Javier Zarraonandia sailburuordea, erdian.
Argitalpenak 2021eko otsailaren 25a

Industria sailburuordeak azpimarratu du Eusko Jaurlaritzaren laguntzak “edozein enpresaren neurrikoak” direla

Bigarren informazio-jardunaldian hizpide hartu dira ingurumen, garapen industrial, trantsizio energetiko eta nazioartekotze arloetako dirulaguntzak
-

 

Javier Zarraonandiak, Eusko Jaurlaritzako Industria sailburuordeak, ostegun honetan azpimarratu du Eusko Jaurlaritzaren laguntzak “edozein enpresaren neurrikoak” direla. “Deituiguzue beldurrik gabe” esan du bigarren informazio-jardunaldian, non xeheki azaldu baititu Eusko Jaurlaritzak ekonomia berraktibatzera eta enplegua sortzera bideratu dituen ETEentzako 2021eko laguntzak.

 

Ekitaldia telematikoki egin da, 650 enpresa inguruk jarraitu dutelarik, eta sailburuordeak nabarmendu du industria eta ingurumen sailak “lanean ari direla industriaren garapen jasangarria lortzeko”.  Gogora ekarri du Ekonomi Garapen, Jasangarritasun eta Ingurumen Sailak hiru helburu dituela jomugan:  industria eta bere zerbitzu aurreratuak gure BPGaren % 40ra iritsi daitezela, enpresen nazioartekotzea Covid-19ak eragin duen ingurunera egokitzea, eta energia berriztagarrien kuota Euskadin kontsumitzen den energia guztiaren % 20ra iritsi dadila.

 

Informazio-jardunaldian hizpide hartu dira ingurumen, garapen industrial, trantsizio energetiko eta nazioartekotze arloetako laguntzak. Amaia Barredo Ingurumen sailburuordeak esan du hauek direla hiru helburu nagusiak: berotegi efektua eragiten duten gas isurketak % 45 murriztea –“sektore industrialak ahalegin handia egin du eta, horri esker, 2006tik % 25 gutxitzea lortu du” adierazi du-, hondakin sorkuntza gutxitzea eta ingurumen-politika faktore transbertsal bilakatzea.

 

Laguntza programei dagokienez, aipatu du bikoiztu egin dela ingurumen proiektuentzako laguntza-plana, “bi milioi euroko zuzkidura izatetik lau milioi euro izateraino”. Baita ere nabarmendu du bio-ekonomia programa -hiru milioiko aurrekontua duena-, proiektu pilotuak, proiektu eraldatzaileak eta atzerriko ekimenak detektatu eta erakartzeko proiektuak babesten dituena.

 

Garapen Industrialeko zuzendari Mikel Amundarainek azpimarratu du “erronkaz betetako unean gaudela. Covid-19aren ondorioez gain, hor ditugu baita ere ingurumen arloko erronkak eta erronka digitalak. Pandemiak azkartu egingo ditu industriako aldaketa estrukturalak”. Hala, laguntza-planak tresna gehiago eskaintzen dizkie zailtasunak dituzten eta lehiakortasuna hobetu nahi duten enpresei. “Programak indartu ditugu, partidak handituz eta eskakizunak murriztuz. Hiru programa berri abiarazi ditugu: dibertsifikazioa, enpresen tamaina handitzea eta adituen aholkularitza finantzaketa-operazioetan”.

 

Halaber, hizpide hartu du Bateratu programa berria, hiru milioi euroko zuzkidura duena. Programa horrek  helburutzat du “500.000 eurorainoko itzuli beharrik gabeko dirulaguntzak” ematea xurgatze edo bat-egiteen bidez hazkunde-operazioak planteatzen dituzten enpresei. Horrez gain, bada beste nobedade bat, 11 milioiko zuzkidura duen Bilakatu plana, “zeinaren helburua baita laguntza ematea negozio-ildo berriak garatu nahi dituzten edo Euskaditik kanpo zeuden gaitasunak berriz Euskadira ekarri nahi dituzten (“reshoring”) enpresei”. Plan honen onuradun izateko, enpresa handiek gutxienez 1,5 milioi euroko inbertsioak egin behar dituzte, eta ETEek 200.000 eurokoak.  “Gehieneko laguntza milioi bat eurokoa da eta ez da itzuli beharko” zehaztu du.

 

Amundarainek esan duenez, krisian dauden enpresak berregituratu eta berrabiarazteko “Bideratu” plan berriak bere partida bikoiztu du, bost milioi euroraino. Interesik gabeko aurrerakin itzulgarriak izango dira, sei urtean ordaindu behar direnak. Gainera, bada beste programa berri bat, “Lortu”, birfinantzaketa proiektuentzako laguntza profesionala eskaintzen duena.

 

Iñigo Ansolak, EEEko (Energiaren Euskal Erakundea) zuzendari nagusiak, baieztatu du hiru kontzeptu landuko direla energiaren arloan: energia eraginkortasuna, energia berriztagarrien ezarpena eta itsasoko teknologien garapena. “Zazpi laguntza-ildo desberdin dauzkagu” zehaztu du, besteak beste: itsasoko energientzako laguntzak, 2,5 milioi euroko zuzkidura dutenak, zeren “potentzial energetiko handiko teknologia bada ere, oraindik ongi heldu gabe baitago”, eta 4,5 milioi euroko zuzkidura duen Moves II plana, mugikortasun elektriko eta jasangarrira bideratua dagoena.

 

Nazioartekotzeko Euskal Agentziako kontseilari delegatu Ainhoa Ondarzabalek gogoratu duenez, aurreikusi zen nazioartekotzea izango zela pandemiaren eragina gogorren jasango zuen arloetako bat, “baina ikusi dugu enpresek segurtasun handiz aurre egin diozuela egoerari, eta Agentziak, bere aldetik, aholkularitza gehiago eskaini du, eta baita arreta handiagoa ere”. “Nazioartekotzeak” gaineratu du “palanka estrategikoa izaten jarraitzen du lehiakortasuna lortzeko eta negozio berriak garatzeko. Hazkunde ekonomikoaren ardatzetako bat izango da”.

 

Ondarzabalek adierazi du 21,3 milioi euro mobilizatuko direla arlo horretan hainbat laguntza-programaren bitartez. Aipagarria da Nazioarteko Gauzatu programa (5 milioi eurorekin), atzerriko produkzio-inbertsioak finantzatzeko mailegu itzulgarriak ematen dituena, eta baita ere Zabaldu (3 milioirekin) programa, itzuli beharrik gabeko dirulaguntzak ematen dituena atzerriko merkatuetara irteten edo haietan duten posizioa sendotzen ari diren enpresentzat.  Halaber azpimarratu du talentuaren aldeko apustua egin dutela, eta horregatik hobetu dituztela Beint eta Global Training beka programak; “lehenengoak 125 bekadun izango ditu 100 izan beharrean, eta bigarrenaren kasuan, onuradunak 500 izango dira eta ez 400”.

 

Jardunaldi informatiboak ostiral honetan amaituko dira lehen sektorera eta elikadura eta jasangarritasun industrietara bideratutako laguntzei buruzko saioarekin.

 

Hemen ikus dezakezu jardunaldia:

 

Hemen aurkezpena:

Lotutako albisteak

Herrialde  nordikoetako  energia-sektorera  hurbilketa.  Ohar  teknikoa
2026/11/03 Nazioartekotzea

Herrialde nordikoetako energia-sektorera hurbilketa. Ohar teknikoa

Basque Trade & Investment-ek euskal industriarentzako negozio-aukerak identifikatu ditu eskandinaviako herrialdeetako trantsizio energetikoan

Nazioarteko  Behatokia:  Inbertsio  teknologikoek  munduko  hazkundearen  aurreikuspena  hobetzen  dute
2026/10/26 Nazioartekotzea

Nazioarteko Behatokia: Inbertsio teknologikoek munduko hazkundearen aurreikuspena hobetzen dute

Nazioarteko Behatokiaren hiruhileko txostenaren urriko edizioak zertxobait hobetu du 2026rako munduko hazkundearen aurreikuspena, %2,4ra arte, eta Europakoa beherantz berrikusi du, %1,3ra arte, eta euskal enpresen nazioarteko jarduerari eragin diezaioketen arriskuak aztertu ditu.Deskargatu txostena

Ibilbide-orria.  Karbonoaren  Mugak  Doitzeko  Mekanismoa  (KMDM-CBAM)
2026/10/26 Nazioartekotzea

Ibilbide-orria. Karbonoaren Mugak Doitzeko Mekanismoa (KMDM-CBAM)

Basque Trade & Investment-ek karbonoaren mugak doitzeko Europako mekanismoari buruzko ibilbide-orria eguneratu du, enpresei inpaktua aurreratzen laguntzeko. Argitalpen berriak 2026ko urrira arteko azken arau-berrikuntzak dakartza, isurketen balio lehenetsiak eguneratzen ditu, eta datu errealak egiaztatzeko eta CBAM ziurtagirien kostua kalkulatzeko baldintzetan sakontzen du. Deskargatu txostena

Tentsio  geopolitikoek  eta  eskaintza-murrizketek  industria-lehengaien  prezioak  bultzatzen  dituzte  berriro  2026ko  hirugarren  hiruhilekoan
2026/09/30 Nazioartekotzea

Tentsio geopolitikoek eta eskaintza-murrizketek industria-lehengaien prezioak bultzatzen dituzte berriro 2026ko hirugarren hiruhilekoan

Basque Trade & Investment erakundeak Industria Lehengaien Behatokiaren edizio berri bat jarri du euskal enpresen eskura. Edizio hori 2026ko hirugarren hiruhilekoari dagokio eta industria-lehengaien merkatu nagusien bilakaera eta nazioarteko ingurunea baldintzatzen ari diren faktore geopolitiko, komertzial eta klimatikoak aztertzen ditu.Deskargatu hemen txostena.

Alemaniako  osasun-sektorea.  Ohar  teknikoa
2026/09/17 Nazioartekotzea

Alemaniako osasun-sektorea. Ohar teknikoa

Basque Trade & Investmentek ohar tekniko berri batean aztertu ditu Alemaniako osasun-sektorearen bilakaera eta Euskadiko enpresek farmazia eta gailu medikoen arloetan merkatura sartzeko dituzten aukerak.

Automobilgintzako  Behatokia:  Munduko  automobilgintzak  jarduera  moteldu  du,  eta  fabrikatzaileek  industria-estrategiak  birdefinitzen  dituzte
2026/09/09 Nazioartekotzea

Automobilgintzako Behatokia: Munduko automobilgintzak jarduera moteldu du, eta fabrikatzaileek industria-estrategiak birdefinitzen dituzte

Basque Trade & Investment (BasqueTrade), SPRI Taldean integratutako euskal enpresen nazioartekotzerako agentziak, Automobilgintzaren Behatokiaren edizio berri bat argitaratu du. Txostenak munduko automobilgintzaren bilakaera, eskualdeetako merkatu nagusien aurreikuspenak eta fabrikatzaile nagusien jarduna aztertzen ditu.Deskargatu hemen

Energia  Eolikoaren  Behatokiak  baieztatu  du  munduko  merkatuak  hazten  jarraitzen  duela,  nahiz  eta  erregulazio-,  industria-  eta  geografia-mailako  polarizazioa  areagotu  den
2026/07/23 Nazioartekotzea

Energia Eolikoaren Behatokiak baieztatu du munduko merkatuak hazten jarraitzen duela, nahiz eta erregulazio-, industria- eta geografia-mailako polarizazioa areagotu den

Basque Trade & Investment-ek Behatoki Eoliko berriak · Txosten berriak 2035era arteko lurreko eta itsasoko energia eolikoaren bilakaera, araudi-aldaketak, inbertsioak eta fabrikatzaile zein sustatzaile nagusien kokapena aztertzen ditu, euskal enpresen nazioartekotzea bultzatzeko informazio estrategikoa eskainiz. Deskargatu hemen txostena.

Merkataritzaren  ziurgabetasunak  eta  tentsio  geopolitikoek  munduko  merkataritzaren  eraldaketa  bizkortu  dute  2026an
2026/07/23 Nazioartekotzea

Merkataritzaren ziurgabetasunak eta tentsio geopolitikoek munduko merkataritzaren eraldaketa bizkortu dute 2026an

Basque Trade & Investmenten Nazioarteko Merkataritzaren Behatoki berriak merkataritza-oztopoen gorakadak, hornidura-kateen berrantolaketak eta tentsio geopolitikoek markatutako 2026ko egoera aztertzen du. Deskargatu hemen txostena.

T&D  Behatokiak  baieztatu  du  sare  elektrikoak  trantsizio  energetikoaren  erronka  nagusi  bihurtu  direla
2026/07/16 Nazioartekotzea

T&D Behatokiak baieztatu du sare elektrikoak trantsizio energetikoaren erronka nagusi bihurtu direla

Basque Trade & Investmen-ek egindako azterlanaren edizio berriak transmisio eta banaketaren (T&D) munduko merkatuaren azken sei hilabeteko bilakaera aztertzen du, eta egiaztatzen du inbertsioak, arau-jarduera eta azpiegitura berrien garapena handitu egin direla, elektrifikazioaren hazkundeari erantzuteko. Deskargatu HEMEN

Hidrogenoaren  sektore  globala  exekuzio  selektiboko  fase  baterantz  doa,  hidrogeno  berdea  buru  izanik

Hidrogenoaren sektore globala exekuzio selektiboko fase baterantz doa, hidrogeno berdea buru izanik

Basque Trade & Investment-ek Hidrogenoaren sektoreari eskainitako lehen Behatokia argitaratu du, euskal enpresa-sektoreari balio handiko informazioa eta zorroztasunez eguneratutakoa eskaintzeko, eta atzerrian negozio-aukerak aurreikusi ahal izateko. Deskargatu hemen laburpen exekutiboa.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.