Industriako sei kooperatibak Batera bultzatu dute, esfortzuak batu eta modu kolektiboan lan egiteko

Arabako industria-ingurunean esfortzuak batzeko eta elkarlanean aritzeko sortu da duela gutxi Batera Koop, Arabako sei industria-kooperatibak eratutako elkartea, eta Konfekoop eta Laboral Kutxa erakundeen laguntzarekin ikusi du argia. Helburua?  Lurraldeko egitura ekonomikoa eta soziala indartzea eta «esfortzuak batu eta era kolektiboan lan egiteko» helburu sendoa finkatzea, adierazi du Koldo López de Roblesek, kooperatiba horietako baten (UDAPA) ordezkariak.

Nork osatzen dute Batera?

BATERA Arabako hainbat nitxotako sei industria-kooperatiben elkarlanetik sortu da, eta horien artean daude UDAPA, RPK Group, i+Med, Loramendi, Aurrenak eta Goros.

Zergatik batu dira sei kooperatiba horiek martxan jartzeko?

Sei kooperatiba hauek elkartu dira ekimen berriak indartu, partekatu eta garatzeko, kooperatibaren eredua erreferente bihur dadin Arabako lurraldean. Sei kooperatiba, eredu bat, helburu bat: lurraldea eraldatzea, elkarlanean eta batera gauzatzeko eta lan egiteko modu batetik abiatuta. Kooperatiba hauek aspaldidanik zituzten kezka berdinak.

Kooperatiba gehiagorentzat irekitako eredua da?

Bai, zalantzarik gabe. BATERA eredu irekia da. Etorkizunean kooperatiba gehiago batzeko dago diseinatuta. Helburua da sare hau handitzea eta indartzea, proiektuaren balioak eta printzipioak partekatzen dituzten erakunde berriek parte hartzearen bitartez.

Zein dira epe ertainerako helburuak?

Esperientziak eta ideiak trukatzeko eta baterako ekintzak proposatzeko espazio partekatua izan nahi dugu, kooperatibaren eredua erreferente izan dadin ingurunean eragina izan nahi duten pertsonentzat eta elkarteentzat. Ikusarazi nahi dugu kooperatibismoak aukera ematen duela kalitatezko enplegua izateko, elkarrekin indarra egiteko, baita belaunaldi berrien talentua batu eta prestatzeko ere. Eta puntu honetan, gure helburu nagusiak hauek dira: kooperatiben arteko elkarlana indartzea, eragin eraldatzailea areagotzeko; baterako proiektuak sortzea, gizarteko, ekonomiako eta ingurumeneko eraginarekin; eredu kooperatiboaren bitartez gizartea eraldatu nahi duten pertsonak eta erakundeak konektatzea; ezagutza partekatu berria sortzea, ohitura berriak eta egiteko modu berriak; eta kooperatibaren eredua sustatzea aukera jasangarri, demokratiko eta eraldatzaile gisa.

Nola funtzionatzen du elkarteak?

Elkarlanean egiten da lan. Kooperatiba guztietan presentzia duen talde eragile bat dago, eta hark kudeatzen eta diseinatzen ditu elkartearen ildo nagusiak. Era berean, hilabete eta erdian behin elkartzen diren berariazko taldeak daude. Aldira kooperatibetako batean elkartzen dira, gai interesgarriak lantzen dituzte eta askotariko arrakasta-kasuak ikusten dituzte. Bestalde, talde hauek ere badaude: zuzendaritza, marketina, giza baliabideak…

Eta zer ekarpen egiten diote kooperatiben ereduari?

Hainbat balio erantsi ekartzen dizkiogu kooperatibaren ereduari; hala nola kooperatiben arteko elkarlan praktiko eta eraldatzailea, ikuspegi horizontal, inklusibo eta bizkorragoa, egitura tradizionalagoak osatzen dituena; berrikuntza sozialeko eta ekonomikoko gaitasuna elkarrekintzatik; eredu kooperatiboaren ikusgarritasun eta proiekzio handiagoa Euskadiko gizartean eta harago; bultzada bat lurraldean eragina duten proiektu berriak sortzeari; eta talentu berria sortzea.