A&B Laboratorios: “Pertsonak dira gure bereizgarria”
José Luis Gutiérrezek amets baten haziak erein zituen duela 20 urte Jundizko industrialdean: jasangarritasunari eta ingurumenari estuki lotutako enpresa kimiko bat sortzea. Bi hamarkada geroago, A&B Laboratorios izenarekin sortu zen asmo-deklarazio hura errealitate sendo bat da, 35 pertsona enplegatzen dituena, bere adarrak 20 herrialdetara zabaldu dituena eta familiaren bigarren belaunaldian dagoena. Patricia Gutiérrezek -fundatzailearen alaba eta egungo zuzendari nagusia- kontu handiz zaintzen du jaso duen ondarea, bizirik jarraitu dezan eta batez ere A&B-ren produktuak eraginkorrak izan daitezen eta ingurumena errespetatuz fabrikatu daitezen. Negoziatu ezinezko baldintza da hori. Horretaz guztiaz mintzatu zaigu Arabako enpresaria SPRI Taldearekin izan duen topaketan.
Zorionez, pandemia ez da hain latza izan zuentzat, oinarrizko agenteen multzoan zaudetelako. Krisia lehertu zenetik urtebete igaro den honetan, zein da zuen azken hilabeteetako balantzea?
Gustatuko zitzaigukeen egoera desberdina izatea, baina hain azkarra eta bortitza izan zen dena, ez genuela izan astirik erreakzionatzeko. Zorionez, lehendik ere ongi ari ginen lanean desinfekzioaren eta gel hidroalkoholikoen arloan, beraz, bageneuzkan Osasun Sailaren berme guztiak. Horri esker, hasierako egoera latz hartan lagundu ahal izan genuen, eta emaitza on samarrekin bukatu genuen urtea.
Zein ikasgai atera duzue esperientzia honetatik?
Atzera begiratuz gero, enpresaren digitalizazioak dakarren iraultza nabarmenduko nuke, gurean pandemia iristearekin batera garatu zena. Beti hor egon da osasunarekin eta ingurumenarekin hartua dugun konpromisoa, baina pandemiak aldatu egin du gure lan egiteko era, hots, bezeroarengana hurbiltzeko eta bezeroa hobeto ulertzeko modua.
Aukera duzuen guztietan adierazten duzue faktore humanoa “negoziaezina” dela zuentzat. Zer esan nahi duzu zehazki?
Aitak beti esaten zuen pertsonak direla gainerako enpresengandik bereizten gaituzten faktorea. Horregatik, beti ahalegindu gara lankideak ongi zaintzen, ia familia bat bezalakoak garelako. Elkar zaindu behar dugu eta egiten duten lana eskertu. Uste dut alferrik izango duzula produktu bikain bat edo enpresa kudeatzaile paregabe bat, ez baduzu zure filosofia, ilusioa eta konpromisoa partekatzen dituen lantalde bat.
Nola lortzen da langile batek enpresaren kamiseta janztea berea balitz bezala?
Aitak maitasun handiz egiten zuen egiten zuen guztia, eta pentsatzen dut horrek izango zuela eragina. Bertute hori esku batean eta lankideekiko konpromisoa bestean hartuta bazabiltza –bizitza osorako lankideak baitira-, erreakzio horixe lortzen duzu. Harreman on guztiak konfiantzan oinarritzen dira, horrela lortu dugu gaur enpresan daukagun guztia.
Hortaz, horretan datza gainerakoengandik bereizten zaituzten balorea?
Lehen mailako oinarri zientifiko eta kimikoa dugu, baita ere sektorean sona handia duen lantalde bikaina, baina gure bereizgarria zer den esan beharko banu, esango nizuke pertsonak direla, 2001ean abentura honi ekin genionetik izan duten gaitasun, inplikazio eta maitasunagatik. Itzulera hori ezin da ordaindu.
Konpainia hau duela 20 urte sortu zen garai hartan apurtzaileak ziren kontzeptuetan oinarrituta: jasangarritasuna, kimika berdea, ingurumena… Gaur esan dezakegu kontzeptu aski ezagunak direla, baina nolakoa izan zen sektorean sartu zineteneko unea?
Hori aitaren lana izan zen, erdia erokeria eta erdia iragarpena. Beti esaten zuen gizaki eta enpresa gisa gure betebeharra zela mundua guk aurkitu dugun baino hobeto uztea, eta horretan oinarrituta garatu zen gure enpresaren eta bere langile guztien filosofia. Grina hark berehala kutsatu gintuen inguruko guztiak, eta itsu-itsu sinetsi genion baietz, posible zela gure sektorearen irudia garbitzea, eta mundu kimikoak ez zuela zertan izan ikuspegi negatiborik. Beti esaten zuen bazeudela kimika egiteko beste modu batzuk, eta natura zela eredutzat hartu behar genuena. Esan dizut, iragarle bat zen.
Eta kontzientzia ekologikoa berezkoa zuen…
Jakina! Eta, gainera, ekonomia zirkularraren aldeko apustua egin zuen gure produktuen fase guztietan, % 80raino murriztuz beste produktu tradizional batzuekiko inpaktua. Filosofia horri eta aitzindari izateari esker, gaur egun, hogei urte igaro direnean, beste enpresa batzuek guri begiratzen digute egiten duguna kopiatzeko, eta oso harro gaude.
Lotutako albisteak
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.
Utilmaik tresna industrial aurreratuak diseinatzen ditu ekoizpen industriala optimizatzeko
Bizkaiko enpresak berrikuntza eta ezagutza teknikoa uztartzen ditu funtsezko sektoreetan mekanizazio-prozesuak hobetzeko, hala nola garraioan, makineria astunean eta aeronautikan.
AVVI laguntzaile birtualak etxebizitzen salmenta eraberritu du, etxeak eraiki aurretik bisitatzeko aukera ematen baitu
Trivima enpresa donostiarrak soluzio berritzaile bat garatu du, salmenta epeak murriztu eta transformazioa areagotzen duen esperientzia interaktiboa ahalbidetzen duena.