Ticket BAI, fakturazio elektronikoko derrigorrezko sistema berria enpresa eta aholkularitza-enpresentzat
Prozesuen digitalizazioa ohikoa da dagoeneko sektore askotan, eta geroz eta arruntagoa izaten ari da erakunde-esparru desberdinetan ere. Orain, eraldaketa digital horrek urrats bat gehiago eman du Ticket BAI sistemarekin. Hiru Foru-Ogasunek eta Eusko Jaurlaritzak bultzatutako fakturazio elektronikoko sistema berri bat da hori, Euskadiko enpresa eta aholkularitza guztietan nahitaez ezarri nahi dena. EuskoData, softwareak eta soluzio teknologikoak eskaintzen dituen enpresa gipuzkoarra da, eta hainbat soluzio garatu ditu fakturazio elektronikoko sistema berria enpresetan, aholkularitzetan eta bulego profesionaletan integratzeko. Soluzio horiek Ogasunak egokitu eta homologatu ditu dagoeneko. Ticket BAI programaren inguruan jakin behar den guztiaz hitz egin dugu EuskoDatako bi aholkulari komertzialekin: Igor Andrés bulego profesionaletara eta aholkularitzetara bideratua eta Iñaki enpresetara
Zer da Ticket BAI eta nori zuzenduta dago?
Iñaki Telleria: Ticket BAI fakturazio eta kobrantza sistemak kontrolatzeko tresna bat da. Proiektu honek Euskadiko Ogasunei sektore guztietan gertatzen diren diru-sarrerak kontrolatzeko aukera ematen die. Horregatik, EAEn zergak ordaintzen dituzten zergadun, enpresa eta autonomo guztiei zuzenduta dago.
2022ko urtarrilaren 1ean jarriko da indarrean. Eta lurraldearen arabera, jarduera-kodearen araberako egutegia ezarriko da.
Zer aldaketa eragingo ditu software horrek enpresetan eta aholkularitzetan?
Igor Andrés: Enpresek software ziurtatua izan beharko dute, araudia betetzen dela egiaztatzeko. Bizkaiko eta Gipuzkoako Foru Aldundiaren webguneek dagoeneko badute programa ziurtatuak dituzten fabrikatzaileen zerrenda.
Ticket edo faktura bakoitza TBAI kode baten bidez sinatu eta identifikatu beharko da, eta informazioa dagokion Ogasunera bidaliko da. Era berean, dokumentuak QR kode bat izango du, kontsumitzaileak egiazta dezan. Garrantzitsua da azpimarratzea faktura/tiketa egin ondoren ezingo dela aldatu.
Bizkaian 2020ko udazkenean hasi zen probaldia eta orain Gipuzkoaren eta Arabaren txanda da. Euskadiko enpresa guztiek Ticket BAI-rekin bat datorren fakturazio-programa bat erabiltzea planteatu duzue. Nola lortuko da anbizio handiko helburu hori?
I.T.: Ezarpena desberdin planteatzen da lurraldearen arabera. Gipuzkoan eta Araban, progresiboki egingo da, jarduera-sektorekako egutegi baten arabera, eta Bizkaiak blokean egingo du 2022ko urtarrilaren 1ean.
I.A.: Bulegoaren edo aholkularitzaren presentzia ezinbestekoa da, beraiek izango baitira Ticket BAIri egokitu beharko diren lehenak. Prozesu horretan duten esperientzia eta aholkularitza gainerako enpresentzat gidari izango dira.
Negozio txikiek eta autonomoek laguntza beharko dute erreminta hori behar bezala martxan jartzeko.
Ba al dago softwarea ezartzeko laguntzarik?
I.T.: Oro har, % 30eko hobaria ezarri da OZren eta PFEZren kuotan, hura ezartzeagatik bere gain hartutako gastuari dagokionez, baina betiere indarrean jarri aurretik egiten bada. Gipuzkoan, enpresaren fakturazio-zifraren % 1eko muga ezarri da, gehienez 3.000 eurokoa.
Oso garrantzitsua da prozesua lehenbailehen hastea, ez soilik laguntza hori lortzeko, baita egokitzeko denbora nahikoa izateko ere.
Sektore guztiek ez dituzte behar berak, ezta aholkularitzek ere. Hainbat errealitatetara egokitu al daiteke softwarea?
I.T.: Bai, hainbat irtenbide ditugu jardueraren arabera. Hiru fabrikatzailerekin lan egiten dugu: Sage, Orain eta Wolters Kluwer, eta enpresak nahiz bulego profesionalak laguntzen ditugu.
I.A.: Bulegoaren kasuan, Wolters Kluwer-en fakturazio-software bat daukagu, harentzat egokitua (a3ges), eta bezeroentzat egokitutako beste bat (a3factura), aholkularitzaren kontabilitatearekin lotzen duena. Biak dira erabilerrazak eta sinpleak erabiltzaileentzat.
Fakturazio-sistema berri honek agerian uzten du bizi dugun eraldaketa digitala. Zer onura dakar horrek administrazioentzat? Eta enpresentzat eta aholkularitzentzat?
I.T.: Administrazioa gai izango da iruzur fiskalari eraginkortasun handiagoz aurre egiteko, diru-sarrera gehiago izateko eta zergadunari tramiteak errazteko.
Baina, gainera, enpresek, ETEk, autonomoek edo saltoki txikiek ere, beren kudeaketa-programak (ERP) eguneratzean, beren negozioak hobeto kudeatzeko tresna bat izango dute.
I.A.: Bulegoentzat, haien eta bezeroen arteko lankidetza-lotura indartzeko aukera bat da, bai eta haien prozesuak digitalizatzeko ere.
Euskodatan egokitzapen prozesu osoan lagunduko dugu, Ticket BAI estrategian orientatzeko laguntza izango gara, bai bulegoetarako bai bezeroentzako.
Lotutako albisteak
Hemolinek test anitzeko sistema portatila garatu du hemostasiaren diagnostiko azkar eta zehatza lortzeko
iLine Microsystemsek zuzendutako proiektua osasun-sektorerako dispositibo bat garatzen ari da, antikoagulatutako pazienteak tratatzeko. SPRI Taldearen Hazitek Laguntza Programaren babesa izan du.
EGOKIA proiektuak elkarlaneko ikaskuntza automatikoko plataforma aitzindari ziberseguru bat lortu du
Hazitek proiektu hau hamar bat euskal enpresa eta ikerketa zentrok garatu zuten, Mondragon Assembly buru zela.
Aracel proiektuak irtenbide berriak garatu ditu eraikuntzan energia-mendekotasuna murrizteko
Belako Lanak buru duela, karbono-aztarna baxuko mortero bat eta isolamendurako eko-panelak diseinatu ditu, SATE sistema batean integratzeko. SPRI Taldearen Hazitek laguntza-programaren babesa izan du.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
Infinite proiektuak kontakturik gabe monitorizatzen du egitura aeronautikoen bizi-zikloa
Ideko zentro teknologikoak gidatutako proiektu europar honek mikrohariak erabiltzen ditu karbono-zuntzen egituren egoera kontrolatzeko, haien kalitatea ziurtatzeko, piezak sentsore kableatuekin hornitu beharrik gabe.
Vaillant Groupek aire-ur bero bonba berri bat merkaturatu du, eraginkorragoa eta zarata-mailak murrizten dituena
Behin Split proiektua amaituta, Europako merkatuan makinak merkaturatzen hasi da, eta 30.000 salmenta izatea aurreikusten du. SPRI Taldearen Hazitek Laguntza Programaren babesa jaso du.
Sintop proiektuak saldu osteko kudeaketa optimizatu du etxebizitzen eraikuntzan
Construcciones Olabarri buru dela, plataforma adimendun bat garatu da obrak denbora errealean amaitu direnean gorabeherak erregistratzeko. Ekimenak SPRI Taldearen Hazitek Laguntza Programaren babesa jaso du.
Hazitek proiektu batek Hesteetako Gaixotasun Inflamatoriorako diagnostiko-sistema eta terapia berriak garatu ditu
HANTURA, Faes Farma buru duela, sendagai berriak, gaixotasunaren tratamendurako alternatiba terapeutiko berrien garapenean egindako aurrerapenak eta pazienteen zaintza asistentziala hobetzeko tresna digitalak lortu ditu.
Tamag mikroteknologietan erreferente bihurtu nahi da nazioartean
Donostiako mikroETEak produktu berrien garapenari eta mikrohari amorfo magnetikoen elaborazioari aplikatutako I+Gn zentratzen du bere jarduera.