Proelek hazi egin da, sektore guztietan zirkuitu elektronikoen eskaria handitu delako
Bi hamarkada zirkuitu elektronikoak egiten. Denbora horretan, Proelek enpresak bere zerbitzuak EMS (Electronic Manufacturing Services) gisa eskaini ditu ekipo elektronikoak diseinatu, muntatu eta fabrikatzeko, hala nola SMT teknologia, THL, tropikalizatua, mihiztadurak, test funtzionalak edo fireware grabazioa.
Irungo enpresak ez du produktu propiorik: “bere produktuetan elektronika behar duen edozein sektoretako bezerorentzat fabrikatzen dugu, eta, gainera, aholkularitza-zerbitzua ematen dugu”, azpimarratu du Javier Vicente Espiga Proelek enpresako CEOak. Eta fabrikazio elektronikoko zerbitzuaren jarduera garatu ahal izateko, “ekoizpen-bitartekoen mailan abangoardian gaude; azken belaunaldiko makinetan etengabe inbertitzen dugu, gure sektorea beti eboluzionatzen baitago”, nabarmendu du konpainiaren ordezkariak.
Zirkuitu elektronikoak, gorantz
Gainera, 20 urte hauetan, lan egiteko sektore berriak batu ditu, eta bere zirkuitu elektronikoen eskaria handitu da. “Pixkanaka-pixkanaka, sektore guztiek elektronika erabiltzen dute haien produktuetan, eta gure zerbitzuak behar dituzte”, esan du Vicente Espigak. Horregatik, nazioarteko bezeroak ditu: IOT, argiztapena, sarbideen kontrola, berriztagarriak, kontsumo eta industria elektronika, ‘smart city’, ‘smart water’, nekazaritza edo mugikortasuna.
Sektore guztietan elektronikak izan duen hazkundearen ondorioz, Proelek enpresako plantilla, gaur egun 40 pertsonatik gora dituena, “urtero hazten da gure jardueraren hazkundearen ondorioz”, dio Javier Vicentek.
Enpresa gipuzkoarrak batez ere enpresa nazionalekin egiten du lan, “baina fabrikatzen dizkiegun produktu gehienak esportatzen dituzte. Esan genezake Proelekek fabrikatutako elektronika dagoela mundu osoan zehar“, ziurtatu du CEOak.
Iaz euskal enpresak 7 milioi euro baino gehiago fakturatu zituen. “Azken urteotan etengabe hazi gara, eta hori egiten jarraitzea aurreikusten dugu, sektore guztietan produktuetan elektronika sartzeko joeragatik”, aurreratu du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Euskocam System S.L.-k elektrohigadurarako grafitozko soluzioak eskaintzen ditu
Elorrioko enpresak elektrohigadurarako grafito-elektrodoen diseinuan eta fabrikazioan zerbitzu integrala eskaintzen du, berrikuntzaren eta iraunkortasunaren aldeko apustu argiarekin.