Onena Medicines eta Biotech Foods, Toribio Echevarria sarietan saritutako startup-ak
Mera Medical Solutions-ek jaso du Nazioartekotza Babesa Saria
ScrapAd eta ALFA enpresa eibartarrek ere saria jaso dute
Onena Medicines —‘Enpresa Asmoak’ kategorian— eta Biotech Foods —‘Enpresa Berria’ kategorian— izan dira ekimen irabazleak gaur goizean Eibarren eman diren Toribio Echevarria sarien – Euskadiko Ekintzailetza Berritzailearen sarien 30. edizioan. Osasunaren eta elikaduraren sektoreetan lan egiten duten bi proiektuak izan dira sariak banatzeko ekitaldiaren protagonistak. Mera Medical Solutions enpresari, berriz, Nazioartekotza Babesa saria eman diote. Era berean, Scrapad-ek ‘Eibarresa Enpresa’ sari berezia eskuratu du eta aurten ehun urte betetzen dituen Alfa enpresak “Iñaki Goenaga” aintzatespena jaso du.
Toribio Echevarria Sariak Eibarko Udalak eta BIC Gipuzkoak (SPRI Taldea) sustatzen dituzte pertsona ekintzaileen lana saritzeko, eta ekintzailetza berritzailea eta enpresa-proiektu berrien sorrera sustatzeko. Sarien edizio honek enpresa-ekimenen inguruko 38 hautagai jaso ditu bio/osasunaren, industriaren/jasangarritasunaren, fabrikazio aurreratuaren eta IKTen sektoreetatik.
Lehiaketa hau abian jarri zenetik, 640 enpresa-ideia eta -proiektu baino gehiago aztertu dituzte. Aurreko edizioetan saritutako proiektuek 40 milioi euro inguru inbertitu dituzte, 800 lanpostu baino gehiago sortuz; gehienak goi-mailako kualifikaziokoak.
Aurtengo edizioan, Onena Medicines-ek irabazi du ‘Enpresa Asmoak’ kategorian; eta Biotech Foods-ek ‘Enpresa Berria’ kategorian. Mera Medical Solutions-ek jaso du ‘Nazioartekotza Babesa’ Saria. Horretaz gain, Eibarko Udalak ‘Eibarresa Enpresa’ sari berezia ScrapAD enpresari eman dio, enpresa-garapenarekin eta enpleguarekin duen konpromisoagatik; eta ‘Iñaki Goenaga’ aintzatespena Alfa etxeak jaso du. Enpresa horrek, aurten, bere mendeurrena ospatzen du.
‘Enpresa Asmoak’ eta ‘Enpresa Berria’ kategoriek 10.500 euroko saria, eta laguntza, prestakuntza eta aholkularitzako hainbat programatan parte hartzeko aukera ematen dute. Nazioartekotza Babesa saria jaso duen enpresak ere dirulaguntzak izango ditu eta bere garapen-prozesuari beste herrialde batzuetan ekiteko aholkularitza jasoko du. ‘Eibarresa Enpresa’ sari bereziak 10.500 euroko saria du eta, BIC Gipuzkoaren bitartez, prestakuntza espezializatua jasotzeko aukera ematen du.
Ekitaldian Gipuzkoako diputatu nagusi Markel Olano, Eibarko jarduneko alkate Alberto Albistegui eta SPRI Taldeko zuzendari nagusi Aitor Urzelai egon dira. Euren hitzaldietan guztiek azpimarratu dute jarduera-esparru berriak garatzeko apustua egiten duten enpresa-proiektu berritzaileak bultzatzeak duen garrantzia, bizitzen ari garen une honetan bereziki.
Ekitaldian ere ’Un eibarrés extraordinario: Toribio Echevarria (1887-1968)’ liburua egin duen Pedro Berriochoa idazleak hartu du parte. Pedrok Toribio Echevarriaren nortasunari eta honek kultura-, ekonomia- eta gizarte-garapenaren inguruan egin zituen ekarpenei buruzko hainbat alderdi interesgarri gogoratu ditu.
Toribio Echevarria Sariak Eibarko Udalak eta BIC Gipuzkoak bultzatzen duten ekimena da eta bertan parte hartzen dute Eusko Jaurlaritzako Ekonomiaren Garapen, Jasangarritasun eta Ingurumen Sailak eta Gipuzkoako Foru Aldundiko Ekonomia Sustapeneko, Turismoko eta Landa Inguruneko Departamentuak. Halaber, Gipuzkoako Bazkundeak, Elkargik, APDak, El Diario Vascok, SPRIk, eta Adegi, Cebek eta SEA enpresari-elkarteek ere hartzen dute parte bertan.
Toribio Echevarria Sarien 30. edizioko enpresa irabazleak
ENPRESA ASMOAK SARIA
-
- Onena Medicines: Bularreko minbizi atzerakaria tratatzeko medikamentuen garapena.
‘ENPRESA BERRIA’ SARIA
- BioTech Foods: Haragia hazteko proteina testurizatuaren produkzioa.
NAZIOARTEKOTZA BABESA SARIA
- Mera Medical Solutions: Gizonen gernu-inkontinentzia kontrolatzeko gailu medikoa.
‘eibarresa enpresa’ SARI BEREZIA
- ScrapAd: Industria-hondakinen B2B plataforma teknologiko adimenduna.
‘Iñaki Goenaga’ 2020 aintzatespena
- Alfa: Enpresa eibartar historiko honen mendeurrenean, aintzatespen honen bitartez ehun urte hauetan konpainiaren ondarea, bere historia eta sortu zenetik, Euskal Autonomia Erkidegoan kooperatibismoa ezartzen proiektu aitzindari gisa, izan duen bilakaera azpimarratu nahi dira. Bertan egindako produktu entzutetsuena Alfa josteko makina izan zen, herrialde askotan oso ezaguna.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza