Etxeak, bulegoak eta hotelak domotizatzea, espazio iraunkorrak, seguruak eta eraginkorrak sortzeko
Etxeari aplikatutako teknologia gero eta ohikoagoa da, eta etxebizitza iraunkorra, etxe adimenduna edo ‘passivhaus’ (etxe pasiboa) bezalako kontzeptuak etxebizitzaren, eraikuntzaren eta arkitekturaren inguruko elkarrizketan nabarmen entzuten ari dira azkenaldian. Testuinguru horretan, Donomotics enpresa gaztea sortu zen Donostian, 2020an. Proiektu domotiko osoak egiten eta instalatzen ditu mota guztietako eraikinetan, etxeetatik hasi, eta enpresa, bulego, hotel-konplexu edo turismo-ostatuetaraino. “Hainbat motatako espazioetan kontrol-gailuak instalatzen ditugu, eta aplikazio bakar batean integratzen ditugu, zure mugikorretik hainbat elementu kontrolatzeko, hala nola argiak, pertsianak, uraren edo berogailuaren tenperatura, sarrailak, sarbideak, telebista… Azken batean eraikin batean kontrola daitekeen guztia”, azaldu du Pablo Viñolas Donomoticseko CEOak.
Horretarako, IoT, edge computing, machine learning eta deep learning teknologiak aplikatzen dituzte beren sistemetan. Horrela, Viñolasek dioenez, “erabiltzaileak kontsumoarekin eta espazioaren funtzionaltasunarekin lotutako alderdiak kudeatzeko aukera ematen duen soluzio bat eskaintzen dugu, ingurune jasangarria, irisgarria eta eraginkorra sortzeko. Era berean, aplikazioari esker, pertsonek espazio horiei ematen dieten erabilera monitorizatu daiteke, eta horrek oso datu interesgarriak eskaintzen ditu kontsumo-moduari buruzko erabakiak hartu ahal izateko”.
Orain arte startupa erabiltzaile partikularrera bideratu bada ere, etxebizitzetan sistemak instalatzera, helburua beste sektore batzuetarako bidea irekitzea da, hala nola eraikinen kudeatzaileetara edo altzarien fabrikatzaileetara. “Ikusten ari gara gure sistemak balio erantsia dakarrela zenbait sektorerentzat teknologiari dagokionez. Eraikinak kudeatzen dituzten enpresak, adibidez, gure konponbidearen bidez eraikina nola erabiltzen ari den jakiteko datuak biltzeko gai izango lirateke, horien azterketatik abiatuta energia-eraginkortasuneko soluzioak eskaintzeko, egokitzapen-maila handiarekin”, ziurtatu du Donomoticeko CEOak.
Duela gutxi, sektore berri horietan sartzeko lehen urratsa eman dute, bazkide inbertitzaile gisa akordio bat sinatu baitute Habicekin, Euskadiko ekipamendu, altzari eta diseinuaren Klusterrarekin. “Oso pozik gaude lankidetza horrekin; izan ere, batetik, bezero berrietara iristeko kanal bat irekitzen digu, hala nola hotelak, bulegoak, pisu turistikoak, baita mendekotasuna duten pertsonak ere, beren autonomia sustatzeko eta beren bizitza independentzia handiagoz garatzeko aukera emango dien etxe mota eskuragarriago bat eskaintzeko; eta, bestetik, Habicek sarbidea ematen digun ekipamendu-enpresa eta fabrikatzaile horien balio teknologikoa handitzeko aukera ematen digulako, sektoreari balio erantsia eta osagai berritzailea emanez”, amaitu du Vinolasek.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza programen bidez egiten du hori. Informazio gehiago esteka honetan.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza