Maialen Borda, ‘Ouka’: ametsik gabeko bizitza, izarrik gabeko gaua…
Moda espezializazioan Diseinu ikasketak amaitu eta sektorean esperientzia hartu ondoren, Maialen Borda gazteak marka anitzeko bere aurreneko denda zabaldu du Arrasaten: OUKA “Ametsik gabeko bizia, izarrik gabeko gaua” esaerarekin hasi zen eta Internet, Sare Sozialak eta Amazon izan zituen euskarri, gerora hazi eta negozio gisa egonkortzeko. Gipuzkoako Kamarak saritu du inguruarekiko konpromezua eta TIK-en aplikazio egokiagatik.
2018an bigarren denda zabaldu dute Beasainen, eta horretarako gazteak kontratatu dituzte talde dinamikoa sortuz, merkatuaren eskaera berriei aurre egiteko asmoz: “Gure arrakastaren gakoak motibazioa, irrika izatea eta egiten dugunaz gozatzea da.”.
Arrasate, 2014. Bertara hurbildu zinen gizarte eta ekonomiaren gatazka pil-pilean zela…
Proiektuari ekin genionean inork ez zekien Fagor itxiko zutenik; herri kooperatibista hau hautatu genuen estrategikoki, euskal hiri handienetatik eta kate eta biltoki handietatik urrun dagoelako: arrasatearrok bertoko kontsumora jotzen dute, euren kaleei bizitasuna emanez.
Lokala ekonomiaren ekaitzean bertan zabaldu arren, gure ilusioa eta proiektuarekiko ardurari esker, Oukak sustraiak finkatu zituen ekonomiaren mesfidantza sasoi hartan.
Lehenago diseinatzaile ibili zinen, eta denborak aurrera egin ahala, zeure negozioa zabaltzera ekin zenion.
Bai, krisi garaian dagoeneko desagertu den proiektu batean partehartu nuen eta ehun piloa eskuratu nituen. Hauekin bilduma bat sortu nuen eta dendan saldu genituen. Prezio onargarrian zeuden, eskulana baizik ez baitzen gehitzen.
Lan honekin batera, Donostiako modako izenpe bateko dendari/estilista lana nuen, eta bertan asko ikasi nuen.
Karrerako bost urteetan zehar eskaparate, visual merchandising, estilismo, irudi, diseinu, sormen eta ehunen esparruetan asko ikasi nuen. Ezagutza eta esperientziari irrika, kemena eta lana gehituz gero, geure helmugetara iristeko gai gara!
Zure bezeroek arropa eskuragarriagoa eta aldagarria eskatzen dute…
Sektorearen zailtasunak ezagutzen ditut, sortzaile izanda nago eta. Euren proiektu bikainetan ilusio handia dute, baina aukerak behar dituzte. Gure dendetan aurkezteak profesional bihurtzen ditu.
Ouko denda fisiko gisa sortu zen, baina geroago online denda ere zabaldu zenuen. Zein abantaila ditu, zure ustez, komertzio txikiaren digitalizazioak?
Gizartearen kontsumoaren eta erosketarako joera berrien analisiak errealitatearekin aurrez aurre ipintzen gaitu, enpresa eta pertsona oro biziko duguna. Hortaz, teknologia berriekin elkarbizitzen ikasi egin beharko dugu.
Arintasuna eta berehalakotasuna direla eta, sare-sozialak online saltzeko tresnarik oparoena dira. Bezeroarenganako eragin zuzena dute; argazkiaren bidez dendara sartu, erreserbatu eta online salmentak egiten dituela ikus dezakegu. Eskaparate eta katalogo interkatibo gisa jokatzen dute.
Erosteko gura eta bultzada sortzen ditugu bertoko bezeroarengan, eta inguru desberdinetako bezeroak izaten ditugu online salmentaren bidez. Eurek ere nolabait gu ezagutarazten gaituzte.
2015ean geure E-comerce sortu genuen Eusko Jaurlaritzaren diru-laguntzaz: www.ouka.es . Enpresa txikia izanik, batzuetan kosta egiten zaigu webgunea kudeatzea eta produktu aldakorretara egokitzea (epe erdirako geure helburuetako bat da).
Teknologia ez da txarra eta ez du langabeziarik eragiten; gure lan egiteko era aldatzen du, baina jarduerari etekin handiagoa ateratzen laguntzen digu.
Oraintsu saritu zaitute Gipuzkoako Kamarak, inguruarekiko konpromezua eta teknologiekiko apustuagatik.
Halaxe da. Inguruneari dagokionez, Arrasateko ‘Ibaiarte’ eta Beasaingo ‘Bareak’ komertzioen erakundeen parte gara. Hauek sustatutako jarduera eta azoka anitzetan partehartzen dugu, inguruko komertzioen bizitasuna bermatuz.
Herriko proiektu txikien (Hika Basque Brand, Kaixocks, La Creme, Think Fast) aldeko apustua egiten dugu, eta aukerak sortzen ditugu. Honez gain, herriko bestelako aktibitateetan partehartu dugu, hala nola tonbolak, ikasketa-bidaiak, Kilometroak, Mondragon CF…
Teknologia berriei dagokienez, www-ouka.es Ecomercea sortu eta Amazon bidezko salmentak kudeatzeaz gain, zenbait dispositibo eskuratu ditugu eta pertsonen formakuntzaren aldeko apustua egin dugu, enpresaren digitalizazioan parte har dezaten.
Sariak bide onetik gabiltzala adierazten du, aurretik egiteko asko dugula dakigun arren…
Informazio gehiagorako: www.ouka.es
Lotutako albisteak
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.