Luse Ingeniería: “Gure ekoizpen prozesuak eta kudeaketa pertsonala eraldatzen lagundu digu Hazinnovak”
Luse Ingeniería enpresak soluzio robotizatuak garatzen ditu sektore farmazeutikorako, zehazki baliabideak biltegiratzeko eta kudeatzeko. Robotizazioarekin aurretik farmazia sektorean esperientzia izan ostean, enpresaren bi sortzaileek, Rafael Luquinek eta Hector Secok, haren potentziala ikusi zuten, eta haren aldeko apustua egitea erabaki zuten. “Farmazien beharrak ezagutu genituen ikerketa baten ondoren. Beraz, hutsetik produktu berri bat garatu nahi izan genuen, une hartan zeuden merkatuko aukeretatik bereiziz, eskaintzen dugun pertsonalizazioari esker”, adierazi dute.
Gaur egun, 33 langile ditu enpresak, Barakaldoko egoitza nagusian eta Andaluzian, Galizian, Bartzelonan, Madrilen eta Valentzian dauden teknikarien beste ordezkaritza batzuetan banatuta. “Jarduera sektore farmazeutikoan zentratu dugu, nahiz eta beste sektore batzutan ere lan txikiak egitea espero dugu gure kudeaketa eta biltegiratze teknologia ezartzeko. Izan ere, beste industria, ehungintza, optika… sektoreren batetik proiektuak planteatu dizkigute”, azaldu dute sortzaileek.
“Negozioaren ikuspuntutik, onurak ugariak dira, baina garrantzitsuenak, lokaleko edo lehenengo solairu edo sotoetako espazioaren aprobetxamendu fisikoaz gain, produktuen kudeaketa logistikoa da; iraungitzeen eta produktuen errotazioaren kudeaketa eta gainbegiratzea, eskaerak jasotzea, eta stocken optimizazioa, stock optimoak eta minimoak konfiguratzeko tresnen bidez, enkarguak eta ordezko generikoen banaketa”, nabarmendu dute Luquinek eta Leckek.
SPRI Taldearen Hazinnova programan hainbat aldiz parte hartu du Lusek bere ibilbidean. “Produktua berritzeko bi proiektu egin ditugu, barne-prozesuak berritzeko beste bat eta finantza-kudeaketako beste bat. Guztiak esperientzia ona izan dira, eta gure egungo funtzionamenduan txertatu diren aldaketak sustatu dituzte kudeaketan; beraz, une honetan, berriro ere, Hazinnovako beste bi proiektu egiten ari gara, bat ekoizpen-prozesuaren arloan eta bestea langileen kudeaketaren arloan”.
Enpresak hazkunde prozesuan jarraitzen du, sortzaileek nabarmendu dutenez. “Urtea langile gehiagorekin ixteko asmoa dugu, gure planei aurre egin ahal izateko, robotak eta zerbitzu teknikoa ezartzeko eremu berriekin lurralde-hedapena areagotuz. Gainera, robotizazioaren osagarri diren zenbait garapen teknologiko oso onartuak ditugu, robotaren funtzionalitateak osatzeko eta farmazien kudeaketan zentratuta, adimen artifizialeko algoritmoen eta mezularitza pertsonalizatuko zerbitzuen bidez, sektorearentzako eskaintza teknologiko handiagoa izateko. Eta sektore eta herrialde berrietan proiektuak gauzatzeko asmoa ere badugu”.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Laura Ovies (EIT Community): “Euskadi eta beste eskualde batzuk beren garapen berritzailerako aliatu estrategiko gisa har gaitzaten nahi dugu”
Zamudion lan egiten du, eta EIT Community Hub Spain erakundeko arduraduna funtsezkoa da tokiko eragileak kontinenteko berrikuntza ekosistema handienarekin lotzeko, Berrikuntza eta Teknologiaren Europako Institutuarekin (EIT).
Abuelo Actual, bi hamarkada adinekoen etxeak oztoporik gabeko espazio bihurtzen
Bizkaiko Silver Economy-ko Enpresen Gidaren parte da eta Nagusi Intelligence Centerrek bultzatu du, Foru Aldundiaren proiektu estrategikoak.
Moldes Ura enpresak berrikuntzaren alde egin du lehiakorra izaten jarraitzeko
Zamudion kokatuta, automobilgintza sektorerako injekzio eta konpresio moldeak ekoizten ditu enpresak, eta duela gutxi SPRI Taldearen Hazinnova programan parte hartu du.
Makegik retrofitting industrialaren aldeko apustua egin du, nazioarteko hedapenerako bide gisa
Makina-erreminten eguneratzean espezializatutako enpresa gipuzkoarra merkatu aeroespazialean oinarritutako lan-ildo berriak garatzen ari da.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.