Naiz Fit, arropa-neurri egokia aurkitzeko algoritmoak
Arroparen neurria aukeratzean izandako hutsegiteak dira arropa online erostean gertatu ohi diren itzulketen arrazoi nagusietako bat. Kontsumitzaileen erosketa-esperientzia gaiztotzen duen eragozpena ez ezik, erantsitako kostua dakarkie markei. Naiz Fit neurrien hautaketa hobetzeko eta aldi berean online salmentan diharduten denden mesedeko informazioa biltzeko soluzioak garatzen dituen enpresa gazte gipuzkoarra da.
Borja Cembrero eta Sara López ekintzaileek bultzatuta, startupak pertsona bakoitzaren neurri zehatzak lortzea ahalbidetzen duen sistema sortu du, erabiltzaileak emandako informaziotik, datu estatistikoetatik eta machine learning teknologien erabileratik abiatuta. Soluzioa marka bakoitzaren salmenta-atarian txerta daiteke, gomendio-emaile gisa, eta datuak aztertzeko plataforma bat ere eskaintzen die arropa-markei, produktuak bezeroen lehentasunetara eta ezaugarri anatomikoetara egokitzeko aukera izan dezaten.
“Markei eskaintzen diegun aplikatiboa beraien online dendetan txerta daiteke”, adierazi du Borja Cembrero Naiz Fiteko CEOak; “informazio horretaz baliatuta, datuak aztertzeko palataforma bat elikatzen dugu, eta honi esker, markek zehaztasun osoz jakin dezakete nolako harremana duen bezero-profil bakoitzak neurriekin, zeintzuk diren ongien funtzionatzen duen arropek edo noiz agertzen den neurrien inguruko arazoren bat”. Soluzioak itzulketak azkarrago kudeatzeko sistema bat ere atxikia du, eta honen laguntzaz, itzulketak murrizteko informazio baliagarria lor daiteke.
Datu horiek guztiak sentiberak direnez gero, haien teknologiak “diseinuaren pribatutasuna” du ardatz. Sistemaren egitura pertsonen pribatutasuna erabat babesteko moduan sortua da, eta startupek edo markek ez dute bezeroen neurrietarako sarbiderik. “Informazioa zenbaki bati lotuta jasotzen dugu, ez pertsona baten izenari lotuta, eta sistemak neurri egokia esleitzen duenean, online dendara bidaltzen du, baina pertsonaren neurriak bistaratzeko aukerarik gabe”, argitu du startuparen sortzailekideak. Sistemak informazio hori modu anonimoan eta agregatuan eskaintzen du erosketa-esperientzia hobetzeko.
Startupak urte hasieran ekin zion soluzioa eskaintzeari eta egun 14 markarentzat lan egiten du. Momentuz, estatuan lan egiten dute, baina harremanetan hasiak dira dagoeneko Estatu Batuetako, Latinoamerikako eta Europako hegoaldeko bezero potentzialekin. Horregatik, 2020ra begira, nazioartekotzen hastea izango da enpresaren helburu nagusietako bat.
Ecommerceko ildo horrez gain, Naiz Fitek uniformeak edo laneko arropa hornitzeko zerbitzu espezifikoa garatu berri du bezero handiak dituzten enpresa hornitzaileentzat. “Hauen kasuan, oso lan luze eta gogorra da langile guztien arroparen neurriak lortzea”, ziurtatu du Borja Cembrero, “eta horren harira, gure gaitasunek, enplegatuen neurriak hartzen laguntzeaz gain, uniformeak hobetzen ere laguntzen du bildutako datu horien arabera”. Egun, soluzioaren testa egiten dihardute arropa profesionalaren arloko hiru hornitzaile handirekin batera.
Startupa 2017an sortu zen Spri Taldearen eta BIC Gipuzkoaren babespean, enpresa berriei laguntzeko Ekintzaile programaren bitartez.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza