‘Innovation Tree’ eta ‘Polykey Polymers’, Toribio Echevarria 2021 Saridunak ekintzailetza berritzailean
Startup hauek, ‘Innovation Tree’-k, ‘Enpresa asmoak’ kategorian, eta ‘Polykey Polymers’-ek, ‘Enpresa Berria’ kategorian, lortu dituzte sari nagusiak Toribio Echevarria Sariak-Ekintzailetza Berritzailea Euskadi Sariak 31. edizioan, Eibarren gaur goizean banatuak.
Bi ekimenek energiaren eta ingurumenaren jasangarritasunaren sektoreekin lotutako jarduerak garatzen dituzte. Sari hauetan protagonista izan diren gainerako enpresak ‘Fesia Technology’, ‘Fokus’ eta ‘Lean Stocks’ dira, eta ‘Internazionalizazio Saria’ eta Eibarko Udalak deitutako bi aparteko sariak jaso dituzte. Haiekin batera, ‘AIBE Mecánica de Precisión’ enpresak Iñaki Goenaga saria jaso du.
Enpresa irabazleek ezin izan dute, aurten ere ez, Euskadiko ekintzailetzaren, enpresaren eta hezkuntzaren arloetatik urtero bertaratu ohi diren ordezkari ugariekin elkartu. Pandemiaren aurrean hartutako neurri sanitarioek mugatu egin dute enpresa parte-hartzaileen eta erakundeetako ordezkarien asistentzia. Gainerako gonbidatuek pantailetatik jarraitu ahal izan dute ekitaldia, Eibarko Coliseo Antzokian Internet bidez eman baita, Eibarko Udalaren YouTube kanaletik.
Startup eta enpresa saridunak bat etorri dira adieraztean sari honek adierazten duen bultzada beren jarduerarekin aurrera jarraitzeko, batez ere ikuspegi ekonomiko eta sozialetik azken urte eta erdi honetan bizitakoa bezalako testuinguru konplikatu batean.
Eibarko Udalak eta BIC Gipuzkoak Toribio Echevarria Sariak sustatzen dituzte ekintzaileen lana aintzatesteko eta ekintzailetza berritzailea eta proiektu enpresarial berrien sorkuntza bultzatzeko. Edizio honetan enpresa-ekimenen 22 hautagaitza jaso dira, osasunaren, elikaduraren, energiaren, jasangarritasunaren eta IKTen sektoreetan dihardutenenak.
Sari hau abian jarri zenetik 700 ideia eta proiektu enpresarial baino gehiago aztertu dira. Aurreko edizioetan saritutako ekimenek 40 milioi euro inguru inbertitu dituzte eta 800 lanpostu baino gehiago sortu dituzte, gehienak goi-mailako kualifikaziokoak.
‘Ideia/Proiektu Enpresarialak’ eta ‘Enpresa Berria’ kategorietako sarien diru-kopurua 10.500 eurokoa da, eta laguntza, prestakuntza eta aholkularitzako hainbat programatara ematen dute sarbidea. Internazionalizaziorako laguntzarekin saritutako enpresak ere dirulaguntzak eta aholkularitza jasotzen ditu bere garapen-prozesuari beste herrialde batzuetan ekiteko. ‘Eibarko Udala’ aparteko sarien diru-kopurua 10.500 eurokoa da ere, eta prestakuntza espezializaturako sarbidea ematen dute BIC Gipuzkoaren bitartez.
Gipuzkoako diputatu nagusi Markel Olano, Eusko Jaurlaritzako Ekonomiaren Garapena, Jasangarritasuna eta Ingurumeneko sailburu Arantxa Tapia eta Eibarko alkate Jon Iraola izan dira ekitaldian. Euren jardunean bat etorri dira azpimarratzean ideia eta proiektu berriek duten balioa, ekintzailetzarako gaitasuna eta horrek duen eragina enpresa-ehuna eraldatzean, are gehiago ziurgabetasuna nagusi den uneetan.
Toribio Echevarria Sariak Eibarko Udalak eta BIC Gipuzkoak bultzatutako ekimen bat dira, eta bertan parte hartzen dute Eusko Jaurlaritzako Ekonomiaren Garapena, Jasangarritasuna eta Ingurumena Sailak eta Gipuzkoako Foru Aldundiko Ekonomia Sustapena, Turismo eta Landa Ingurunea Departamentuak. Gainera, ondoko laguntzaileak dituzte: Gipuzkoako Ganbera, Elkargi, APD, El Diario Vasco, SPRI, eta Adegi, Cebek eta SEA enpresaburuen elkarteak.
Toribio Echevarria Sarien 31. edizioko enpresa irabazleak
Enpresa asmoak SARIA
- Innovation Tree: Prototipo bat garatzen du, aukera ematen duena litio ioi bateriak birziklatzeko ingurumenarekiko errespetutsua den teknologia hidromekaniko baten bitartez, zeinak materialak neurri batean berreskuratuta bateriak berriak fabrikatzea eta karbono-arrastoa minimizatzea ahalbidetzen duen.
‘Enpresa Berria’ SARIA
- Polykey Polymers: Polimero biojasangarriak eta material berritzaileak ekoizten ditu energia biltegiratzeko, teknologia jabedunetik eta polimero jasangarrien ingeniaritza-zerbitzuetatik abiatuta, bezeroarentzat ‘neurrira’.
Internazionalizaziorako laguntza SARIA
- Fesia Technology: Soluzio aurreratuak garatzen ditu elektroestimulazio funtzionalean, nerbio-sisteman gaixotasunak edo lesioak dituzten pertsonen errehabilitaziorako.
‘Eibarko Enpresa’ EIBARKO UDALAREN SARI BEREZIA
- Lean Stocks: Marketplace B2B, enpresak konektatzeko makineria industrialaren salerosketa-prozesuetan eta loturiko zerbitzuetan.
‘Espezializazio estrategikoa’ EIBARKO UDALAREN SARI BEREZIA
- Fokus: Talentuaren jarraipen eta kudeaketarako plataforma digitala, kirol elektronikoetan espezializatua.
‘Iñaki Goenaga’ 2021 SARIA
- AIBE Mecánica de Precisión: Enpresa honek tresneria eta makineria berezia diseinatzen eta ekoizten dihardu, baita doitasun handiko piezen mekanizazioan ere.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza