Hazinnovak zure langileen motibazioa hobetzen laguntzen dizu
Langileen inplikazioa funtsezko elementua da enpresa baten funtzionamendu onerako. Ez badago konpromiso sendorik proiektu komunarekin, negozioa ez da lehiakorra izango eta baliteke lan-giroa zailduko duten gatazkak sortzea. Baina ez da erraza langileen motibazioa handitzea, arazo horrek jatorri asko izan ditzakeelako. Horregatik, garrantzitsua da jatorri horiek identifikatzen jakitea.
Hazinnova programak doako aholkularitza zerbitzu bat eskaintzen du hobekuntzak bultzatzeko enpresaren arlo desberdinetan, eta baita ere pertsonen kudeaketan. Laguntza horren bidez, enpresek berrikuntzako mikroproiektuak jar ditzakete martxan, dela konpromisoa eta motibazioa handitzeko, dela lankidetza hobetzeko edo dela giza taldearen potentzial osoa erdiesteko.
Hobetu ezazu zure antolakundeko pertsonen kudeaketa aditu baten laguntzaz
Hazinnova laguntzek aholkularitza ematen dute berrikuntzako mikroproiektuak bultzatzeko enpresa barruko 8 eremu desberdinetan, besteak beste, logistikan, fabrikazioan, merkaturatzean eta kudeaketan. Pertsonei dagokienez, programak laguntza ematen du lantalde osoaren konpromisoa hobetuko duten konponbide espezifikoak garatzeko.
Hona hemen laguntza programa honen bidez lor daitezkeen hobekuntzetako batzuk:
• Langileen inplikazioa hobetzea.
• Lan-giroa hobetzea.
• Enpresako arlo desberdinen arteko komunikazioa hobetzea.
• Lanpostu bakoitzaren zereginak eta erantzukizunak definitzea.
• Profil eta lanpostu berriak definitzea.
• Egitura lan-eredu berrietara egokitzea, lan presentziala eta urrunekoa uztartuz.
Enpresa bakoitzaren egoerara egokitutako konponbideak
Pertsonen arloari dagokionez, Hazinnova programan parte hartu duten enpresek euren langileen motibazioa eta lan-giroa hobetu dituzte berrikuntzako mikroproiektuei esker. Hona hemen horretarako garatu dituzten konponbide batzuk:
• Lan-giroaren diagnostikoak, langileen asebetetzean eragina duten faktoreak identifikatzeko.
• Lanpostu bakoitzari dagozkion zereginen analisia, enpresaren eta profilen beharrak hobeto lotzeko.
• Langileen premiak eta antolakunde barruan hobetu beharreko puntuak identifikatzea.
Proiektu hauen helburu nagusia da enpresaren lehiakortasuna hobetzea pertsonen kudeaketa hobetuz antolakunde barruan.
Zer eskaintzen du Hazinnovak?
Hazinnova programa doako laguntza eta aholkularitza zerbitzu bat da, berrikuntzako mikroproiektuak bultzatzen dituena. 10 langile edo gehiago dituzten ETEei zuzendurik dago, zeintzuek jarduera-eremu hauetan aritu behar baitute: industria, industriarekin lotutako zerbitzuak, IKTak, logistika edo handizkako merkataritza.
Laguntza horren bidez, enpresa onuradunek 50 aholkularitza-ordu jasotzen dituzte adituen eskutik euren premia identifikatzeko eta konponbide egokiena aukeratu eta martxan jartzeko. Horrez gain, hurbileko Hazinnova agente baten laguntza dute prozesu osoan. Programa honi esker, berrikuntza-prozesuei buruzko ezagutzarik ez duten ETEek mikroproiektu bat bultzatu dezakete dohainik eta modu errazean, eta emaitza ukigarriak lortu 3 hilabetean.
Has zaitez hemendik!
Hazinnova programa interesatzen bazaizu eta bere abantailak aprobetxatu nahi badituzu, ez itxaron gehiago eta bete eskaera inprimakia SPRI Taldearen web orrian. Hortik aurrera, Hazinnova Agente bat esleituko dizugu prozesu osoan lagundu diezazun, eta aholkulari aditu bat ere bai, proiektua ezartzen laguntzeko.
Ezagutu itzazu programa honi esker hobekuntzak lortu dituzten beste enpresa batzuk:
Gogoan izan, Hazinnova ez da:
Soilik plan bat edo azterlan bat prestatzeko, ziurtagiri bat eskuratu edo berritzeko edo konponbide teknologiko bat inplementatzeko laguntza bat. Ados? Baliabide hau bereziki sortu dugu zure negozioak bere onena eman dezan!
Zalantzaren bat? Jar zaitez harremanetan gure BEZEROEN ARRETA zerbitzuarekin: 900 92 93 93 | Hasi oraintxe bertan eta HAZI!!
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa