Martinez Zabala Familiaren upategietako Lourdez Martinez eta Chubby Apps, Araba Ekinean ekimenaren 2023ko sarien irabazleak
Maiatzaren 4an egin zen Ekin Day ekitaldia Europa Biltzar Jauregian, Araba Ekinean ekimenaren ekitaldi nagusia, Gasteizko Udalak, Arabako Foru Aldundiak, Eusko Jaurlaritzak –SPRI Taldearen eta BIC Arabaren eskutik– eta Vital Fundazioak antolatuta. Araban aberastasuna sortzen duten arrakastazko proiektu ekintzaileen ibilbidea saritzen duten urteroko sariak banatu zituzten ekitaldi horretan.
Aurten, Familia Martinez Zabala taldeko Kontseilari Lourdes Martinezek jaso du Ekintzaile Bikainaren Saria; Martinez Zabala gure lurraldeko upategi-talde garrantzitsuenetakoa da.
Araban Ekin Saria, berriz, Chubby Apps Gasteizko start up-ak jaso du; gaur egun, Erdi Aroko Erdiguneko enpresa-zentroan du egoitza enpresa horrek.
Gorka Urtaran Gasteizko alkateak eta Ramiro Gonzalez Arabako diputatu nagusiak eman zituzten sariok.
Ekintzaile Bikainaren Saria: Lourdes Martinez
Lourdes Martinez Ekintzaile Bikainaren saria jasotzen duen bigarren emakumea da, Araba Ekinean ekimenaren XX. urteurren honetan. Ardoaren sektorean erreferente den familia bateko laugarren belaunaldikoa da Lourdes, eta ez da familia horrek sari hau jasotzen duen lehen aldia, Lourdesen aitak sari bera jaso baitzuen 2005ean. Hainbat enpresa garrantzitsutan ibilbide luze eta nabarmena egin ondoren, Taldeko Zuzendari Nagusi Korporatibo izendatu zuten 2002an. Orain dela bi aste, Oionen eraikin berri bat eraikitzeko proiektua aurkeztu zuen, Norman Fosterrekin batera.
Araban Ekin saria: Chubby Apps
Sari horrek urteko etorkizun handiko ibilbide ekintzaile gazte onena saritzen du, eta Chubby Apps start up-ak jaso du. 2021ean sortu zuten enpresa hori Gasteizen, Asier Garcia Moratok eta Patricia Bedoyak. Bi urte baino gutxiagoan, Estatuko zein nazioarteko hainbat sari jaso du Chubby Appsek, hala nola Innomakers4health, Pfizer Fundazioak eta The Cubek antolatutakoa. Start up honen ibilbidean, nabarmentzekoa da Cori Better Diabetes aplikazioa, diabetesa duten pertsonen bizimodua hobetzera bideratuta dagoena.
“Zure ideiak balio du” lehiaketa
Ekin Day honetan, Zure ideiak balio du Lehiaketaren XIX. edizioko 18 finalisten artean irabazle atera diren proiektuak eman ziren jakitera; hauexek izan dira:
- Ideiarik Onenaren Vital Fundazioa saria: Vitalbridge. Aplikazio mugikorra, adineko pertsonen eta mendekotasuna dutenen bizi-kalitatea hobetzera bideratuta dagoena. Diploma eta 1.000 euro
- Ekimenik jasangarrienaren Aclima saria: Orlegi. Iradokizunen/proposamenen plataforma batean oinarritutako aplikazio mugikorra; plataforma horretan, herritarrek etorkizun hurbilean nolako kalea izan nahiko luketen definitu ahal izango dute. Hirigileen eta bizilagunen arteko komunikazioa hobetzeko tresna. Diploma eta 1.000 euro.
- Merkataritza eta Turismoko Gasteiz ON saria: Estetika-zentro bat digitalizatzea. Estetika-zentro teknologiko digitalizatu bat sortzea, hainbat teknologia aplikatzeko, hala nola adimen artifiziala eta errealitate birtuala. Diploma eta 1.000 euro.
- Nekazaritzako elikagaien sektoreko ekimen onenaren Eroski saria: Eukari Sentinels. Bateria prokarioto baten garapena, nano mailan patogenoak zaintzeko eta ezabatzeko eragile diren nanobotak produzitzeko gai dena, segurtasunean eta osasun publikoan aplikatzeko. Diploma eta 1.000 euro.
- Industria-sektoreko ekimen onenaren Michelin saria: Pneumaflex. Ingurumenarekiko errespetuzkoak diren eragintza-sistema pneumatiko sinpleen fabrikazioa, hainbat industriaren eskariari erantzuteko: farmazia, medikuntza, elikadura eta beste batzuk. Diploma eta 1.000 euro.
- Osasunaren arloko ekimen onenaren i+Med saria: Lan Ekin. Autismoaren Espektroko Nahasmendua eta Asperger-en sindromea duten pertsonak gizarteratzeko eta lan-mundura sartzeko laguntza jarraitu eta egonkorreko zerbitzua. Diploma eta 1.000 euro.
- Enpresen eraldaketa sozialaren RPK sari berezia: Lan Ekin. Autismoaren Espektroko Nahasmendua eta Asperger-en sindromea duten pertsonak gizarteratzeko eta lan-mundura sartzeko laguntza jarraitu eta egonkorreko zerbitzua. Diploma eta 1.000 euro
- Publikoaren Sari Berezia: Eukari Sentinels. Bateria prokarioto bat garatu dute, nano mailan patogenoak zaintzeko eta ezabatzeko eragile diren nanobotak produzitzeko gai dena, segurtasunean eta osasun publikoan aplikatzeko. Diploma eta 300 euro.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza