SATIINSek adimen artifiziala erabiltzen du ekipo-ondasunen mantentze prediktiborako, parametro elektrikoetan oinarrituta
Grupo GAES talde gipuzkoarrak 70 urte baino gehiago darama berrikuntzaren alde egiten. Joan den mendeko 50eko hamarkadan sortu zen, eta, gaur egun, osagai eta sistema mekaniko industrialen esparrura bideratutako zerbitzu eta soluzio teknikoak eskaintzen ditu. Horregatik, sektoreko erreferenteetako bat dela uste da. Arrakasta hori lortzeko, kudeaketa logistikorako, ekipamendurako, makineriarako, esperientziarako eta, batez ere, taldearen lanbide-prestakuntzarako tresna eraginkorrak konbinatu ditu, 100 pertsonak baino gehiagok osatzen baitute, eta produktuetan eta aplikazioetan soluzio egokiak ematen baititu.
Iñigo Gabilondo kudeatzaileak adierazi duenez, “gaur egun Grupo GAES hainbat zentrok (sozietateak edo ordezkaritzak) osatzen dute, eta horien arduradunek kudeaketa estrategikoan eta eguneroko kudeaketan parte hartzen dute”.
16 instalazio ditu Penintsula osoan zehar, eta horrek, gerentearen arabera, aukera ematen dio “edozein motatako prozesuak arintzeko: arazoen konponbidea, tratamendu espezializatuak edo gure bezeroek behar duten material-hornidura. Hori, beste faktore askoren artean, merkatuko liderrak diren gure hornitzaile estrategikoei eta gure bezeroek, gure sail teknikoak eta muntaketa- eta mekanizazio-tailerrek emandako konfiantzari esker lortu genuen”.
Enpresaren jarduera produktuaren bost ildo nagusitan oinarritzen da: errodadura, transmisioa, motorreduktoreak, mugimendu lineala eta mekatronikoa. Gainera, enpresa doitasun-mekanika garatzeko ahaleginetan zentratzen ari da, Kofon enpresaren doitasun handiko erreduktoreak bezalako produktuak txertatuz.
Akatsak saihestea eta kostuak murriztea
“Gure enpresaren etorkizunerako proiektu estrategiko gisa, hurrengo hau aukeratu dugu: mantentze prediktiboa, hau da, erabiltzaileari bere sistemetan akatsak prebenitzen eta eguneratuta egoteko aukera ematen dion zerbitzua. Horretarako SATIINS soluzio propioa erabiltzen dugu, kostuak aurreztuz datuak atzemateko eta aztertzeko”, adierazi du Iñigo Gabilondok.
Tresna hori gai da bezeroen transformazio-zentroei eta koadro elektrikoei buruzko datuak etengabe lortzeko; hala, industria-planten kontsumo elektrikoaren alderdi globalak monitorizatzen ditu, eta bezeroei aurrezpen handiak ematen dizkie, bai eta instalazioaren eragiketaren ezagutza handiagoa ere, eta edozein gorabeheraren aurrean alarma-sistema baten bidez ohartarazten du. “Neurri handi batean, ACIDE proiektuari esker garatu ahal izan da soluzio hau”, aitortu du.
Hala, 2019az geroztik, enpresa ACIDE proiektuan murgilduta dago. Proiektu horren helburu nagusia da industria-prozesuak monitorizatzeko eta optimizatzeko datu-analisietan oinarritutako soluzioak garatzea. Grupo GAESek Euskabearekin parte hartzen du SPRI Taldearen Hazitek programaren bidez, Vicomtech ikerketa-zentroaren laguntzarekin.
ACIDE proiektuaren helburua anomaliak garaiz detektatzea ahalbidetuko duten ereduak eta algoritmoak diseinatzea, ezartzea eta integratzea da. Adimen artifizialeko algoritmoetan oinarritutako tresna teknologikoak garatu nahi dira, ekipo-ondasunen mantentze prediktiborako parametro elektrikoetatik abiatuta. “Gaur egun garapen prozesuan dago. Baina proiektuan parte hartzeak berrikuntzaren aldeko gure apustu garbia erakusten du”, azpimarratu du kudeatzaileak.
SPRI Taldeak euskal enpresen I+G bultzatzen du, tresnekin, aktiboekin, laguntzekin, lantalde eta aliantzekin, ikerketa sustatzeko eta teknologia berriak sortzeko. Hori dena Elkartek, Emaitek edo Hazitek bezalako programaren bidez lortzen da, eta horien informazioa hemen dago eskuragarri.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu