Ore Esportsek enpresak publiko gaztearekin konektatzen laguntzen du, e-Sports eta Gaming bidez
Bideojokoak adin tarte desberdinetan gehien kontsumitzen diren entretenimendu eta dibertsio-sektorearen eduki bihurtu dira, bereziki gazteen artean. Milioika zale eta erabiltzaile aritzen dira egunero Esporten kontsumoan edo Twitch bezalako plataformen bidezko emanaldien jarraipenean, New Yorketik Hego Korearaino, eta horrek, egungo gizartean izan den nabaritasunarekin batera, inbertsio handiak eragin ditu industria horretan.
Ore Esports, Esports eta gaming agentziak, bezeroekin modu eraginkor eta sortzailean konektatzeko modu berritzailea eskaintzen die enpresei, kirol-bideojokoen bidez. “Etorkizun handiko industria baterantz unibertso berri bat irekitzen dela uste dugu, bai gamerentzat, bai E-Sportak bere lanbide bihurtu nahi dituen edozein erabiltzailerentzat”, adierazten dute bere arduradunek enpresako web orrian.
Ore Esportsetik zerbitzu sorta zabala eskaintzen dute: eSportserako ekitaldiak sortzea, eSport Marketing kanpainak, ikus-entzunezko edukia eta aholkularitza estrategikoa, sortzen ari den merkatu honetan interesa duten enpresentzat. “Bideo-joko desberdinen inguruan antolatutako lehiaketez ari gara, bakoitzak bere arauak dituela, gailu eta plataforma digital askotara molda daitezkeenak, bai online formatuan, bai aurrez aurre. Bideojokoen alorrean etengabe hazten ari den gaur egungo fenomeno baten aurrean gaude”, diote.
Ore Esport enpresa gaztea da, Jon Bautista Eibarko jokalariaren jakin mina eta ekiteko gogotik sortua, eta online kirol-diziplina berri honen sale amorratua dena. Bautistak, txikitatik gamer dena, proiektu hau sortzeko arrazoi nagusia “Euskadiko zein munduko gamers guztientzat gune komun bat” sortzeko beharrari erantzuten diola defendatzen du eta, horrekin batera bideojoko zaleei “beren grinaz ahalik eta gehien gozatzeko era guztietako jarduerak eta ekintzak eskaini nahi diegu”, zehaztu du kirol-egunkari batean egindako elkarrizketan.
Euskal futbolari honekin batera, Ariadna Arbulu CEOak, Jon Fermin zuzendari nagusiak eta Unai Mutilo eduki-buruak osatzen dute Ore Esporteko taldea. “Gamerentzako e-Sporten ekosistema bat bultzatzen dugu; guztiontzako komunitate bat, zeinetatik, gainera, bideojokoen praktika indartu ahal izango den, espazio fisiko bat eskainiz, non gamerek bideojokoetan duten pasioaz gozatu ahal izango duten”, azaltzen dute bere sustatzaileek.
Konpainiak e-Sports ekitaldi eta lehiaketen munduan mota guztietako lehiaketak eta ekitaldiak formatu horretan ekoizteko beharrezko tresnak eskaintzen ditu, bezeroek behar duten edozein plataformatara egokituz, PC hau, kontsola edo mobile izan. Halaber, e-Sports Marketing-en eremuan, marka-posizionamendua hobetzeko e-Sports eta gaming ingurune digitaleko ekintzen ekoizpena eta kudeaketa eskaintzen ditu, bai eta ekintza-plan pertsonalizatuak ere, markak audientzian ahalik eta eragin handiena izan dezan. Azkenik, agentziak enpresentzako nahierara egindako influencer-en nomina zabala kudeatzen du, baita Twitch plataforman eduki-sortzaileekin egindako kanpainak ere.
“Zerbitzu horiekin batera, gaming eta e-Sportei buruzko prestakuntza espezializatua ere eskaintzen dugu, Zuzenbidearen, Ekonomiaren, Marketinaren eta Ikus-entzunezkoen arloko profesionalek eta kolaboratzaileek osatutako talde batekin, baita kazetariekin eta kirolari profesionalekin. Besteak beste, jardunaldiak, ekitaldiak eta prestakuntza-jarduerak kudeatu eta antolatzen ditugu, e-Sportak eta bideojokoen erabilera gizartean zabaltzeko eta indartzeko helburuarekin, haien onura sozialak nabarmenduz”, apiatzen dute.
Onura sozial eta komunitario horiek enpresaren arduradunek hitz hauekin azaltzen dituzte. “Bideojokoen praktika bultzatu nahi dugu, funts positibo eta arduratsu bat galdu gabe, errotzea eta komunitate bateko kide izatea sortuz, eta bideo-jokoek talde-lana, sozializazioa, kiroltasuna eta ahalegina bezalako onura ugarietan oinarrituz”, adierazten dute.
Ore Esportsi buruz gehiago jakin nahi baduzu, bisitatu esteka hau.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.