BEC izango da Europako industria adimendunaren topagunea azaroan
Euskadi izango da azaroan Europako industriaren eta ETEen topagunea. Basque Open Industry topaketa, euskal industria adimendunaren topaketarik handiena, azaroaren 13an eta 14an izango da Bilbao Exhibition Centreen (BEC), eta dagoeneko zabaldu ditu bere izen-emateak. Euskadiko manufaktura aurreratuko ekosistemaren heldutasuna erakutsiko du, Europako punta-puntako eskualdeen artean nabarmentzen baita. Topaketa, Basque Industry 4.0-ren erreleboa, nazioartera zabaldu da aurten, European SME Week 2023ren barruan sartu baita. Horrek lehen mailako beste bi ekitaldi ere barne hartuko ditu.
Alde batetik, Enterprise Europe Network-en (EEN) urteroko konferentzia egingo da. Euskadi hasieratik da Europako mila ordezkari biltzen dituen erakunde horren partaide. Bestalde, SME Assembly-k Europako enpresa txiki eta ertainak (ETE) bilduko ditu aste horretan bertan, Bilbo egoitza gisa aukeratu duen urtean behingo topaketan.
Astea Basque Open Industry jardunaldiarekin hasiko da. Eusko Jaurlaritzaren Ekonomiaren Garapen, Jasangarritasun eta Ingurumen Sailak antolatu du SPRI Taldearen bitartez, eta Basque Industry 4.0-ren edizio berritua da. Ekimenak Euskal industria adimendunaren ikuspegi orokorra eta nazioarteko proiekzioa du.
Profil profesional eta sektore guztientzat da jardunaldia, baita abangoardiako teknologien inguruko talentua erakarri eta garatzeko interesa duten guztientzat ere. Estrategia, iritzi, teknologia eta esperientziak bateratzea du helburu, baita ekoizpen-oinarriko ezagutza teknologikoa duen talentuaren eta manufaktura aurreratuko euskal ekosistemaren inguruko harremanak sustatzea ere. Horretarako, egitarauak hitzaldiak, mahai-inguruak eta lantegi praktikoak jasoko ditu.
Edizio berri honek aurreko Basque Industry 4.0-an, 2019an, bildutako arrakastari eutsi nahi dio, 1.880 parte-hartzaile, 130 erakusketari eta ehun hizlari izan zituelarik. Ildo horretatik, aurten, berrikuntza gisa, 15.000 m2-ko erakusketa-gunea izango du eta, bertan, 150 erakusketari baino gehiago egotea espero da; horien artean, startupak, Euskal Zentro Teknologikoen Sareko kideak eta Basque Cybersecurity Center (BCSC), Basque Research & Technology Alliance (BRTA), Adimen Artifizialeko Euskal Zentroa (BAIC) eta Basque Digital Innovation Hub (BDIH) bezalako erakundeak egongo dira.
Erakusketak aukera emango du guzti horien nobedadeak hobeto ezagutzeko eta merkataritza-bideak irekitzeko. Besteak beste, erakusketa-eremuak sektoreko teknologien azken joerak erakutsiko ditu prozesu industrialak optimizatzeko, hala nola, errealitate areagotua, big data, zibersegurtasuna eta robotika kolaboratiboa.
Basque Open Industry ekimenak diziplina anitzeko bokazioa du, eta aberastasun-gunea izatea bilatuko du, manufaktura aurreratuko azken joeren eta sektorean sortzen ari diren aplikazioen zuzeneko behatokia. Programan zehar, hainbat gai jorratuko ditu, adibidez: ingurumen-/energia-trantsizioa eta trantsizio teknologiko eta digitala, ekoizpen-industriarako ikuspegi estrategikoa, zibersegurtasun eta digitalizazio jasangarriko irtenbideak, adimen artifizialaren aukerak, eta talentua eta nazioartekotzea.
Hemen da etorkizuneko industria, zain gaituzu Basque Open Industry-n. Euskal produkzio-sarea indartzeko diseinatutako manufaktura aurreratuko ekosistema baten finkapena aurkezten duen topaketa. Izen-emateko epea zabalik dago.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Txosten estrategikoak, euskal enpresa-sareari automobilgintzako berrikuntza globala hurbiltzeko
Basque Trade & Investmentek sektorearen nazioarteko azoka nagusietako bostetan aurkeztu diren produktu eta teknologiei buruzko informazio zehatza jarri du euskal enpresen eskura
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Euskadi eta Italiako klusterren haien arteko lankidetza indartu dute
Italiako Emilia Romagna eskualdeko klusterrek euskal lurraldea bisitatu dute aste honetan, sektore estrategikoetan balizko lankidetzak esploratu eta ezartzeko asmoz
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.