Auria Solutionsek ibilgailuen zorua eta isolamendua sortzerakoan baztertzen diren plastikoak berrerabiltzearen alde egin du
Automobilgintzaren sektoreak pausoz pauso jarraitzen du ekonomia zirkularraren aldeko apustuan. Honen adibide bat ProTIER proiektua da, ibilgailuen zoruaren eta isolamendu akustiko eta termikoen fabrikaziotik datozen material plastikoak berrerabiltzea helburu duena.
Auria Solutions Vitoria, automobilgintzaren sektoreko fabrikatzaileei zoruak (aurrealdea eta atzealdea) eta alboko panelak hornitzen dizkien TIER-1 enpresa, ekimen honen burua da. Britainia Handiko multinazional honen euskal egoitza Jundizeko industrialdean dago, Gasteizen, eta bere ekoizpenaren %90 Mercedes furgoneta fabrikari bideratzen dio.
Auriak sortzen dituen produktuek plastiko desberdinetako hainbat geruza dituzte, elkarrengandik bereizteko zailak direnak eta, beraz, birziklatzeko momentuan zailtasun handiak dituztenak. Baina fabrikazio-prozesuan bertan errazagoa da birziklatze-prozesua egitea, tamaina handiko plastiko ebakinak baztertzen direnean zabortegira bidaltzeko. Urte oso batean 1.800 tona plastiko bota daitezke.
“Urte asko daramatzagu hondakin gutxiago sortzeko eta materiala berrerabiltzeko bideak bilatzen”, aitortu du Ignacio Azumendi Auria Solutionseko Industrializazio, Segurtasun eta Ingurumen zuzendariak. Arduradun honek ekonomia zirkularrerako irteerak aurkitzeko sektoreak dituen zailtasunak onartzen ditu. Zentzu horretan, prozesuaren une garrantzitsu bat amaieran iristen da: “ur-zurrustaren bidez, material horien kanpoko geruza kentzen da. Izan ere, bertan sortzen da hondakinen % 70a“, azaldu du Azumendik.
ProTIER proiektuak hondakin horien sormena saihestu nahi du, eta lehengaiak berrerabiltzea da bere asmoa. Horretarako, Auria Solutions Gaiker zentro teknologikoaren (BRTA aliantzako kidea) laguntza bilatu du, material horien prestakuntzari buruzko ezagutza ematen baitu (adibidez, hondakinak berrerabiltzeko nola ehotzen diren). Gaikerren laborategietan hainbat aukera eta irtenbide simulatzen ari dira. Proiektu honetan Zicla ingurumen-aholkularitzak ere parte hartzen du.
Proiektuak, gainera, FEDERen funtsen eta Ihoberen laguntza du. Aurtengo otsailean hasi zen ekimena, eta 2020an zehar lan egingo du emaitzak lortzeko –nahiz eta Covid-19aren pandemiak proba batzuetan eragina izan duen-.
ProTIEReko bazkideen ustez, proiektuak erantzun berriak ekarriko ditu. Izan ere, urtero gutxienez mila tona plastiko berrerabiltzea espero da, zoru berriak eta ibilgailuen isolamenduak egiteko bideratuta egongo liratekeenak. Hori lortzeko, baliabideak optimizatu eta materialak zabortegian amaitzea saihestuko duten irtenbide berritzaileak erabiliko dira. Plastiko ebakinei beste irtenbideak ere bilatuko dizkiete balio handiko beste sektore batzuetan, altzarien munduan, adibidez.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.
Lotutako albisteak
BRTA sariek Euskadiko 17 zentro teknologikoren bikaintasunezko ikerketa aitortzen dute
Ikerketaren alorrean ibilbide sendoa duten hiru pertsona eta etorkizun oparoko hiru gazte saritu ditu BRTA aliantzak.
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du