Batirtze Moya: Basque Voyages, bost zentzuekin bizitzeko esperientziak
Batirtze Moya ekintzailea da eta Euskadin gehien erakartzen duten bi alor aprobetxatzen jakin du: paisaia eta gastronomia. Nola egin ote duen? Basque Voyages proiektuari esker, turismoa leku bat bisitatzeaz harago doa, zentzumen guztiek parte hartuko duteneko esperientziaz gozatzea ahalbidetzen du. Batirtze esperientzia turistiko hauek sortu eta garatzeaz arduratzen da eta bidaia-agentzien bidez zein zuzenean bezeroari saltzen dira.
Nondik sortu zen proiektu hau abiadan jartzeko ideia?
Ideia ekiteko nire irrikatik sortu zen, neure ametsa izan da ume-umetatik. Kontua da lehenago ez nekiela nola ekin, eta turismoaren sektorean ekiteko asmoa nuen arren, ez nekien zer enpresa mota sortu, baina azkenean denborarekin zalantzak argitzen zoaz. Bizi osoa eman dut bisitariekin jarduten eta behinola bururatu zitzaidan haientzako Esperientzia Turistikoak sortu eta diseinatzea, urte askotako neure esperientzian oinarrituz eta bertoko pertsona bat gonbidatzaile gisa izatea ideia ezin hobea dela kontuan izanik.
Zein arazo izan dituzu zeure proiektua garatzeko?
Ziurrenik gehienek esango lukete espero duten finantzaketa jasotzeko arazoak izan dituztela: erakundeen babesa, ekintzaileentzako euskarri ekonomikoa, eta abar. Neure kasuan, arazorik nabarmenena beldurra izan da. Porrot egitearen beldurra, nigan esperantza eta jarri duten eta nire proiektuan sinetsi dutenen espektatibak ez betetzearena. Emakume ekintzailea izatearen beldurra (zorionez azken hau “gainditu egin dut”). Nire bigarren zailtasuna, bitxi samarra hau ere, gaur egun dagoen informazio kopurua da.
Zure ustez, zerk bereizten du zure lana dagoeneko dagoenaz?
Ene ustez bada guztiok bereizten gaituen zerbait: geure izaeraren muina, gauzak egiteko eta harremanetan jartzeko modua. Niri dagokidanez, neure filosofiarekin bat egiten duten hornitzaileak izaten saiatu naiz, beren lana gustoko duten pertsonak. Horri esker esperientzia paregabeak diseinatzea lortu dut, horien artean “Luxury Weekender” nabarmentzen delarik: lagunartean gozatzeko asteburu oso bat, imajinaren coach ospetsu baten eskutik egiten den Shopping Tour bat, ardoen dastapena, Opera gaua eta abar biltzen dituena. Ezin ahantz nezake geure Santiago Bidearen bertsio Ignaziar eta Kostatarra, zehaztasun handiz diseinatuak eta luxu paregabea dutenak.
Euskadiko zein leku ezagutu ditzakegu proiektu honi esker?
Bidaiariak Europan bakarra den Rolls Roycen bilduma toki zoragarri batean jan aurreko baten konpainian ezagutzetik Opera gau bateko esperientziara bitarteko aukera zabala izango du: belaontzi batean geure kosta zoragarriaz eta haren labarrez gozatu xanpain kopa batekin, Errioxako mahastien gainetik igaro globo aeroestatikoan, Urdaibaiko Erreserba eta geure arrantza munduko herriak, mendiak, museoak, bodegak eta abar bisitatu. Finean, Euskal Herriko txoko guztiak.
Bada modurik, zeure ustez, Euskadi bezalako leku bat ezagutzeko, paisaia historia, kultura, ohiturak eta sukaldaritzarekin batu gabe?
Inola ere ez. Euskadi ez da paisaia hutsa, ez da sukaldaritza hutsa… askoz gehiago da. Guzti horren bateratzeak egiten du berezi. Kulturaren eta sukaldaritzaren paradisua da, historia zirraragarri eta kultura berezia duena. Abangoardiara moldatu gara geure muinari eutsiz, ohitura eta modernotasunaren arteko elkarketak bisitariak liluratu eragiten ditu. Ez dira inoiz erroak ahaztu behar, betiere aurrera begira goazela.
Nori zuzentzen zaizkio Basque Voyages-en zerbitzuak?
Zerbitzuak bidaia-agentziei eta bezeroei zuzenduta daude, gehienak atzerritarrak. Agentziek esperientziak saltzen dituzte jatorrizko herrialdean eta nire zerbitzuak eskaintzen zaizkie bertoko enpresa gisa. Adibidez, oraintxe, japoniar turisten aldeko apustua egin dut. Euskadi gero eta urrunago eraman behar dugu.
Zure zerbitzuak kontratatu eta Basque Voyagesen esperientzia bizi nahiko banu, nora jo beharko nuke informatu eta erreserba hartzeko?
Webgunea www.basquevoyages.com da, eta telefono zenbakia +34 644 782 689. E-maila contact@vasquevoyages.com da.
Non ikusten duzu zeure burua bost urte barru? Esperientzia herrialdeko beste leku batzuetan eskaintzea bururatu zaizu?
Urrunegi ikusten dut, bost urte denbora asko baita. Luzera begirako proiektua da hau, nire bizimodua izan bedi nahi dut. Bezero fidelen sorta nahiko nuke, eta erbesteko agentzien bertoko enpresa erreferentzia izan. Ez dago etorkizuna jakiterik, baina argi eduki behar da gauza bat: aulkia egin aurretik asmatu zuenak, bere buruan sortu behar izan zuen.
