Euskal sektore teknologikoaren jarduera eta fakturazioa %7 hazi da 2024an, 7.020M€-ra iritsita
- GAIA osatzen duten 305 erakundeek 26.280 profesional baino gehiago biltzen dituzte Euskadin, eta iaz 7.020 milioi euro fakturatu zituzten. 2025ean fakturazio zifra hori %7 handitzea espero dute. Gainera, I+G hazi egin zen, iaz 202M €-tik gora inbertituta, eta horrek esan nahi du %10 hazi dela aurreko urtearekin alderatuta.
Euskadiko Ezagutza eta Teknologia Industrien Klusterrak (GAIA) kide dituen 305 erakundeen jardueraren gaineko zifra nagusiak jakinarazi ditu. Zifra horien arabera, 2024an %7 gehiago fakturatu zuten, eta 7.020 milioi euroko fakturaziora iritsi ziren, eta bereziki azpimarragarria da enpresa elektronikoetan eta Informatikako enpresetan jarduerak izan duen hazkundea. Gaur goizean Bilbon egindako prentsaurrekoan Elena Zarraga GAIAko presidentea, Tomas Iriondo GAIAko zuzendari orokorra eta Eli Pombo Languneko presidentea agertu dira.
Jakinarazi dutenez, 2024an 26.280 profesional aritu dira lanean. Hamargarren urtez jarraian hazi da enplegua, eta 1.400 pertsona gehiago izan dira (+%6 gehiago, aurreko urtearekin alderatuta). I+Gko inbertsioa 202M€-koa izan da, hau da, inbertsioa %10 hazi da; esportazioak, berriz, %7 hazi dira, eta 2.961M€-ra iritsi dira.
Gauden ekitaldirako aurreikuspenei dagokienez, GAIAko arduradunek iragarri dute 2025ean GAIAko kide diren erakundeen fakturazioa berriz ere %7 haziko dela; aurreikusten da, halaber, enplegua %5 haziko dela, eta I+Gko inbertsioak %10.
Euskadiko Ezagutza eta Teknologia Industrien Klusterrak (GAIA) Batzar Orokorra GAIA Value Capital SL eratzea onartu du. Adimen estrategikoa eta kapitala integratzen dituen plataforma bat da, eta datozen urteetan 200M€ zuzen mobilizatzea aurreikusten du industria digitalaren sektorearen hazkundea, garapen teknologikoa eta errotzea lortzeko.
Klusterrak jakinarazi duenez, azpiegitura horrek subiranotasun teknologikoaren aldeko apustua egiten du eta gutxi gorabehera 200 milioi euro zuzen eta, ziurrenik, beste 200 M€ baliatuko dituen funts bat eratzea ahalbidetuko du, zeinarekin sistema eta irtenbide digitalen inguruan eragin globaleko estrategiak bizkortu eta garatu ahal izango diren. Horretarako, CiberGrowth funtsa sortuko da. Gainera, adimen estrategikoaren esparruan, GAIA Value Capitalek hazkunde diagnostikoak, Industria 4.0ren balorazioa edo transakzio korporatiboen analisiak egingo ditu.
