Zientzia Asteak zientzia eta teknologiaren magia hurbilduko du 100dik gora jardueraren bitartez
Jardunaldiak azaroaren 6tik 10era bitartean egingo dira Bilbon, Donostian, Gasteizen eta Barakaldon
Antzinako hezurren DNAn ezkutatuta dagoena argitzea, fisika eta kimikako esperimentu ikusgarriak egitea edota robot batek nola funtzionatzen duen ikastea dira Zientzia Astearen XIX. edizioak eskainiko dituen jardueretako batzuk. UPV/EHUk antolatutako ekimen honek publiko guztiei helarazi nahi die zientzia eta teknologien potentzialtasuna, askotariko jarduera ludiko eta didaktikoen bitartez. Zientzia, Teknologia eta Berrikuntzaren Astea Bilbon, Donostian, Gasteizen eta Barakaldon egingo da aldi berean, ehundik gora proposamen bilduz.
Zientzia Asteko programazioaren barruan, aurkezpenak, tailerrak, hitzaldiak, erakusketak eta bisita gidatuak antolatuko dira zientziaren alderdirik magikoena eta harrigarriena hainbat arlotatik bistaratzeko asmoz: matematika, telekomunikazio eta robotikatik hasi eta genetika, psikologia edo astronomiaraino. Hartara, Bilboko Bizkaia Aretoan, arkeologia forentsearen inguruko esperimentuak, partikula-azeleragailuen funtzionamendua ulertzeko tailerrak edota arazo matematikoetan oinarritutako azkartasun-jokoak antolatuko dira. Bestetik, Donostiako Tabakaleran, bertaratutakoek psikobiologiaren printzipioak ulertu, kimikako esperimentuak egin eta robot interaktibo batekin hitz egiteko aukera izango dute, beste hainbat proposamenen artean.
Gasteizko Bibat Museoan ere, zientziari eta teknologiei lotutako jarduera ugari antolatuko dira: arkeologiari buruzko tailerrak, medikuntza arloko ikerketari zuzendutako txipen erabilerari buruzkoak edota ibilgailu elektrikoen eraikuntzaren ingurukoak. Gainera, txikienek Escape Lab erronkari aurre egin eta birus hilgarri baten aurkako antidotoa lantzen lagunduko dieten kimikari buruzko kontzeptuak ikasteko aukera izango dute. Bestalde, Barakaldon, jarduerak Clara Campoamor Kultur Etxean egingo dira: ilusio optikoen tailerrak, buru-azkartasuna frogatzeko jokoak eta papiroflexia matematikoa, besteak beste.
Zientzia, Teknologia eta Berrikuntzaren Astearen barruan antolatuko diren hitzaldien artean, halaber, NASArako lan egiten duen Eneko Axpe fisikari barakaldarrarekiko topaketa nabarmendu behar da, baita Bizkaiko Ingeniaritza Eskolako ikasleek eraikitako Formula Student Bizkaia lehiaketa-ibilgailu elektrikoaren aurkezpena ere. Jarduera hauei euskal museoetara, behatokietara eta zentro teknologikoetara antolatuko dira txangoak eta bisita gidatuak gehitu behar zaizkie.
Zientzia Asteko programazio osoa doakoa da, eta dagoeneko irekita dago jardueretarako izena emateko epea. Izen-emateak webgunearen bitartez egin daitezke, Barakaldoko topaketen kasuan izan ezik, telefonoz edo posta elektronikoaren bidez egin behar baitira.
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
Industriarako soluzio teknologiko aurreratuen garapenean erreferentea den ULMA kooperatiba taldea bisitatu du Mikel Jauregi sailburuak
Oil&Gaseko negoziorako brida homologatuen fabrikazioan munduko liderra den ULMA Forged Solutionsen lantegi nagusian ibili da eta "ziurgabetasuna nagusi den une honetan, ULMA kooperatiba-taldea industriaren, inbertsioaren, berrikuntzaren eta kalitatezko enpleguaren aldeko apustua nabarmena egiten ari da" nabarmendu du
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Connect Group, zentro teknologikoa Donostian duen multinazionala
Donostiako lantegiak SPRI Taldearen BDIH Konexio programaren laguntza jaso du, eta urtean bi milioi txartel elektroniko diseinatu eta fabrikatzen ditu
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna