Javier Vicente (Ocurrencias): “Gure proiektu guztiak berrerabilitako produktuekin egiten ditugu. Ekonomia zirkularra oinarrizkoa da guretzat”
Ocurrencias enpresak ekitaldi eta erakusketetarako mota guztietako altzariak eta elementuak diseinatzen eta muntatzen ditu 2018tik. Gasteizen kokatuta dago, eta hainbat bezerorentzat proiektuak egin ditu, hala nola El Boulevard merkataritza-gunearentzat, Xabide taldearentzat edo Arabako Foru Aldundiarentzat. Bere ezaugarrietako bat materialak modu arduratsuan erabiltzea, ekonomia zirkularra eta jasangarritasuna dira. Adibidez, bere azken proiektuetako batek arlo horiek lantzen ditu, Oinarri Elkartearekin batera, osasun mentaleko arazoak dituzten pertsonei terapia okupazionala eskainiz. Elkarrizketa honetan Javier Vicente sortzaileak enpresaren hastapenei, Oinarri proiektuari eta Ocurrencias enpresaren etorkizunari buruz hitz egin du.
Nola sortu zen Ocurrencias? Nolakoa izan da enpresaren ibilbidea?
Ocurrencias nahi pertsonal batengatik sortu zen. Nik arkitektura ikasi nuen, eta duela urte askotatik ekitaldien sektorean lan egin dut. Betidanik gustatu izan zait sektore horri aplikatutako sormen-arloa, oso iragankorra baita. Horregatik, aurrera pausoa eman nuen eta Ocurrencias marka sortu nuen 2018an.
Hasiera guztiak gogorrak dira. Mundu guztiak dakienez, pandemia iritsi zen, eta horrek asko eragin zigun. Bi urteko biziraupena izan dugu enpresan, ekitaldiak egokitu baitira. Harreman sozialarekin zerikusia duen guztiak izugarrizko aldaketak izan zituen, eta sektorearekin zerikusia genuen enpresa guztiek asko sufritu genuen. Zaila izan da, baina egoera honen amaieran gaudela uste dut.
Zeintzuk dira zuen proiekturik garrantzitsuenak?
Batzuk oso bereziak dira niretzat. Lehenetako batzuk, adibidez 2018ko Gabonetako zuhaitza izan zen, upelez egina, Gasteizko Udalarentzat. Oso proiektu interesgarria izan zen, deigarria, eta oso harrera ona izan zuena. Enpresarentzat ezinbesteko abiapuntua izan zen, gure lehen urtean egin baikenuen. Eta, gero, askotariko proiektuak daude, oso proiektu desberdinak egin ditugu. Gasteizko El Boulevard merkataritza-gunean, altzariak egin genituen haren atsedenlekurako, eta oso harrera ona izan zuen. Beste bat, adibidez, Arabako Foru Aldundiarentzat, “Martiodako erlikiak” erakusketa eginez.
Ekonomia zirkularreko eta ingurumen-jasangarritasuneko arloak oinarrizkoak dira guretzat. Gure proiektuetan lehendik ditugun elementuak berrerabiltzen saiatzen gara, edo ez bada posible elementu berriei bigarren erabilera bat ematea bilatzen dugu. Materialen erabileran eta horiek aplikatzeko moduan arduratsuak izaten saiatzen gara beti.
Zertan datza Oinarri Elkartearekin lankidetzan egin duzuen azken proiektua?
Ekimen honen helburua ekitaldietan erabiltzen dugun moketari bigarren bizitza bat ematea da, beste ekintza batzuetan entregatzeko zorroak eta karpetak sortuz. Horrela, ekonomia zirkularra lantzen dugu, moketa birziklatze eta berrerabiltze prozesu oso zaila baitu. Oinarri elkartearekin lanean ari gara, eta oso pozik gaude emaitzarekin eta harrera onarekin. Ingurumenaren eta ekonomia zirkularraren arloez gain, ekimen honetan tailer okupazionalen arloa landu nahi dugu. Osasun mentaleko arazoak dituzten pertsonei jarduera bat garatzeko aukera ematen zaie, eta hori funtsezkoa da haientzat, haien beharretara egokitutako jarduerak egin ahal izatea hain zuzen ere. Oso harro nago ikusgarritasuna emateaz, eta pandemian hainbeste sufritu duen kolektibo bati laguntzeaz.
Etorkizunari begira, zer plan ditu Ocurrencias enpresak?
Merkatuan presentzia handiagoa lortu nahi dugu, eta gure jarduera gehiago zehaztu. Tresna egokiak ditugu, baina digitalizaziorako urratsak eman nahi ditugu. Zenbait prozesu teknifikatzea oso baliagarria izan dakiguke diseinuak irudikatzeko, edo gure ideia bezeroei eramateko eta proiektuak gauzatzeko. Gainera, gero eta proiektu teknologikoagoak egiteko xedea dugu.
SPRI Taldea RIS 3 Euskadi estrategia abian jartzen duen eragileetako bat da, energiaren, fabrikazio aurreratuaren, bio-osasunaren eta nanozientziaren arloetan espezializazio adimenduna bultzatzeko.
Lotutako albisteak
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.
WonderShop, WordPress-erako (“WP”) diseinatutako plugina, online denden jabeei katalogoen kudeaketa errazten die
Garatzen eta merkaturatzen duena WoonderSoft da. Enpresa gipuzkoarrak nazioarteko asmoak ditu eta bere produktuak interesa piztu du beste herrialde batzuetan.