Albisteak 24 Azaroa, 2023

Euskal ETEek startupentzako 5 erronka teknologiko aurkeztuko dituzte BIND 4.0 SME Connection-en 3. edizioan

BIND 4.0 berrikuntza irekiko plataformak abian jarri du SME Connection programaren 3. edizioa. Klusterrak dinamizatzeko 5 erakunde eta haien ETEek parte hartu dute, 5 erronka sektorial aurkeztuz.
-
  • 3 urtetan, 35 proiektu berritzaile baino gehiago garatu dituzte 30 startupek, euskal ETEekin lankidetzan
  • Startupek urtarrilaren 10era arteko epea izango dute BIND 4.0 berrikuntza irekiko plataformaren SME Connection programaren hirugarren edizioan inskribatzeko

BIND 4.0 berrikuntza irekiko plataformak abian jarri du SME Connection programaren 3. edizioa, eta deialdi berri bat egin du startup eta scaleupentzat. Ekimenaren helburua da berrikuntza bizkortzea eta Euskadiko industriaren sektoreko ETEak startup disruptiboekiko lankidetzaren bidez eraldatzea. Horretarako, parte hartuko duten ETEek, klusterrak dinamizatzeko erakundeen bitartez, 5 erronka teknologiko planteatu dituzte, eta startupek beren soluzioekin erantzun beharko diete erronka horiei. Inskribatzeko epea 2024ko urtarrilaren 10era arte egongo da zabalik. 3 urtetan, 35 proiektu berritzaile baino gehiago garatu dituzte 30 startupek, euskal ETEekin lankidetzan.

SME Connection programa Eusko Jaurlaritzako Ekonomiaren Garapen, Jasangarritasun eta Ingurumen Sailak SPRI Taldearen eta haren UpEuskadi plataformaren bitartez sortutako BIND 4.0 berrikuntza irekiko plataformaren parte da. Programaren helburua da euskal ETEen digitalizazioa startupekiko lankidetzaren bidez bizkortzea eta, aldi berean, startupak merkatuan murgiltzeko eta Ekintzailetzaren eta Berrikuntzaren Euskal Ekosisteman txertatzeko aukera erraztea.

5 erronka SME Connection programaren hirugarren edizioan

Aurten, klusterrak dinamizatzeko 5 erakundek eta haien ETEek parte hartuko dute, eta 5 erronka sektorial aurkeztuko dizkiete mundu osoko startupei. Klusterrak dinamizatzeko bost erakundeen artean, Aclima ingurumen-klusterra dago, eta honako enpresa hauekin parte hartuko du: Afesa, ingurumen-zerbitzuak eskaintzen dituena; Basoinsa, ingurumen-arloko aholkularitza- eta zerbitzu-enpresa; eta Teknimap, industriari lotutako ingurumen-arloko aholkularitzan eta ikuskapenean diharduena. Bestalde, ekipamenduan, altzarietan eta diseinuan diharduen Habic klusterrak honako enpresa hauekin parte hartuko du: Astigarraga Kit Line, zur trinkoko altzarien fabrikazioan espezializatutako ETEa; Irurena Group, gainazaletarako berniz eta pinturen manufakturan diharduena; eta Algon EMM, altzarietarako osagai metalikoak produzitzen dituen enpresa.

Elikagai eta edarien Basque Food Cluster klusterrak honako enpresa hauekin parte hartuko du: Ameztoi, produktu tradizionalen sukaldaritzan diharduen enpresa; Bodegas Elosegi, ardogintza-produktuak lantzen eta botilatzen aditua den nazioarteko enpresa; Frutas Iru, barazki eta fruten banaketan liderra Kantauri Itsasoko ertzean; Artiach, galleten produkzioan espezializatua; eta Fortaleza, kafearen produkzioan eta merkaturatzean diharduena. Halaber, Eraikune eraikuntza-klusterrak honako hauekin parte hartuko du: Fhimasa, obra zibilaren egikaritzean eta zerbitzuen kudeaketan espezializatua; Zabalandi, eraikuntza, birgaitze eta obra industrialeko proiektuetan diharduena; Gutram, hondakinen kudeaketa integraleko proiektuetan espezializatua; eta DeDiego, obra zibilean eta eraikingintzan espezializatua. Azkenik, manufaktura aurreratuaren sektoreko Uptek izenekoak honako enpresa hauekin parte hartuko du: Talleres Hernani, segurtasun-itxituretan espezializatua; Ona, elektrohigadura-teknologien garapenean aitzindaria; eta LoireGestamp, liderra automobiletarako osagaien garapenean eta fabrikazioan.

Hirugarren ediziorako, klusterrak dinamizatzeko erakundeek 5 erronka aurkeztu dituzte. Zehazki, Aclima klusterraren ETEek lurzoruak eta lurpeko urak ikertzeko aplikazio teknologikoak behar dituzte, landa-prozesuen efizientzia hobetzeko. Habic klusterrak eta haren ETEek, berriz, produkzio-linea guztien eta bertako makinen datuak era homogeneoan atera, biltegiratu eta monitorizatu nahi dituzte, haien adimena handitzeko. Bestalde, Basque Food Cluster izeneko klusterraren ETEek fabrika bateko elementu guztiak konektatzeko eta datuak biltegiratu eta kudeatzeko soluzioak nahi dituzte. Uptek-en kasuan, ETEek beren makinen datuak produkzio-instalazioetan integratu nahi dituzte. Azkenik, Eraikune klusterraren ETEek eraikuntza- eta eraispen-hondakinen kudeaketa eta tratamendua optimizatzeko erronka aurkeztu dute, obra-prozesuen zirkulartasuna eta materialen trazabilitatea handitzeko helburuarekin.

Hiru edizio ETEak eraldatzen eta startupak bizkortzen

SME Connection programaren 3. edizioa aurreko edizio arrakastatsuen ondoren egingo da. Edizio horietan, 30 startupek 35 proiektu berritzaile garatu dituzte, euskal ETEekin lankidetzan. Izan ere, SME Connection inflexio-puntu bat da parte hartzen duten ETEentzat, startupekiko lankidetzari esker 4.0 industriaren garapenari lotutako erronka berriei erantzun baitiezaiekete eskuragarri ez dituzten teknologia aitzindariak aplikatzearen bidez. Horren bidez, lehiakortasun handiagoa lortzen dute merkatuan.

Startupentzat, beren soluzioak enpresa erreal batean balidatu eta beren proiektuak Euskadiko industriako berrikuntza-ekosistema finkatuan garatu ahal izatea aukera handia da agerikotasun handiagoa eta merkaturako zuzeneko sarbidea lortzeko.

Zehazki, aurreko edizioan 18 startupek 20 proiektu garatu zituzten, euskal ETEekin lankidetzan. Proiektuetan aplikatutako teknologien artean, adimen artifiziala, big data, zibersegurtasuna eta IoT-a nabarmendu ziren.

SME Connection programa BIND 4.0 berrikuntza irekiko plataformaren parte da. Plataforma horrek 3 programa eskaintzen ditu startupentzat: BIND 4.0 Acceleration Program, startupekin berrikuntza-proiektuetan diharduten 70 enpresa lider biltzen dituena; SME Connection, startupak eta ETEak konektatzen dituena; eta BIND 4.0 GovTech, startupekin eta berrikuntza-proiektuen bidez euskal sozietate publikoen digitalizazioa bultzatzen duena. Programa horien bidez, BIND 4.0 plataformak 200 startup baino gehiago bizkortu eta 310 proiektu berritzaile baino gehiago garatu ditu. 

Lotutako albisteak

Eusko  Jaurlaritza  sozietate  publikoen  digitalizazioa  hobetzeko  soluzio  berritzaileak  dituzten  startupen  bila  dabil
15/07/2025 Up Euskadi

Eusko Jaurlaritza sozietate publikoen digitalizazioa hobetzeko soluzio berritzaileak dituzten startupen bila dabil

BIND GovTech ekimenaren hirugarren deialdia abuztuaren 4ra arte egongo da zabalik. 

Lemoizko  zentral  zaharraren  inguruko  lurretan  aparkaleku  publiko  bat  egitea  aztertzen  ari  da  SPRILUR
14/07/2025 SPRILUR

Lemoizko zentral zaharraren inguruko lurretan aparkaleku publiko bat egitea aztertzen ari da SPRILUR

200 ibilgailu arteko aparkaleku publikoa egitea bideragarri ote den jakin nahi du Sprilurrek, Lemoizko Udalarekin egindako akordio eta konpromisoei erantzunez

Eusko  Jaurlaritza  aurrera  doa  Fundifes  orubearen  berreskurapenean,  modu  berritzaile  eta  iraunkorrean,  Durangoko  Udalarekin  lankidetzan
11/07/2025 SPRILUR

Eusko Jaurlaritza aurrera doa Fundifes orubearen berreskurapenean, modu berritzaile eta iraunkorrean, Durangoko Udalarekin lankidetzan

Jarduera aitzindaria da, onddoekin mikorremedia bezalako teknologia jasangarrietan oinarritua.

Barakaldoko  Burtzeña,  Erandioko  Plaiabarri  eta  Santurtziko  Etxeuli  proiektuak,  aurtengo  lehen  seihilekoan  eta  33  milioi  euroko  balioarekin,    Eusko  Jaurlaritzak  Sprilurren  bidez  lizitatutako  egitasmoen  artean
11/07/2025 SPRILUR

Barakaldoko Burtzeña, Erandioko Plaiabarri eta Santurtziko Etxeuli proiektuak, aurtengo lehen seihilekoan eta 33 milioi euroko balioarekin, Eusko Jaurlaritzak Sprilurren bidez lizitatutako egitasmoen artean

12 lizitazio egin dira aurten, bost obra eta eraikuntzetarako, eta zazpi zerbitzuak kontratatzeko

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Aurrekontuak  berriro  zabalduko  ditugu,  adimen  artifizialeko  teknologiak  barne  hartzen  dituzten  eta  Euskadiko  enpresen  datuen  azpiegitura  optimizatzen  duten  proiektuak  babesteko.

Aurrekontuak berriro zabalduko ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

Ekintzailetza  berritzaile  onena  aitortzen  duten  Top101  Sarietarako  epea  zabalik  dago
01/07/2025 Ekintzailetza

Ekintzailetza berritzaile onena aitortzen duten Top101 Sarietarako epea zabalik dago

Hautagaitzak uztailaren 23ra arte aurkez daitezke

Industriari  aplikatutako  30  soluzio  teknologiko  aurkeztuko  ditu  Eusko  Jaurlaritzak  BINDen  Demo  Day  jardunaldian,  uztailaren  3an
16/06/2025 Up Euskadi

Industriari aplikatutako 30 soluzio teknologiko aurkeztuko ditu Eusko Jaurlaritzak BINDen Demo Day jardunaldian, uztailaren 3an

Kursaal Kongresu Jauregia eta Auditorioan ospatuko da Eusko Jaurlaritzaten eta SPRI taldearen BINDen Demo Day 9. edizioan eta 20 startupek Euskadiko ETE eta korporazio liderrekin batera garatutako berrikuntza-proiektuak aurkeztuko dituzte.

ComexSoftek  erabaki  estrategikoak  hartzen  laguntzen  die  elikagaien  retail  sektoreko  enpresei
12/06/2025 Ekintzailetza

ComexSoftek erabaki estrategikoak hartzen laguntzen die elikagaien retail sektoreko enpresei

Aginte-panel interaktibo baten bidez, fabrikatzaileei eta banatzaileei produktuen salmenten analisia, merkatuen araberako fakturazioa eta produktua hainbat merkatutara egokitzeko potentziala monitorizatzeko aukera ematen die

Pedro  José  Salazar,  AJL  Ophthalmic  enpresako  CEOa,  eta  Kroketak.eus:  Araba  Ekinean  2025  sarien  irabazleak
04/06/2025 Ekintzailetza

Pedro José Salazar, AJL Ophthalmic enpresako CEOa, eta Kroketak.eus: Araba Ekinean 2025 sarien irabazleak

Ekin Day ekimenean, ekainaren 2an Europa Biltzar Jauregian egindako Araba Ekinean jardunaldi nagusian, “Zure ideiak balio du” lehiaketaren 2025. edizioko 11 kategorietako sariak banatu ziren.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.