa donostiarra
Smowltech Donostian kokatutako enpresa bat da. 2012an sortu zen, Ricardo Vearen ideia batean oinarrituta, zeinak erronkatzat hartu baitzuen prestakuntza ez presentziala eskaintzea eskala handian. Konpainia horrek SPRI Taldearen zibersegurtasun industrialeko programaren laguntza jaso du.
Zehazki, laguntza hori eskualdeko beste erakunde batzuekin kolaboratzeko izan da, eta hala, lankidetzan aritu da Goikide euskal enpresarekin. “Helburua izan da Smowtech-en monitorizazio-produktuei sostengua ematen dieten backend sistemak ikuskatzea, balizko erasoak detektatzeko. Ikuskapen bat egin da webeko aplikazioan, eta beste bat AWSn ostatatutako azpiegituran” azaldu du sortzailearen seme eta konpainiako langile Alex Veak. Proiektua hasiera fasean dago, eta asmoa da urte amaierarako bukatzea.
Enpresak eskaintzen duen produktuaren helburua da “onlinekoa den ororekiko mesfidantza gainditzea. Konfiantzazko eremuak sortu behar dira, eta erabiltzailea ahaldundu edonon eta edozein unetan”.
Horretarako, proctoring-a eskaintzen dute, hots, azterketak zaintzen dituzte tresna telematikoak baliatuz. “Prozesu horren kalitatea bermatzen duen produktu bat eskaintzen dugu. Zibersegurtasuneko tresna bat da, onlineko hezkuntzaren munduan aplikatu duguna. Aitzindariak izan gara Europan, eta liderrak gaztelaniaz mintzatzen diren herrialdeetan. 2018an EBren dirulaguntza bat jaso genuen gure produktua nazioartera eramateko” adierazi du.
Bere zerbitzuei esker, egoitza Madrilen duen UNIRek (onlineko unibertsitate pribatu handiena) “azterketak egiteko modua aldatu du, lehen presentzialak zirenak orain online eginaz ia % 100ean. Hala, erabiltzaileak ez dauka Madrilera joan beharrik, eta bai berak eta bai unibertsitateak dirua eta denbora aurrezten dute”.
Veak azaldu du eurak bezeroaren onlineko plataforman integratzen direla, eta “hark aktibatzen duela monitorizatu nahi duen onlineko prozesua”.
Smowltech-en bezeroen % 70 hezkuntza sektorekoak dira, eta gainerako % 30a enpresa mundukoak, ziurtapenen sektorekoak edo administrazio publikoak. “Cecabank-ek onlineko finantza-ziurtapenak egin ditu gure produktua erabiliz, eta aseguruen sektorean ere erabili dute dagoeneko”.
Gaur egun 27 langile dituzte plantillan, “baina urtea amaitzerako 30 izango direla aurreikusten dute. Langileak zazpi nazionalitatetakoak dira, batez beste 34 urtekoak, eta % 25 emakumeak”. Smowltech-ek 100dik gora bezero ditu, % 60 Europan eta % 40 Latinoamerikan. Bere negozioaren % 20 I+G-ra bideratzen du.
Beren erronkei dagokienez, Latinoamerikan duten posizionamendua sendotu nahi dute, eta momentuz Peru, Kolonbia eta Txilen zentratu dira. Horrez gain, negozioa zabaldu nahi dute ingelesez mintzatzen diren herrialdeetara, eta baita ere enpresen eta ziurtapenen mundura.
Uste dute epe laburrean negozioak % 100eko hazkundea izango duela –azken bi urteetan % 250eko gorakada izan ostean-, eta plantilla handitzen jarraituko dute. “Gainera, talentua erakarri nahi dugu produktua garatzen duen lantalde teknologikora, eskaera handia duten profilak baitira, aurkitzeko zailak”.
SPRI Taldearen zibersegurtasun industrialeko programak itzuli beharrik gabeko 18.000 €-rainoko dirulaguntzak ematen ditu hobekuntzak bultzatzeko enpresa industrialen eta industriako produktu-prozesuari lotutako zerbitzu teknikoen zibersegurtasunean. Aurten eskaerak aurkezteko epea zabalik egongo da azaroaren 26ra arte.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Iritsi da zure datuak eta zerbitzuak hodeira migratzeko unea. Aprobetxatu euskal enpresentzako Kloud laguntza
Kloud programak Euskadiko enpresei haien zerbitzu edo azpiegitura informatikoak Cloud ingurune komertzialetara migratzeko aukera eskaintzen die. Horretarako, enpresa bakoitzeko 50.000 € arte eskaintzen du hodeirako migrazio-prozesu osoa diseinatzen eta ezartzen lagunduko dien kanpoko enpresa bat kontratatu ahal izateko. Azaroaren 10ean amaituko da laguntza hori eskatzeko epea.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Egin ezazu prestakuntza-plana zure enpresan Gaitasun Digitalen programarekin
«Gaitasun Digital Profesionalak» programaren edizio berriak 2 milioi euroraino igo du bere aurrekontua, euskal enpresen lehiakortasuna sustatzen jarraitzeko helburuarekin, langileen prestakuntza indartuz.