Neurologyca: Enpresei marketin-estrategietan laguntzen dien Neurozientzia
Neurologyca Juan Graña bere sortzaile eta CEOren ekimenez sortu zen, neurozientzian oinarritutako merkatuen ikerketarako aholkularitza-zerbitzuak eskaintzeko helburu sendoa helburu zuela. Beren balio diferentziala Kopernica izeneko online neuromarketing tresna bat asmatzea izan zen, ikusmen artifizialean eta hizkuntza naturalean oinarritua, neurozientziaren munduan egindako ikerkuntza-urteetatik ateratako algoritmo konplexuetatik abiatzen den erraminta.
“Adimen Artifizialezko (AA) soluzio bat da; informazioa modu ez-intrusiboan, masiboan, eskalagarrian eta softwarera eta hardwarera egokitzeko moduan ematen duena”, azaldu dute sustatzaileek.
Hamarkada batez metodologia propioekin mila ikerketa-proiektu egin ondoren, aholkularitza-enpresak abangoardiako teknologiaren eskutik hainbat irtenbide ematea lortu du. Zentzu horretan, bere Kopernica soluzioak bi bertsio ditu: ‘Kopernica Test’ eta ‘Kopernica Interview’.
Lehenengoa, Kopernica Test, online test masiboak abiaraztean datza. Ekintza horrek proba kuantitatiboak eta neurketa emozionala konbinatzen ditu, konfiguratzeko eta interpretatzeko modu erraza duena.
Kopernica Interview, aldiz, elkarrizketa kualitatiboak edo talde fokalak ezartzeko eta gauzatzeko diseinatuta dago, iritziak ikuspegi eta hizkuntza naturalaren araberako neurketa emozionalarekin konbinatuz, denbora errealean neurtuz, transkripzioak garatuz eta txosten zehatzak sortuz.
Enpresak bere ikerketak osatzeko, honako sistema hauek erabiltzen ditu: eye-tracking, pupilometroak, elektroentzefalogramak, bihotz-erritmoaren neurgailuak eta emozioak detektatzeko aurpegiko keinuak aztertzen dituzten tresnak… “Kontsumitzailearen gogo-aldarteari, emozioei, lehentasunei eta portaerei buruzko era askotariko informazio ematen diegu enpresei”, nabarmentzen dute Neurologycatik.
Bere garapenean, startupak SPRI Taldearen laguntza izan zuen, eta Ekintzailetzaren Euskal Ekosistemaren Up! Euskadi‘plataforman parte hartzen duten startup-etako bat da. Gaur egun, askotariko sektoreetarako lan egiten dute, hala nola elikaduraren mundurako, baita telekomunikazioetan, aseguruetan eta automobilgintzan ere, besteak beste, eta I+G sailekin lan egiten du bereziki. “Enpresei bezeroak hobeto ezagutzen laguntzen diegu, teknologia ez-intrusibo batekin, eta oinarri zientifiko erabateko bermearekin“, diote.
Info+: neurologyca.com
