ON2YOUk kontsumoa eta energia-kostuak murrizteko irtenbide pertsonalizatuak proposatzen ditu
Eraginkortasun energetikoa “lehentasuna” da enpresentzat aspaldidanik. 2012an, sektorean bost urteko esperientzia izan ostean autonomo gisa, Alfredo Cotrinak ON2YOU energia-eraginkortasuneko aholkularitza sortu zuen, enpresei kontsumoa eta energia-kostuak modu eraginkorrean murrizteko aukera emango dieten irtenbide pertsonalizatuak eskaintzeko asmoz. “Kasu bakoitza aztertzen dugu datuetan, informazioan eta bisita teknikoetan oinarrituta, hobekuntza-arloak detektatzeko, eta, horrela, neurrira egindako konponbideak proposatzeko, ez baitago guztientzat funtzionatuko duen ikuspegi bakar bat”, azaldu du CEOak. Aholkularitza-enpresaren zerbitzuek energia-fakturen doikuntza eta optimizaziotik hasi eta kostuak eta kontsumoa gutxitzen dituzten prozesu edo soluzio berriztagarriak inplementatzeraino hartzen dituzte.
Aholkularitzak tresna aurreratuak erabiltzen ditu bezeroen hornidura elektrikoak monitorizatzeko eta digitalizatzeko. Soluzio horiek modu pertsonalizatuan egokitzen dira enpresa bakoitzera, eta, horri esker, energia-informazioaren kontrol, analisi eta kudeaketa sakona egin daiteke. Teknologia-konbinazioari eta energia-kudeatzaileen esperientziari esker, ON2YOUk kontsumo-patroiak, potentzia-eskariak, karga-kurbak eta balizko gorabeherak ezagutu ditzake. “Etorkizuneko arazoei aurrea har diezaiekegu; izan ere, alertak aktibatzen ditugu, gertatu baino lehen heldu ahal izateko”, esan du Cotrinak.
Enpresa lau arlo nagusitan antolatuta dago, proiektu sorta zabal bati erantzuteko: energia erosteko mahaiak, ziurtapen energetikoa eta aholkularitza, energia berriztagarriak eta kontsumoak kontrolatzeko edo monitorizatzeko sistemak.
Bezeroen %95a 150 langileko ETE industrialak dira, hainbat sektoretakoak eta batez ere Euskal Autonomia Erkidegokoak, baina Kantabrian, Errioxan eta Nafarroan ere badu presentzia. “Uste dugu bezero nitxo honek asko duela egiteko bere eraginkortasun energetikoaren hobekuntzari dagokionez”, dio ON2YOUren CEOak. Enpresa horiek “badakite zer behar duten, baina askotan ez dute beharrezko denborarik izaten proposamenak ebaluatzeko edo irtenbideak bilatzeko. Hortxe sartzen gara gu”.
ON2YOUk bere bezero-zorroa handitu nahi du energia-erosketan, eta bere irismena energia-txostenetan, auditoretzetan edo energia-ziurtagirietan, esaterako. Etorkizunari begira, bere eragin-eremua zabaltzeko asmoa du, eta, datorren urtean, bezeroei karbono-aztarnari buruzko txostenak eskaini nahi die.
Gaur egungo proiektuen artean, honako hauek nabarmentzen dira: industria-enpresa batentzat planta fotovoltaiko berri bat instalatzea; Arabako teknologia-parkeko enpresa baten instalazioetan aerotermia ezartzea; eta Arabako kimika-enpresa handi batean energia-auditoria bat egitea, UNE 16247 arauaren metodologiaren arabera. Beti ere bere helburu nagusia argi edukita: “gure bezeroei irtenbide efikazak eta eraginkorrak ematea”, adierazi du Alfredo Cotrinak.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Bizitegi-jabeen komunitateetako instalazio elektriko zaharrak berritzeko inbertsioetarako laguntza-programa
EEEren programa Deskarboniza programaren parte da
Energia berriztagarrien bidez autokontsumorako energia elektrikoa sortzeko eta kontsumo termikoak elektrifikatzeko laguntza-programa
EEEren programa Deskarboniza programaren parte da
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Deskarboniza 2025 plana aurkeztu da
Deskarboniza plana erakundeen arteko elkarlanean oinarritutako plana da, Eusko Jaurlaritzaren zenbait laguntza-programa eta foru-aldundien kenkari fiskalak biltzen dituena, Euskadiko industriaren deskarbonizazio adimenduna bultzatze aldera
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Maiatzaren 8an ireki da euskal industriaren deskarbonizaziorako 22 milioi euroak eskuratzeko epea
SPRIk kudeatzen duen Eusko Jaurlaritzaren Industria, Trantsizio Energetikoa eta Jasangarritasuna Sailaren programaren bigarren edizioa da