Elgar Worksek automozioaren kalitate kontrolerako automatizazio adimenduneko soluzio berritzailea ezarri du
ElgarWorks Consultingek, automobilgintzaren sektorerako automatizazio industrialean espezializatutako aholkularitza teknologikoak, Gasteizen du bere egoitza. Dagoeneko ezarri du industrian bere automatizazio adimenduneko soluzioa. Honen bidez ikasketa automatikodun ikusmen artifizialeko sistemetan oinarritutako pieza industrialak ikuskatzeko eta egiaztatzeko aukera
Ekoizpen ingurune erreal batean dagoeneko martxan dagoen teknologiari esker, automobilgintza-sektoreko piezen kalitate-kontrola automatizatu daiteke. Prozedura hau Ibarra Logistikan ezarri da. Ibarra Logistika, 75 urteko esperientziarekin, industria sektorean espezializatutako operadore logistiko integrala bat da, egoitza nagusia Araban eta Gipuzkoan duelarik (Gasteiz – Soraluze)
Ikusmen artifizialean eta ikaskuntza automatikoan oinarritutako sistema hauek egunean 10.000 pieza baino gehiago ikuskatzea ahalbidetzen dute , 3 segundo baino gutxiagoko ikuskapen-ziklo osoarekin, giza begiarekiko mendekotasuna ezabatuz eta kalitate-prozesuetako akatsak murriztuz.
Ezarpenari esker, egiaztapen-prozesua estandarizatu, eragiketa-ahalmena handitu eta pieza bakoitzeko trazabilitate indibiduala bermatu ahal izan da.
Industria- prozesu askok langileek egiten dituzten ikusizko ikuskapenen mende jarraitzen dute, irizpide aldakorrekin eta datuak erregistratzeko ahalmen mugatuarekin. Horrek irizpide desberdinak eragiten ditu egiaztapenean, ekoizpena aldatzeko zailtasuna, piezaren trazabilitate falta, erabakiak hartzeko atzerapenak eta eredu berrietara egokitzeko konplexutasuna
ElgarWorks Consulting-ek garatutako soluzioari esker, prozesu hori automobilgintzan espezializatutako giltza eskura sistemen bidez eralda daiteke. Horretarako, ikusmen artifizial aurreratua eta ikaskuntza automatikoko eredu trebatuak integratzen dira, akatsak fidagarritasun handiz hatzemanez.
Proiektua partner espezializatuekin elkarlanean garatu da, hala nola Pixelabs, ikusmen artifizial aurreratuan adituak; Bereiker, garapen eta integrazio teknologikoa eta Anedma, soluzio industrialak eta automatizazioan espezializatua
Lankidetza honi esker, enpresak giltza eskura sisteman oinarritutako zerbitzuak eskaintzen ditu. Hasierako aholkularitzatik hasi eta inplementazio osoraino, eraginkortasuna, fidagarritasuna eta dauden prozesu industrialetarako egokitzapena bermatuz.
“Proiektu honek erakusten duena da ikusmen industrialari aplikatutako adimen artifiziala ez dela etorkizuna, oraina baizik. Dagoeneko ingurune errealetan lanean dihardu. Soluzio berritzaile honek emaitza neurgarriak sortzen ditu bai ahalmenean, trazabilitatean eta baita fidagarritasunean ere”, azaldu du Harkaitz Ibarrak, ElgarWorks Consulting-eko kudeatzaileak.
