Olga Martín, ACLIMA: “Digitalizazioa funtsezko tresna da Europako Itun Berdeak proposatzen dituen jasangarritasun-helburuen lorpena azkartzeko”
Olga Martin, Aclima Ingurumeneko Euskal Klusterreko zuzendariak adierazi duenez, Covid-19aren osteko indarberritze ekonomikoa ingurumen-iraunkortasuneko irizpideekin iritsiko da. Euskadi prest dago bigarren trantsizio ekologiko baterako beste urrats bat emateko, Martinen aburuz, 2050erako neutraltasun klimatikoa ezartzen duten Europako helburuak lortzeko. Berrikuntza eta digitalizazioa dira hori lortzeko gakoetako batzuk.
Ekainaren 5ean Ingurumenaren Mundu Eguna ospatzen da. Covid-19aren pandemiak bigarren mailan utzi du gai hori edo inoiz baino gehiago indarrean egotea eragin duela uste duzu?
Covid-19aren osasun-krisiak ingurumen-sektorearen garrantzia nabarmendu du. Besteak beste, hondakinen bilketa eta tratamendua, ura edangarri bihurtzea eta ur sanitarioak araztea funtsezkotzat jo dira gure gizarteak behar bezala funtziona dezan. Gainera, Europan, politika zein enpresa mailan, eredu ekonomiko berri bat sustatzeko beharra dago, printzipio iraunkorretan oinarritutakoa eta ekonomia suspertzeko eragile bihurtu daitekeena.
Zentzu honetan, Acliman ziur gaude Europako Itun Berdearen politikekin bat egiten duen herri-estrategia bat garatzeak, industria-sustapeneko politika aktiboen bidez ingurumen-sektorea bultzatuz, Euskadi Europan ingurumen-teknologian eta zerbitzuen lidergoan jar dezakeela.
Nola heldu dira euskal enpresak Green Deal europar horretara, are gehiago testuinguru ekonomiko berri honetan?
Euskadi, ingurumenaren kudeaketan, eskualde aurreratu gisa aitortuta dago. Aurreko mendeko industrializazioak sortutako ingurumen-inpaktuetatik eratorritako egoera zail batetik hobekuntza nabarmen eta eredugarri batera eboluzionatzen jakin du Euskadik. Dagoeneko, lehen trantsizio ekologiko arrakastatsu bat egin dugu. Gainera, Euskadik industria-sare berritzaile bat du, Green Dealen gidalerroak bere egunerokotasunean txertatzeko gai dena, eskualdea garatzen jarraitzeko eta Europar Batasunak bultzatutako eredu ekonomiko berrira egokitzen jarraitzeko.
Bere bideari ekin dion Klima Aldaketari buruzko legearen ondorioz, gizarte eta ingurumen eredua eta eredu energetikoa aldatuko dira, eta horrek hainbat sektoreri eragingo die. Ildo horretan, zeintzuk dira datozen urteetan Aclimak ikusten dituen erronka nagusiak?
- urtean neutraltasun klimatikoa lortzeko, datozen urteetan ditugun erronkek bi esparrurekin dute zerikusia: energiarendeskarbonizazioaeta ekonomia zirkularra sustatuko duten negozio-eredu berrien garapena.
Energiaren ekoizpena eta erabilera, berotegi-efektuko gasen isurketen % 75 ingurukoa da. Alde horretatik, energia berriztagarrietarako trantsizioa bizkortu behar da, hala nola eolikoa eta eguzki-energia, eta energia-eraginkortasuna sektore ekonomiko guztietan sustatu behar da.
Baina, era berean, gure negozio-ereduak aldatu behar ditugu, eta konponbide zirkularrak erabili behar ditugu. Alderdi hauek landu behar ditugu: produktuen bizitza zabaltzea ekodiseinuaren bidez, mantentze eta konponketa-manufaktura; ekoizpen-zerbitzu sisteman oinarritutako negozio-eredu berrien aldeko apustua egitea, eta materialen berrerabilpena areagotzea, inportazioekiko mendekotasuna murriztea ahalbidetuko duen teknologia berritzaileak ezarriz, euskal industriaren lehiakortasuna areagotuz.
Euskadin industria da nagusi. 4.0 industriaren tresnek erraztuko al dituzte sektorea deskarbonizatzea bezalako helburuak?
Digitalizazioa funtsezko tresna da Itun Berdeak proposatzen dituen iraunkortasun-helburuak lortzeko. Alde batetik, ikusten ari gara gure enpresen prozesuen hobekuntzan digitalizazio, automatizazio eta konektibitate-teknologia berriak sartzen ari direla. Eta, bestetik, antzematen dugu big data, gailuen interneta , sentsorika, robotika, serious games eta abarretan oinarritutako erantzunak dituzten enpresak aplikazio eremu interesgarria aurkitzen ari direla ingurumenean. Aclima lan-talde baten buru da, Basque Environment 4.0. izenekoa, eta esparru horren inguruan lankidetzan berrikuntza-proiektuak bultzatzen ditugu. Hona hemen adibide batzuk: adimen artifiziala duten sentsoreak erabiltzea kudeaketa hidrikoko sistemen artean komunikazio handiagoa izateko eta horniduraren edo edukiontzien segurtasuna optimizatzeko, hondakin mota detektatzen edo betetzen dela ohartarazten duten teknologiak; birziklatze-fasean erabiltzen diren adimen artifizialeko robotak banantze-kalitate handiagoa bermatzeko, besteak beste.
Ekonomia zirkularra eta ekoberrikuntza errentagarriak al dira? Horren truke ordaintzeko prest al gaude, edo ingurumenarekiko eragina duten produktu eta zerbitzuen inguruko kezka inkestetara mugatzen al da bakarrik?
Ekonomia zirkularra paradigma-aldaketa bat da. Adibidez, erabili eta botatzearen kontzeptutik, hondakinak baliabide bihurtzera pasatzea, baliabide horiek mugatuak diren mundu batean gainera. Acliman uste dugu ekonomia soilik errentagarria izango dela jasangarria bada, jasangarritasunak baliabideak denboran zehar erabilgarriak izango direla bermatuko duelako. Beraz, ingurumenarekin lotutako sektoreak, gainerako sektore ekonomikoak eraginkorragoak izatea dakar baliabideen erabileran; klima aldaketaren aurrean izan dezaketen erresilientzian; konpromezua duen talentuaren erakargarritasunean; eta bezero arduratsuenentzat diferentziazioan. Azken finean, lehiakorragoak egiten ditu sektore desberdinak.
ACLIMA Euskadiko kluster-sare oso baten parte da, euskal enpresen arteko lankidetza sustatzeko, lehiakortasunean lortzeko helburuarekin. Ezagutu ezazu sare honen kide izateak dakartzan onurak hemen.
Klusterrak adierazten duen Euskadiko trantsizio energetikoaren funtsezko elementuetako bat euskal enpresen digitalizazioa da, eta SPRI Taldearen helburuetako bat da ere. Talde honek euskal enpresetan hainbat tresna ezartzea bultzatzen du, hala nola big data, ‘machine learning‘, adimen artifiziala, zerbitzuak, laguntzak eta aktiboak dituen marketin digitala, hemen zehazten direnak.
Lotutako albisteak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da