Barne-logistika: robot mugikor autonomo kustomizatuak / AGV – 4.0 konponbideak
Robotikaren hilabeteko artikulu honetan robot mugikor autonomoen bila dauden enpresentzako BDIH sareak dituen 4.0 konponbideak aurkezten dira.
Mapatzea, nabigazioa eta flotaren kudeaketa
Ohiko sistemen azpiegituran oinarritutako malgutasun faltari aurre egiteko, BDIH sareko kide TECNALIAk haien robot mugikorren kontrol eta nabigazio autonomoko liburutegia aurkezten du, mapping-az, nabigazioaz eta flotaren kudeaketaz arduratzeko.
AGVrako (Gidatze Automatikoko Ibilgailua) nabigazioa daukan software bat da, eta bere Slam (Aldibereko Lokalizazio eta mapatzea) eta laser bidezko gidaritza oinarritutako konponbideek lan-eremuan aldaketa handirik egin gabe hedatzeko aukera ematen dute, bai eta ibilbideak erraz eta dinamikoki konfiguratzeko eta birkonfiguratzeko ere.
Robot mugikor bidezko barne-logistika
Zeure enpresak barne-logistikarekin lotutako beharrak baldin baditu, BDIH sareko kide TECNALIAk Mugiro jartzen du zure eskura, norabide orotako robot mugikor kustomizagarria, nabigazio autonomoa eta teleoperazioa dituena, zure prozesuetara egokitzeko prest. Jarduera anitzetarako plataforma mugikorra da, zenbait moduluz osatua, nabigazio autonomoa duena. Norabide orotan mugitzeko ahalmena du, lau gurpil motordun eta orientagarri baitauzka, eta goiko plataforma orientatzeko ardatz gehigarri bat ere bai, zenbait teknologia robotikoren proba-plataforma gisara erabiltzeko. Goiko aldean, estalki zabal bat du, sentsoreak eta eragingailu gehigarriak muntatzeko prestatua. Errendimendu handiko PC bat du barruan, osagai gehigarriak kontrolatzeko eta integratzeko, eta kontrol-sistemak ROS du oinarri.
Konponbide hauek zure enpresaren beharretara moldatzen direla uste duzu? Aktibo hauek erabiltzea gustatuko litzaizuke, zure prozesuak optimizatzeko? Honako teknologia hauek aurreko artikuluetan agertutakoen osagarri direla uste duzu? Horrela bada, jarri zaitez harremanetan gurekin eta aholku emango dizugu, baita zure kasuari moldatutako neurriak eskaini ere.
