Euskal Herriko Itsas Foroko enpresak Txina eta Norbegiarekin harremanetan jarri dira merkatu estrategikoen bila
Euskadiko itsas sektoreko enpresen ekosistemak, Euskal Herriko Itsas Foroaren (FMV) inguruan bilduta, merkatu berriak eta herrialde estrategikoekiko lankidetza indartu nahi ditu eta, helburu horren barruan, aurten jada bi misio komertzial egin ditu Norvegiara (pasaden apirilean) eta Txinara (irailean).
Berrienak Asiako herrialdea izan du helmuga. Zehazki, Shanghai, Jingjiang eta Qingdao hiriak. Txina merkatu indartsuenetako bat da itsas sektorean, eta hazkunde betean jarraitzen du. Euskal enpresek aurkezten diren aukerak aprobetxatu nahi dituzte, bereziki berrikuntza, digitalizazioa eta jasangarritasuna bezalako arloetan.
Azken aste honetan Txinarako misioan parte hartu duten enpresak honako hauek dira: Cintranaval, balio erantsi handiko ontzien diseinu pertsonalizatuan espezializatutako ingeniaritza, 600 baino ontzi gehiago dituzten 30 herrialdeetako armadoreentzako; Glual Hydraulics, 1969an sistema eta osagai hidrauliko fidagarri eta berritzaileetan espezializatutako enpresa; TH Company (Marco), arrantza-ekipoetan, estalkiko makinerian eta arrantza- eta ontzi-industriarako sistema hidraulikoen teknologia munduko liderra dena; Tecnalia zentro teknologikoa, BRTA aliantzakoa, eta Zunibal, arrantza-flotetarako buia satelitalak fabrikatzen dituena.
Euskal enpresek topagune ugari izan dituzte hiri horietako puntako enpresekin, hamar bat guztira. Horretarako, FMVk Basque Trade and Investment-eko Shanghaiko bulegoaren laguntza izan du. Gainera, Bizkaiko Foru Aldundiak finantzatu du proiektua, Bitarteko Eragileak 2024 Programaren barruan.
Txinarako misioak apirilean Norbegiara egindakoari gehitzen zaio, Europako itsas sektoreko puntako herrialdeetako bat izanda. Orduan, klusterrari lotutako 7 enpresa Sunnmøre hegoaldeko Ulsteinvik eta Ælesund hirietara joan ziren. Norbegia funtsezko eragilea da itsas teknologia globaletan, eta Artikoko eta nazioarteko uretan botere handia izateko aukera ematen dioten soluzio eta tresna berritzaileak ditu. Euskal enpresak hauek izan ziren: Gamesa Electric, Glual Hydraulics, H2SITE, Kuari, Laulagun Bearings, TH Company eta Vicinay Marine.
Hirugarrena, Hego Koreara
Aurten hirugarren misio bat egongo da, hego Koreara. Urri bukaerarako aurreikusita dago eta aurrekoak bezalakoa izango da; merkatu berriak ireki eta internazionalki puntakoenak diren enpresekin aliantzak sortzea izango ditu helburu nagusi.
Enpresa delegazioa Kormarine feriara (Busan, urriaren 21etik 24ra arte) joango da bertako eta kanpoko enpresekin biltzeko. Oraingoan ere Basque trade and Investment bulegoaren laguntza izango dute eta gainera, Bizkaiko Foru Aldundiak finantzatu du proiektua, Bitarteko Eragileak 2024 Programaren barruan.
Euskal Herriko Itsas Foroak 160 bazkide ditu, eta sektoreko enpresen lehiakortasuna eta hazkundea hobetzeko zerbitzuak ordezkatzen eta sustatzen ditu Euskadin. Enpresa horiek fakturazioaren % 5 inbertitzen dute I+G+Bn, eta 28.000 pertsona baino gehiagori ematen die enplegu zuzena eta zeharkakoa, euskal BPGren % 4,7arekin. Era berean, guztira, produktuen % 70 esportatzen dute.
Euskal enpresen nazioarteko proiektuak bultzatzea da SPRI Taldeak lortu nahi duen helburuetako bat. Basque Trade and Investment Nazioartekotzeko Euskal Agentziaren bitartez, leihatila bakar batean biltzen ditu Elkartu, Gauzatu edo BEINT eta Global Training bekak bezalako baliabide eta laguntza guztiak.
