Manufacturas Marpe, zurezko materialak banatzen eta fabrikatzen dituen ETEa
Manufacturas Marpe batez ere contract sektorearentzat produktuak fabrikatzen eta egurrezko materialak banatzen dituen Azpeitiko ETEa da. Nazioartekotzearen aldeko apustua egin du eta salmenten % 20 atzerrian egiten du. SPRI Taldearen digitalizazioko laguntza jaso du, enpresen konektibitatea eta lehiakortasuna handitzeko.
Enpresa 1967an sortu zen, egun gerentea denaren aitaren ekimenez, “zurezko markoak egiteko, eta 1970ean, zur trinkoarekin lotutako produktu gehiagorekin, Azpeitiko tailer batean instalatu zen, eta hantxe jarraitzen dugu orain ere”, azaldu du Mikel Santillak, Manufacturas Marpe enpresako jabe eta gerenteak.
- urtean inflexio-puntua etorri zen; izan ere, konpainiak zur trinkoaren negozioa utzi zuen, eta, 2011n, zura biltegiratzeko kanala ireki zuen, “inguruko arotzei, profesionalei eta enpresei zerbitzua emateko, hainbat produkturekin, eta banaketa batez ere Estatu mailan egiten zuen. Hala, merkatu garrantzitsuenak Euskadi eta Nafarroa ziren”.
Manufacturas Marpe enpresak fabrikazio berdea eta hurbilekoa aukeratu du, “eguzki-plaken bidezko energia-autokontsumoarekin. Gainera, produktu guztiak Europakoak dira”.
Konpainiak bi negozio-lerro ditu: zuraren eta deribatuen banaketa (taulak eta zoruak, fenolikoak, HPL), kabina fenolikoen fabrikazioa (kiroldegietako eta gasolindegietako komunetarako) eta enpresa, unibertsitate edo bulegoetarako ate teknikoak. Besteak beste, Egger edo Polyrey markekin egiten du lan.
Eta fabrikazioko beste lerro osagarri bat ere aipatu behar dugu. Kasu horretan, bezero gehienak contract sektorekoak dira, hala nola bulegoak, eta gainerakoak arotzak, instalatzaileak edo altzariak egiten dituzten enpresak dira. “Produktuei buruzko aholkularitza handia ematen dugu, merkatuan eskuragarri dagoenean oinarrituta. Hala, materiala aukeratzeko garaian, bezeroari laguntzen saiatzen gara”.
Salmenten erdia Euskadin eta Nafarroan pilatzen da eta % 20, atzerrian. “Dena den, ehuneko horiek gorabeherak izan ohi dituzte, jasotako eskaeren arabera”. Kanpoko fakturazio gehiena Panama, Frantzia eta Zipretik dator. “Gainera, eskariak jasotzen ditugu Greziatik, Uruguaitik, Portugaletik, Costa Ricatik”.
15 langile ditu eta I+G arloa bezeroei produktuak hobetzen, materialak hautatzen eta mekanizazioa hobetzen laguntzean oinarritzen da. “Gure I+G arloa barneko prozesuak hobetzera zuzenduta dago batez ere”.
Banda Zabala programari esker SPRI Taldetik jasotako laguntza zuntz optikoa ezartzera bideratu da, Interneteko abiadurarekin lotutako arazoak baitzituzten. Eta dagoeneko ezarri dute.
Etorkizunera begirako erronken artean, “kabina sanitario fenolikoen produktua handitzea eta sektore horretan merkatua hobetzea” dago. “Horrez gain, biltegiko kanalarekin aurrera egin eta produktuen gama gehiago osatu nahi ditugu, bezeroek Marpen behar duten guztia aurki dezaten. Zerbitzua hobetzea da helburua”.
SPRI Taldeak Euskadiko enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
