Labelan, labeak eta galdarak konpontzen espezializatutako Zegamako ETEa
Labelan Zegamako ETE bat da, labeak eta galdarak konpontzen espezializatua, eta digitalizazioaren aldeko apustua egiten du, 3D piezak diseinatzearen bidez. Eusko Jaurlaritzaren zibersegurtasun-programaren laguntza jaso du. Programak zibersegurtasuna sustatzen du euskal enpresetan, arlo horretan egitura ekonomikoa sortuz, eta SPRIk antolatzen du.
Enpresa 1986an sortu zen Ormaiztegin, Araña familiaren ekimenez, eta esperientzia honen bitartez: «nire aitak autonomo moduan egiten zuen lan, industrientzako adreiluzko tximiniak altxatzen», esan du Aitor Arañak, Labelaneko gerenteak.
2013an Zegamara lekualdatu ziren, instalazioak zabaldu behar baitzituzten «SPRIrena zen pabilioi batera, eta oso ondo etorri zitzaigun, gure lanerako bulegoak eta garabiak baitzituen».
2017an, oraingo gerentea sartzearekin batera, enpresa modernizatzeko zeregin bati ekin zioten, hala kudeaketan, nola marketinean. Labelan giza taldea aintzat hartzean zentratu da, «hau lanbide bat delako. Ez dago material erregogorrekin lan egiten erakusten duen eskolarik, eta horretarako ekipoa behar duzu, baita denbora eskatzen duen prestakuntza bat ere. Eta gure lantaldeaz oso harro gaude, egonkorra baita, eta inplikazio handia du».
Duela urte batzuk, langileek enpresarekin zuten asebetetzearen inkesta egin zen «eta Goierriko notarik onena izan genuen, Irizarrek eta antzeko enpresek baino altuagoa». Labelan bere pertsonak zaintzen tematzen da, eta, haiek osasuna mantendu dezaten, gimnasio bat eskaintzen du instalazioen barruan, baita langileek behar dituzten fisioterapia-kontsultak finantzatu ere.
Enpresak paper-fabriken labeak eta galdarak konpontzen jarduten du, eta urte osoan eskaintzen du zerbitzu hori. «Labe guztiek estaldura erregogorra daukate, tenperatura altuak jasateko, eta beroa labetik atera ez dadin. Hainbat geruza daude, eta guk estaldurak instalatzen eta mantentzen jarduten dugu. Orain estaldurak diseinatzen ere ari gara».
Hainbat sektorerentzat egiten dute lan: metalgintza —bai forjaketak, bai galdaketak—, baina baita labe txikiak ere, okindegientzat, edo zenbait enpresarentzat, esaterako, CAF eta Tecnalia, eta horiei «hidrogenozko labeen diseinuak egiten dizkiegu haien probentzat».
18 langile ditu guztira eta fakturazioa bi milioi euro ingurukoa da. «% 15 hazi gara azken urteotan». Labelanek digitalizazioaren alde egiten du eta 3D inprimagailuen probak egiteko fasean dago. «3D piezak entregatu dizkiogu energia-gaietan diharduen Madrilgo Silbat zentro teknologikoari. Zentro teknologikoak gurekin harremanetan jartzen dira pieza txiki horiek diseinatzeko, eta horrek, aldi berean, guri balio digu ezagutza handiagoa izateko».
Haien bezeroen zorroan 120 erosle inguru daude, enpresa garrantzitsu batzuk barne; esaterako, Ulma, CAF, Ampo edo Hidroaluminio. «Gure merkatu-nitxoa daukagu eta eroso gaude premiazko lanetan, baina hainbat hilabete behar dituzten zereginak ere baditugu».
SPRI Taldearen enpresa-zibersegurtasuneko programaren dirulaguntzak balio izan du haien ekipoak eta informazio sentibera babesteko. «Jada ezarrita dago eta oso pozik gaude».
Erronkak belaunaldien arteko errelebotik pasatzen dira zuzendaritzan eta plantillan. «Eta negozioko ildo berriak ezartzea bilatzen dugu; esaterako, galdarategi bat».
SPRI Taldeak euskal enpresei aukera ematen die bere kanaletan jardueraren berri emateko. Zure proiektua gure gaiekin (I+G+b arloa, digitalizazioa, nazioartekotzea, ekintzailetza, berrikuntza…) lotuta badago, Zutaz mintzo gara ekimenean parte har dezakezu.
