Euskal enpresek berrikuntzarako laguntzak jaso ditzakete ekainaren 16an pandemiaren osteko eszenatokiari aurre egiteko
SPRI Taldearen “Innobideak” programak 3 milioi euroko aurrekontua du eta, ohiko ildoez gain Lehiabide, Pertsonak eta Kudeabide, bere baitan hartzen ditu antolakundeen jarraipena definitzen laguntzeko talka-planak
SPRI Taldeak laguntza-deialdi bat irekiko du asterartea 16an euskal enpresek berrikuntza aplikatu dezaten negozio-prozesuetan, eta aurre egin diezaieten horrela Covid-19aren pandemiak sortutako eszenatokiei. “Innobideak” programak 3 milioi euroko aurrekontua du euskal enpresek -batez ere ETEek- lehiakortasunari eutsi diezaioten, berrikuntza-proiektuak finantzatuz helburu hori lortzeko.
Hala, “Innobideak 2020” programak hiru laguntza-neurri berri ditu: antolakundeen jarraipena definitzeko talka-planak egin eta ezartzeko laguntza; kudeaketako eta jabetzako ondorengotza planifikatzeko proiektuak; eta, azkenik, 4.0 industriaranzko eraldaketan beharko diren profil profesionalak identifikatzeko eta lehenesteko ekintzak.
“Innobideak” programak hiru laguntza-ildo ditu, aldaketa sustatzera bideratuak: INNOBIDEAK-Lehiabide (Talka-planak, Negozioaren Jarraipen- edo Berrabiarazte-Planak, negozio-eredu berrien garapena, berrikuntza proiektuak, tamaina handitzeko proiektuak eta enpresa trakziogileen eta beren hornitzaileen artean lankidetza garatzeko proiektuak), INNOBIDEAK-Pertsonak (langileen enpresako parte-hartzea sustatzeko proiektuak) eta INNOBIDEAK-Kudeabide (enpresen kudeaketa hobetzeko proiektuak).
Covid-19aren osteko eszenatokiko ekintzak garatzeko laguntza-neurriak Lehiabide ildoaren bitartez finantzatuko dira. Bestalde, Pertsonak ildoan ere badira berritasunak, esaterako, enpresaren ondorengotza prestatzeko proiektuak eta enpresaren eraldaketa digitala ahalbidetuko duten 4.0 profilak sustatzera zuzendutako ekimenak.
“Innobideak” programak 3 milioi euroko aurrekontua dauka, eta itzuli beharrik gabeko dirulaguntzen bidez banatuko du aurrekontu hori. Hala, proiektu bakoitzaren profilaren arabera, ematen den finantzaketa programaren araudiak subentzionatutako gastuen %60rainokoa izan daiteke. Lehiabide ildoan 50.000 eurorainoko laguntzak eman daitezke bakarkako proiektuentzat eta 100.000 eurorainokoak lankidetzan eginikoentzat. Pertsonak ildoari dagokionez, proiektu bakoitzak 50.000 eurorainoko laguntzak jaso ditzake eta Kudeabide ildoan, gehienez 25.000 eurokoak.
Innobideak programaren onuradun izan daitezke 10 langiletik gorako ETEak, antolakuntzako aldaketekin zerikusia duten kudeaketako hobekuntza-proiektuak egin nahi dituztenak eta neurri berritzaileak aplikatu nahi dituztenak, baina horretarako laguntza profesionala eta ekonomikoa (laguntza honen funtsezko alderdiak) behar dutenak. Beraizik zuzentzen zaie industria arloko ETEei, aurrekoen produkzio prozesuekin lotutako zerbitzu teknikoak eskaintzen dituztenei eta informazioaren gizarte eta komunikazio arloetakoei. Laguntza hauen jasotzaile izan daitezke, baita ere, diseinu industrial, ikus-entzunezko, bideo-joko, moda eta logistika sektoreetako enpresak.
Innobideak programaren deialdia bihar irekiko da eta datorren irailaren 24an amaituko.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean