ES | EU


2016ko Otsaila 11
apaintzeko irudia



Joan den urteko esperientziak lortu duen arrakasta eta gero, 2016. urtean ere euskal enpresetan barne-ekintzailetza sustatzeko askotariko jarduerak egingo ditugu. Datorren otsailaren 24an aurkeztuko dugu aurtengo programaren nondik norakoa, Gipuzkoako Bazkundearen Donostiako egoitzan egingo den ekitaldian, eta bertan aurreikusitako agenda partekatzeko aukera izango dugu. Bertara etortzeko asmoa baduzu, mesedez, kontsultatu egitaraua eta izena eman.

2015. urtean 36 enpresek baliatu dute  Up!Euskadi Ekimenak eskaintzen duen akonpainamendu aditua barne-ekintzailetza sustatzeko eta 100 enpresa-zuzendarik parte hartu dute goi-prestakuntzako jardueratan. Aurten, gainera, indartu egiten da jardunbide hau; besteak beste, eragile kolaboratzaile gehiago izango da (kluster, merkataritza-ganbara, enpresa-elkarte eta abar) eta 18 enpresa eragilek parte hartuko dute beren ezagutza eta esperientziak partekatzeko eta bertako start-up direlakoekin beren enpresa-erronkak lantzeko.

Datorren otsailaren 24ko aurkezpen-ekitaldian erakundeetako ordezkariak izango dira (Eusko Jaurlaritzako Ekonomiaren Garapena eta Lehiakortasun Saila eta Foru Aldundiak), eta Ekimenarekin bat egiten duten enpresetako zuzendaritza kideak barne-ekintzailetzak berarekin dakartzan erronkak eta aukerez arituko dira mahai-inguruan. Horrez gain, Telefonica enpresako kasua ere ezagutuko dugu, bertako “Head of Innovation Portfolio” den Susana Juradoren eskutik.

Izen ematea hemen



2016ko Otsaila 11
apaintzeko irudia



UPV/EHUren Zitek programak Ekinduz bideojokoa kaleratu du, Bizkaiko campuseko ikasleei ekintzailetza modu ludikoan hurbiltzeko tresna. Jokoa taula birtual bat da, non parte-hartzaileek askotariko galderei erantzun behar  dieten enpresa proiektuan aurrera egin ahal izateko. 2.250 euroko sariak banatuko dira bost finalisten artean.

Gehiago irakurri…



2016ko Otsaila 11
apaintzeko irudia



Wikitokin (San Frantzisko auzoan kokatutako praktika kolaboratiboen laborategian) Espazioak Trukatzeko Sarea ekimena jarri da abian. Proiektu horrek helburutzat du baliabide ukigarriak eta ukiezinak partekatzea Bilbo Zaharra, San Frantzisko eta Zabala auzoetako eragileen artean.

Gehiago irakurri…



2016ko Otsaila 10
apaintzeko irudia



“Iruditzen zait modu naturalean iritsi naizela honaino”, dio Irurik e-commerce arloan emandako lehen urratsei buruz. Bere amak opari-denda txiki bat zeukan Gasteizen, eta “neba-arrebok onlineko denda bat jarri genion 2001ean, nonbait.com, merkataritza elektronikoaren kontzeptua apenas ezagutzen zenean…”

 

Harrezkero, bizitzak beste bide batzuetatik eraman nau, Alemanian eta Madrilen lan egin dut teknologiarekin zerikusirik ez duten enpresetan, baina beti jarraitu izan dut hurbiletik merkataritza elektronikoaren bilakaera: “Buru-belarri aritu naiz lanean enpresa, startup eta proiektu askotan (Ideateca edo Ludei, adibidez), eta, halako batean, ia konturatu gabe, Nolatan denda-sarea sortu eta e-commerce arloan murgildu naiz…”

Gehiago irakurri…