“Orain badakigu zer egin behar dugun merkatu berri batean sartzeko” Jesús Ángel Bravo, Appsamblea-ko zuzendari nagusia
Appsamblea tresnak aukera ematen die tamaina guztietako antolakundeei bozketa digitalak fidagarritasun osoz egiteko. “Lainoan oinarritutako teknologia bat da, aurrez aurreko botoen pareko bermea eskaintzen duena blockchain sistemari esker” azaldu du Jesús Ángel Bravok, startup-aren zuzendari nagusiak.
Konponbide horrek oso harrera ona izan du Estatuan, eta nazioartean zabaltzea zen enpresaren hurrengo urratsa. Horregatik, Hazinnova programa ezagutu zutenean, huraxe aprobetxatu zuten nazioartekotzearen erronkari aurre egiteko, eta eskaera bat aurkeztu zuten Merkatu Berrien arloan. “Merkatu berri batean sartu nahi baduzu, lehenik eta behin, balizko bezeroak ezagutu behar dituzu” azaldu du Jesús Ángel Bravok, “maila lokalean erraza da hori egitea, baina milaka kilometrora bazaude laguntza behar duzu merkatuan sartzeko, eta horixe da Hazinnovak eman diguna”.
Laguntza pertsonalizatua nazioartekotze prozesua hasteko
Hazinnova aholkularitza espezializatuko doako zerbitzu bat da, euskal ETEei berrikuntzako mikroproiektuak abiarazten laguntzen diena. Appsamblea-ren kasuan, enpresak jakin nahi zuen zein zen merkatu aproposena bere zabalkundea abiatzeko. Aholkularitzarekin batera eginiko lanari esker, lantaldeak gogoeta estrategiko bat egin zuen, merkatu aproposena aukeratu zuen eta, azkenik, merkatu hartara hurbildu zen proiektu pilotu bat garatuz.
Aholkularitzak eta enpresak erabaki zuten Mexikoko merkatua aztertzea, batetik tresnaren oinarri idiomatikoa aprobetxatzeko eta, bestetik, garapen potentzial handia duelako. Aholkularitzak Mexikon dituen konexioak oinarrizkoak izan ziren prozesuan. “Test bat egin genuen Mexikoko ETE eta enpresekin merkatua heldua ote zen jakiteko” adierazi du Appsamblea-ko zuzendari nagusiak.
Emaitzak proiektuaren 3 hilabeteko garapenaren ostean
Appsamblea-ko lantaldeak euren tresnan interesa izan zezaketen Mexikoko enpresen kontaktu zerrenda bat lortu zuen, eta feedback-a jaso zuen, bai tresnaren funtzionaltasunari buruz, eta bai bertako merkatuko egokitasunari buruz. Hazinnova-rekin batera bultzatutako proiektuaren bitartez, lantaldea harremanetan jarri da orobat enpresaren nazioarteko zabalkundean lagungarri izan daitezkeen bazkide potentzialekin.
Gainera, startup-ak aipatu du biziki garrantzitsua dela merkatuaren analisia egitea zabalkundeari ekin baino lehen. Izan ere, urrats horri esker arriskuak minimizatzen dira eta aukera gehiago dago merkatu berri batean arrakasta izateko.
50 aholkularitza-ordu espezializatu konponbide onena aurkitzeko
Hazinnova doako aholkularitza eta laguntza zerbitzu bat da, 10 langile edo gehiago dituzten euskal enpresei zuzendua dagoena. Programak laguntza ematen du enpresaren beharrizan zehatz bati erantzungo dioten berrikuntzako mikroproiektuak garatzeko. Horretarako, ETE onuradunek 50 aholkularitza-ordu espezializatu jasotzen dituzte eta hurbileko Hazinnova agente baten laguntza dute prozesu osorako. Programaren helburua da enpresak bere lehiakortasuna hobetzera bideratutako emaitza ukigarriak lortzea 3 hilabeteko garapenarekin. Gainera, prozesu hau bereziki diseinatuta dago ez dadin izan karga administratibo gehigarri bat enpresarentzat.
Jesús Ángel Bravo, Appsamblea-ko zuzendari nagusiak azaldu duen bezala, “Hazinnovak tresna-multzo bat eskaintzen dizu, eta zeuk erabaki behar duzu tresna horiek nola aprobetxatu”.
Jesús Ángel Bravo, eskerrik asko zuen denboragatik eta zuen esperientzia gurekin partekatzeagatik!
Bideo honetan lehen eskutik jakingo duzu nolako esperientzia izan duen Appsamblea enpresak Hazinnova programan:
Lotutako albisteak
Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”
Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Amazinglers: “Gazteek TikTok bidez lana bilatu eta aurkitu ere egiten dute, eta horretara egokitu behar gara”
Igone Ruiz de Azua arabarrak sortutako startupak gazteak enpleguekin eta praktikekin konektatzen dituen plataforma bat baino askoz gehiago izan nahi du; talentu bila enpresei aholkuak ematen dizkien eta belaunaldi berrien potentzialaren aldeko apustua egiten duen komunitatea.
Alterity, robotika mugikorrarentzat eta mugikortasun elektriko arinarentzat bateriak fabrikatzen dituen enpresa bizkaitarra
Elkarteak SPRI taldearen nazioartekotze-programaren laguntza bat jaso du, eta bezeroak ditu jada Italian, Suitzan eta Herbehereetan
Sariki, metrologian liderra den ETEa: “BIND SMEk zure erronketarako soluzioak dituzten startupekin konektatzen zaitu”
Gipuzkoako ETEak 40 urte beteko ditu 2025ean, eta BIND SMEren, Eusko Jaurlaritzak sustatutako eta startupekin berrikuntza irekian jarduteko programaren, 2. edizioan parte hartu zuen
Novaut, blog batetik jaio zen marketplace industrialaren finkapena
Merkatuan bost urte daramatza, eta Arabako enpresak lortu du bere lekua egitea ordezko pieza kritikoen sektoreko erraldoien artean
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.