Alejandro Moreno, Welltech: “beharra ikusi genuen atsedenaren munduan, ez baitago teknologia askorik koltxoietan”
Alejandro Morenok (Extremadura, 1990) Ingeniaritza Elektroniko Industriala ikasi zuen Sevillan, eta, ordutik, hamabi urte daramatza produktu elektronikoak garatzen. Hainbat sektoretan lan egin du, aeronautikatik hasi eta nekazaritzako sentsorikaraino, betiere diseinu elektronikoa eginez, hardware aldetik hasi eta firmware garapeneraino. Duela sei urte Euskadira etorri zen bizitzera, lana zela eta. Atseden-sektorean lan egiteko aukera sortu zitzaion eta gustatu egin zitzaion, beraz, aukera hartu zuen.
Nola sortu zen Welltech?
Nirekin harremanetan jarri ziren atsedenaren eta ongizatearen munduan aritzen ziren bi pertsona. Elektronika garatzeko interesa zuten, koltxoiak eta atsedenerako produktuak teknologiaz hornitzeko. Hainbat urtez aritu nintzen haiekin ideia garatzen, eta produktua geuk fabrikatzeko eta gure instalazioetan ekoizteko ideia sortu zen.
Beharra ikusi zenuten merkatuan?
Bai, beharra ikusi genuen atsedenaren munduan, ez baitago teknologia askorik koltxoietan. Ustiatzeko interesgarria izan zitekeen nitxo bat sumatu genuen.
Zer egiten duzue?
Produktu elektronikoaren diseinu integrala egiten dugu, pertsonen ongizatea hobetzeko. Garapenaren lehen fase honetan, atsedenean zentratzen ari gara. Diseinu elektronikoa, hardwarea, firmwarea, aplikazio mugikorrak, zerbitzariak eta abar hartzen ditu barne. Baina guk ez dugu produktu osoa maila komertzialean saltzen, elektronika baizik, eta koltxoien fabrikatzaileek integratzen dute elektronika hori beren koltxoietan.
Zer helburu ezarri zenuten hasieran? Betetzen ari dira?
Asmoa zen duela urte batzuetatik egiten ari garen garapena hobetzea, ez hainbeste prototipoak eta I+G egiteko, baizik eta produktu lehiakorra egiteko, ekonomikoa izan daitekeena eta modu masiboan fabrika daitekeena. Koltxoi merkeetan eta gama altuko koltxoietan txerta daitezkeen askotariko produktuak edukitzea. Produktua eta ekoizpen-prozesua hobetzeko fasean gaude, lehen bertsioak oso astunak baitziren, muntatzeko orduan; hartara, eskulanaren prezioa asko garestitzen zen, eta koltxoia integratzea ere zaila zen.
Orain, harrera ona izaten ari den eta nazioartean saltzen ari den produktu bat dugu merkatuan. Produktua, berez, loaren kalitatea neurtzen duten sentsoreak dira, eta gomendioak emateko aukera ematen digutenak; nahiko ekonomikoa da, eta nahiko harrera ona izan du. Bestetik, gama altuko produktu sorta bat dugu, informazio gehiago ematen duten sentsoreak dituena, koltxoiaren irmotasuna doitzeko aukera ere ematen dutenak. Eta, bakoitzaren lo egiteko moduaren arabera, pertsonari egokitzen zaizkio.
Zer helburu duzue etorkizunerako?
Etorkizunean, diseinua sentsore gehiagorekin integratzea da asmoa. Adibidez, erloju adimendun batekin, Alexarekin, etab. Gainera, sentsore-sare horretan integra daitezkeen beste gailu mota batzuk garatzen ari gara, hala nola geure erloju adimenduna, burkoa, etab.
Noiz eta zergatik etorri zineten BICera?
2022ko amaieran batu ginen. Non koka gintezkeen pentsatzen aritu nintzen, eta hemen, Barakaldon, bizi naizenez ,pentsatu nuen interesgarria izango zela enpresa hemen muntatzea eta antzeko garapen-egoeran dauden beste enpresa batzuez inguratuta egotea, baita balizko laguntzak jaso ahal izatea ere. BICekin harremanetan jarri nintzen, proiektua aurkeztu nien eta interesatu egin zitzaien. Lokalen bila ibili ginen, eta hau gustatu zitzaidan; izan ere, muntatzeko guneaz gain, showroom bat izateko aukera ere badugu, bezeroek koltxoiak eta egiten duguna ikus dezaten.
BIC babesa ematen ari zaigu jardueraren lehen urteetan, eta beste enpresa mota batzuekin harremanetan jartzen lagundu eta prestakuntza errazten digu. Nahiko ondo datorkigu horretan gidatu eta aholkatu gaitzakeen norbait edukitzea.
Lotutako albisteak
Nexmachinak Gauzen Interneta industriara zabaltzen du
Enpresak IoT soluzio jasangarriagoak eta eskuragarriagoak eskaintzen ditu mota guztietako enpresa eta erakundeentzat
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Surphasek merkatuan parekorik ez duen teknologia garatzen du eta gatzgabetzeko planten eraginkortasuna handitzea lortzen du
Donostiako ETEak, Europako Batzordearen 2,5 milioiko dirulaguntza lortuta, iragazkien egoera aurreikusten du denbora errealean; hala, geldialdi teknikoen % 60 murrizten du
Kimaiwi: “Gure proposamen teknologikoa balioztatzean eta nazioarteko turismo-industriaren aurrean proiektatzean zentratu gara”
Startup arabarrak online irtenbideak garatzen ditu turismo-sektorearentzat, eta hazkunde eta babes handia izan du bere bederatzi hilabeteko bizitzan.