Plastikozko pieza jasangarriak fabrikatzeko berrikuntzaren aldeko apustua egin du Viplastica enpresak
Viplastica Gasteizen kokatuta dagoen enpresa bat da, injekzio bidez plastikozko pieza teknikoak fabrikatzen dituena. Enpresak 50 urte baino gehiagoko ibilbidea du, eta, hasieran, putz-prozesua eta bakelita ere lantzen zituen, baina denborarekin fabrika plastiko-injekzioan bakarrik espezializatu zen. Gaur egun, 18 langile ditu, eta 2019tik aurrera, enpresa bere prozesuen modernizazio orokorrean murgilduta dago, 4.0 industriaranzko eguneratzearen bila.
“Bezero bakoitzak bere beharretara egokitutako berariazko produktuak eskatzen dizkigu; beraz, gure indarra bezero jakin baten beharretara egokitzeko gaitasunean dago. Plastiko teknikoak injektatzen ditugu, hala nola akabera estetiko handiko poliamidak, beira-zuntzez erresistenteak diren plastikoak, larrialdiko argiztapenerako suaren kontra babesteko plastikoak, elikagaietarako plastiko konpostagarriak eta biodegradagarriak… Hori guztia bezero bakoitzak behar dituen ezaugarrien eta gaitasunen arabera”, dio Jon Ortega Murgak, Viplasticako administrazio-zuzendariak.
Plastikoaren eremuan piezak merkeak direnez eta garraioaren kostua produktuarena bera baino handiagoa izan daitekeenez, Viplasticaren bezeroak lokalak izaten dira gehienbat, adibidez, Mercedes Benz Gasteiz. Enpresak produktu gehien saltzen dituen sektoreak automozioa, elikagaien ontziak eta kapsulak, makina-erreminta, elektronika eta etxetresnen-sektorea dira.
Prozesuen berrikuntza funtsezkoa da enpresako ordezkarientzat. “Berrikuntza beharrezkoa da lehiakorra izateko. Izan ere, produktuek prezio merkeak dituzten merkatu batean, zentimo batengatik proiektu osoak galdu daitezke”. Gainera, jasangarritasuna funtsezko beste faktore bat da Viplasticarentzat. “Gizarteak produktu ekologikoak eta ‘green’ produktuak eskatzen dizkie gure bezeroei, eta gure bezeroek guri. Plastiko birziklatuak, konpostagarriak edo biodegradagarriak eskaintzea eta, ahal den neurrian, gure aztarna ekologikoa murrizten saiatzea funtsezkoak da, eta kontzientzia handian duen gizartean arrakasta izateko”, nabarmendu du Jon Ortegak.
Gainera, enpresa Tecnalia zentro teknologikoarekin elkarlanean aritu ohi da hainbat proiektutan, probak egiten molde-prototipoekin. SPRI Taldearen laguntza ere jaso du, Hazinnova programaren bidez. Etorkizunari begira, Viplasticak bere materialen berrikuntzan inbertitzen jarraitu nahi du, batez ere elikagaien sektorean. Gainera, ohiko eremutik kanpo bezeroak erakartzeko plana du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa