Lancorrek haren kudeaketa-eredua eta industriako bikaintasuna aitortzen duten nazioarteko bi sari lortu ditu
Urtean 60.000 motor inguru ekoizten dituen Lancor, altxatzeko motor elektrikoen fabrikazioan Europako liderra Bizkaiko enpresari nazioarteko bi sari eman dizkiote. Berrikuntzarekin, kalitatearekin eta pertsonekin duen konpromisoa ziurtatzen duten aitortzak.
Horrela, ZeroDX Award lortu du, Txinako Haier Fundazioak emana —bezeroekin, kolaboratzaileekin eta gizartearekin harremana errotik eraldatzen duten elkarteak bereizten ditu—. Sari honek Lancorrek azken urteotan garatu duen lankidetzako eta parte-hartzeko kudeaketa-eredua aitortu du, gertutasunean, berrikuntzan eta konpromiso sozialean oinarritua.
Eredu horretan bezeroa prozesuaren zati aktibo da eta barne taldeak ahotsa, ardura eta helburua ditu. Eraldaketa hori NERGroup taldearen laguntzak eta inspirazioak egin du posible; haiekin Lancorrek «Harremanen Estilo Berri bat» partekatzen du, eta hori giltzarria izan da nola antolatzen den, nola erlazionatzen den eta produktutik harago balioa nola sortzen duen birpentsatzeko.
Gainera, Elevator World aldizkari espezializatuko Ellies Europe Awards sarietan hautatu eta saritu dute Lankor, «Best Supplier – Motors» kategorian. Sari entzutetsu horrek altxatzeko sektoreko Europako enpresak errekonozitzen ditu, hauekin konpromisoa izateagatik nabarmentzen direnak: berrikuntza, kalitatea, pertsonak eta eragin positiboa inguruan. Sari horren entrega Interlift 2025 Azokaren esparruan egin zen Nurembergen (Alemania), Lancorrek bere SILA produktuen gama osoa aurkezten baitu bertan.
Lancorrez gain sektoreko Europa osoko erreferente handiak hautatu zituzten, eta horretaz harro dago talde osoa. Sektoreko erreferente gisa posizionatzen da % 100 Europakoa den produktu batekin, Bizkaian eginda mundurako. Eta hori une bereziki adierazgarri batean: kooperatiba honen 82. urteurrena, beti abangoardian motor elektrikoen sektorean, presentziarekin hainbat sektoretan eta aitzindari izanda altxatzearen esparruan.
