Bic Gipuzkoak jardunaldi-ziklo bat antolatu du bioteknologia-sektorea bultzatzeko
Bioteknologia-sektoreak perspektiba ederra du Gipuzkoan eta, horri esker, enpresa-proiektu berriak garatzen ari dira. Sektorea sendotu eta irmotzeko, Bic Gipuzkoak lau jardunaldi antolatu ditu esperientziak partekatzeko eta askotariko eragileen arteko lankidetza hauspotzeko.
Horietako lehena “From Bioscience to Business” izan da, Tecnun-Universidad de Navarrarekin batera antolatua. Bada, sektoreko ordezkari ugari bildu ditu, enpresa-proiektu berriak bultzatzeko orduan interesekoak diren askotariko ezaugarriak eta esperientziak ezagutuz ikerketa-lanaren emaitzak merkatura zabaltzeko. Ekimen honek Gipuzkoako Foru Aldundiaren Ekonomia Sustapen Departamentuaren laguntza du.
“From Bioscience to Business” saioa Bic Gipuzkoak antolatu du Tecnunenen lankidetzaz (Nafarroako Unibertsitatearen Donostiako Ingeniaritza Eskola). Topaketetan bat egin dute bioteknologia-industriari lotutako askotariko arlotako esperientzia adierazgarriek. Topaketen programa honen inaugurazioan, Iker Estensoro Gipuzkoako Foru Aldundiko Ekonomia Sustapeneko zuzendari nagusiak nabarmendu du Gipuzkoako biozientzien sektorea estrategikoa dela eta Aldundiak haren garapena sustatzeko konpromisoa hartu duela.
Jose Maria Siotak, IESE Entrepreneurship and Innovation Centerreko zuzendari exekutiboak, teknologia-transferentziako estrategia eta joerei eta ‘Corporate Venturing’i buruzko bere ikuspegia azaldu zuen. Ezarritako enpresen eta startup berritzaileen arteko lankidetza bultzatzeko premia nabarmendu zuen, “badagoelako ezkutuko ahalmena merkaturatzeko prest”. Haren iritziz, Europak aurre egin behar dio “teknologia-transferentzia beste maila batera eramateko” erronkari; izan ere, eskaini zituen datuen arabera, munduko lehen 100 ikerketa-erakundeetatik 21 daude Europan, baina patenteen % 95 “ez daude aktibo”.
Federico Gagok 20 urtetik gorako zuzendari-esperientzia du farmakoen industrian, eta beste batzuekin batera sortu ditu VB Devices, Allero therapeutics eta Cytovation AS. Bada, ‘Venture Builder’ gisa izandako esperientziaz hitz egin zuen, “proiektu bat inbertigarri egiten ekintzaileari laguntzen” . Haren iritziz, “korporazio handiek, sektore honetan proiektu batean inbertitu aurretik, merkatuaren errealitatearen iragazkia pasa behar dute. Ez da erraza inbertitzaileak ekartzea”, adierazi zuen, eta horregatik, “startupek plan bat izan behar dute beren bidea bakarrik egiteko gai izan daitezen”.
Jesus M. Hernandezek, bioteknologiako kontsultore independente, Eli Lilly presidenteorde ohi eta CIMAko (Nafarroako Unibertsitatea) zuzendari ohiak, oinarrizko/aplikatutako ikerketari eta merkatuko transferentziari buruz hitz egin zuen topaketan. Haren iritziz, sektoreko ezaugarriak zein diren ikusita, beharrezkoa da “15 urteko ikuspegi batez lan egitea, aurreikusiz denbora-tarte horretan garatzen ari garen produktuaren merkatua, lehiakideak eta produktuaren benetako beharra nolakoak izan daitezkeen”.
Gloria Gonzalez Vivet Therapeuticseko zuzendari zientifiko eta CIMAko ikertzaileak bere enpresaren kasua aurkeztu zuen zientzialari baten ikuspegitik. Giltzarriak, haren iritziz, sinesgarritasuna eta zientzia zorrotza eta kalitatezkoa edukitzeko premia dira. “Alderdi horiek oinarrizkoak dira inbertitzaileetan konfiantza sortzeko; izan ere, etengabe bilatu behar dugu inbertsioa garapen zientifiko berrietarako”.
Gipuzkoako bioteknologia-sektorea
Jardunaldi hauen helburua da esperientzia eta ezagutza partekatzea eta askotariko eragileen arteko lankidetza bultzatzea, ekonomiaren garapena bultzatu eta Gipuzkoako bioteknologiaren sektorea sendotzeko.
Jardunaldi hauexek gaurdanik maiatzera egingo dira, askotariko ikuspegiak bilduz: “Startup bioteknologiko bat egituratzeko ezin besteko alderdiak: ikuspegi juridikoa eta finantzarioa”; “Hack your company!!!”; bukatzeko, maiatzaren 7an, saio bat egingo da bioteknologia-sektoreko enpresetako inbertitzaileekin .
Topaketa horien helburua da biozientzien sektorea dinamizatzea, merkatura teknologia eta ezagutzaren transferitzea bultzatzeko. Horretarako, helburu zehatzak dituzten askotariko jardunaldiak diseinatu dira, ezagutza eta esperientziak partekatzeko eta Gipuzkoako biozientzien sektoreko eragileak elkarrekin sare-lanean aritzeko: startupak, unibertsitateak, CIC, teknologia-zentroak, enpresak, sistema sozio-sanitarioko eragileak, inbertsio-funtsak, etab.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza